ich darf euch den text 349. | mei heaz, mei sö präsentieren. es ist eine hommage an die liebe, vom kennenlernen bis in den tod hinaus.
wünsche euch allen ein spannendes und herzerweichendes lesevergnügen.
***************************************************************************
349. | mei heaz, mei sö.
Heit
tonz i wieda duachs gesomte haus, loch schallend voa glück mit vü applaus
Sing
und gröl dabei laut voa mi hin, spring hoch ind luft, strotz no voa eneagien
Schrei
jetzt mei freude in die natua, jubl dea sunn mit euphorie zua
Dei
liebe bringt mi zum explodian, dei liebe wead i afoch niemois kapian.
Bin
so valiebt wie om eastn tog, brauch ka untaschrift auf an vatrog
Mit
mia host das wiaklich net so leicht, unsa zü homma no long net eareicht
Da
weg doathin is stanig und hoat, vielleicht bin i zoid füa an neustoat
Nua
dei liebe vazaubat mein geist, nua mit deina liebe bin i nie entgleist.
Denn du bist mei
heaz, mei sö, mei gegnstück, mei engl in
peason, mei fee
Denn wia zwa san vabundn duach zeit
und raum, äonenlonge odyssee
Denn du bist mei
heaz, mei sö, mei gegnpol, bist nua füa mi
auseawöht woan
Denn wia kennen gedonkn lesn, hom a
eigne sproch, san wiedageboan.
Tonz
heit duachs zimma und duachn gong, geniess den harmonischn woihklong
Geniess
intensiv die sonnenstroihn, woit die vün tränen da woikn moin
Eazöh
dem voimond mei lebnsgschicht, geh so gean spazian im steanenlicht
Dei
liebe umhüllt mi von kopf bis fuss, dei liebe is a entflommenda kuss.
Die
zweisomkeit konn kana zastean, im gegnteil wia kennans nua vameahn
Begeah
di om liabstn jedn tog, da blitz is schnölla ois da donnaschlog
Bin
a tromml mit an weichn fö, die dunklheit wiad scho wieda hö
Dei
liebe duachdringt jeds element, nua duach dei liebe wean ma niemois getrennt.
Und
scho so vü longe joah lem ma mitanond, scho so vü scheene joah hoitst du mei
stoake hond
Und
scho so vü joah homma ois gemeinsom gmocht, scho so vü longe joah nua nebn dia
aufgwocht
Und
so vü longe joah die obnteia gspiat, scho so vü joah unsre intimität beriat
Und
so vü joah jede hüadn gemeinsom gschofft, scho so vü joah gem ma uns gegnseitig
kroft.
Denn du bist mei
heaz, mei sö, mei spieglbüd, mei blume, die
duftet und blüht
Denn wia zwa san füa einond
bestimmt, dei innres feia no long net vaglüht
Denn du bist mei
heaz, mei sö, mei schutzengl, zu mia entsondt
auf ana mission
Denn i bin a teu, die höfte von dia,
duachwondast dei reinkarnation.
Du host meah ois siebn
lebn, host a scho a ewigkeit noch mia gsucht
Wüst ma oi dei liebe
gebn, umoamst mi in diesa friedlichn bucht
Mei
heaz, mei sö hot mi befreit, olle ängste und
soagn foin jetzt ob
Bin jetzt füa dei liebe
bereit, in da ecke steht jetzt dei wondastob.
Tonz
jetzt auf da strossn in da nocht, trogst in dia a seah kostboare frocht
Schick
dem lebn an willkommensgruss, do tränen vameahn si im obschiedsfluss
Iahre
zeitn woan vüz schnö voabei, tiaf drin detoniat a dröhnenda schrei
Mei
liebe streichlt dein traurign kean, mei liebe mecht von dia ois bese obweahn.
Die
klanen wesn woxn hearon, vom baby zum kind und donn zum monn
San
jetzt a familiäre einheit, die heilung da wundn braucht a iah zeit
Die
oide generation is gstoam, eainnarungen hoitn an woam
Die
junge hintalosst iahre spuan, unsare setzt no die letztn signatuan.
Und
scho so vü longe joah lem ma mitanond, scho so vü scheene joah hoitst du mei
oide hond
Und
scho so vü joah gehn ma gemeinsom duachs lem, scho so vü longe joah is a nehmen
und gem
Und
so vü longe joah jeds eaeignis bewoaht, so vü longe joah unsre liebe offnboat
Und
so vü joah den weitn weg gemeinsom gschofft, scho so vü joah gem ma uns
gegnseitig kroft.
Denn du bist mei
heaz, mei sö, mei diffarenz, mei gewüaz, von
gonz schoaf bis mild
Denn wia zwa san da onfong und des
end, unsre liebe no long net gestillt
Denn du bist mei
heaz, mei sö, mei schutzschüd, bin dei letzta
auftrog auf deim weg
Denn wia büdn a komplexes gonzes,
bist jede figua auf dem schachbrett.
Hob bitte meah ois siebn
lebn, d‘ewigkeit hot iahre fühla ausgstreckt
Wü da oi mei liebe gebn,
ind umoamung hob i mei gfüh reingsteckt
Mei
heaz, mei sö hot mi gestäakt, olle phobien
und leidn lösn si auf
Hob dei liebe scho
längst bemeakt, dei wondastob is net meah in gebrauch.
Host di nebm mi hingsetzt, deine hoamone san mit meinen vanetzt
Des kroftföd
funklnd vibriat, mei heaz, mei sö
hot iah liebe in mi eingraviat
Dei blick ind
augn geht tief, bin a offnes buch, kennst mei gonzes archiv
Host mi scho auswendig
gleant, mei heaz, mei sö
hot si von mia no nie weit entfeant.
Tonz üba wiese, föd, duachn woid, gmiatlich longsom, bin jo scho oid
Dei
lächln vajüngt mi innalich, boid vasinkt unsa moasches lebnsschiff
Hob
ka ongst, denn ois wiad wieda gut, übatrog da gean mein eignen mut
Wea
donn ois easta des licht eablickt, hot no schnö oi sei woahre liebe vaschickt
Die
kinda san da weatvoiste schotz, gebn eam wieda frei, unsan plotz
Hom
unsa bestes gem, san seah stoiz, homs peafekt gschnitzt des familienhoiz
Do
da letzte schritt is no net gmocht, hob wieda volla glück schollend glocht
Dei
liebe bringt mi zum explodian, dei liebe wead i afoch niemois kapian.
Nua
dei liebe vazaubat mein geist, nua mit deina liebe bin i nie entgleist
Dei
liebe umhüllt mi von kopf bis fuss, dei liebe is a entflommenda kuss
Dei
liebe duachdringt jeds element, nua duach dei liebe wean ma niemois getrennt
Dei
liebe hot no so vü eneagie, deine fliagl hom a peafekte symmetrie.
Und
scho so vü longe joah lem ma mitanond, scho so vü scheene joah hoitst du mei
schwoche hond
Und
so vü joah homma gemeinsom zeichn gsetzt, scho so vü longe joah homma uns nie
valetzt
Und
scho so vü joah unsre eigne gschichte gschriem, so vü longe joah afoch jedn
streit vatriem
Und
so vü joah olle kuavn gemeinsom gschofft, scho so vü joah gem ma uns gegnseitig
kroft.
Denn du bist mei
heaz, mei sö, mei ausgleich, mei wossa, feia,
eadn und luft
Denn wia zwa san im nebl da zeit
eintaucht, zwischn uns woa afoch nie a kluft
Denn du bist mei
heaz, mei sö, und mei beweis, hom uns küsst
untam guadn stean
Denn du host mi imma wieda
übaroscht, unsre liebe is gspeichat im kean.
Brauch jetzt deine siebn
lebn, denn die ewigkeit woat auf uns scho draussd
Hom uns unsre liebe
gebn, nimm di jetzt mit mia, wonnst di donn scho traust
Mei
heaz, mei sö hot uns zuadeckt, olle panik und
fuacht bleibm vaschoin
Hob dei liebe no in mia
gschmeckt, dei wondastob von tränen gonz vaquoin.
Host di nebn
mi hingsetzt, deine hoamone san mit meinen vanetzt
Des kroftföd
funklnd vibriat, mei heaz, mei sö
hot iah liebe in mi eingraviat
Dei blick ind
augn geht tief, bin a offnes buch, kennst mei gonzes archiv
Host mi scho
auswendig gleant, mei heaz, mei sö
hot si von mia no nie weit entfeant.
Fliagn
in den sonnenuntagong, da regnbogn is unsa pfad
Liegn
eng umschlungn beieinond, auf unsam grobstein steht a zitat
Mei
heaz, mei sö füa imma vaeint, schwebn
gemeinsom duach zeit und raum
Die
dunklen woikn hom gonz laut gweint, und des vawökte laub foit vom baum.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
copyright by philipp kirschner 23. september 2016.pk
geschrieben am 15.+16.+17. jänner 2016.
**********************************************
ein herzliches dankeschön für euer interesse, eure intensive treue, eure zahlreichen besuche und für eure zeit, die ihr alle ins lesen und übersetzen steckt. vielen lieben dank.
und hier wieder die üblichen links:
übersicht band 2
übersicht band 4 und band 3
google+
literatpro - meine gedichte band 2
danke für alles. und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, der mundartige.
Keine Kommentare:
Kommentar veröffentlichen