mundartige texte - philipp kirschner: 380.

seid gegrüsst ihr lieben treuen textmaniacs. der text "gsehn und erlebt" ist nun vollständig. LEST also getrost zu ende. danke für euren besuch.
euer phil

ein herzliches und liebes seid mir gegrüsst an euch alle da draussen.
der nächste text steht für euch zur verfügung.

und hier ist er auch schon:

********************************************************

380. Gsehn und ealebt.

Wü endlich ois vagessn, wos woa, gwesn is und sein wiad, die zeitliche grenzn hot mi scho alarmiat

Diese sinnlose vagongenheit woa ma scho seah suspekt, leida is die zeitmaschin wieda moi defekt

Die fümriss wean imma länga, hom afoch ka zeitgefühl, die eainnarungen woan sowieso nua müll

Schwimm und tauch mittn im dichtn nebl in an labyrinth, drah mi ständig im kreis wie in an wiablwind.

Wü endlich ois vagessn, wos woa, gwesn is und sein wiad, denn mei neugia hot si scho längst deaktiviat

Mei eigne entwicklung woa a ständige konfrontation, mit volla kroft grodaus gibts goa ka reaktion

In meina longsomkeit liegt die wüaze von meim amoklauf, da vuikan in mia spuckt wieda asche und rauch

Des amoi entfochte feia brennt no seah long lichtaloh, die hitzn vabündet si mit an restrisiko.

Mei leidn findt hoffentlich boid sei end, meine beschweadn hom no gnua temperament

Mei schwäche fühlt si unbesiegboa stoak, meine schmeazn jogn mi sogoa bis ins moak

Mei vastond spüt mit mia scho long vasteck, meine gedonkn ziagn mi tiaf in den dreck

Mei büd hob i scho vüz oft übamoit, meine foabm san längst vatrocknet und uaoid.

Wü endlich ois vagessn, wos woa, gwesn is und sein wiad, mei schlechts gwissn hot si von söbst eliminiat

Hob üba mei vasogn und die vün föhla scho glocht, auf meina äussastn schoin hots ma nix ausgmocht

Nua mei innastes wiedahoit stets jede anzelne gschicht, die vün stimmen vastön ma mei eigne sicht

Wie im aug vom oakan hea i die stün volla harmonie, die hüfeschreie woatn auf a autopsie.

Wü endlich ois vagessn, wos woa, gwesn is und sein wiad, mei woxende ungeduid is donn explodiat

Diesa bestialische stüstond hot mi gfoitat und quöt, hob mei freindlichkeit um hundatochzg grad vastöt

Die vadommte schnölebigkeit flüchtet in an ongstzuastond, die panik mochtn letztn schritt ins schwoaze lond

A eisige vapestete kötn schleicht duach zeit und raum, vabündet si mitm letztn schlog zu an oiptraum.

Vagrob endlich meine gedonkn in a tiafs loch, lösch mei gedächtnis, wiaf mi endlich vom doch

Schoit do endlich moi meinen synapsn den strom ob, ziag afoch den stecka, zastea jetzt den stob

Beend jetzt endlich dieses obsuade trauaspü, schwenk afoch die fahne gonz kuaz voam zü

Vaschliess die tüan und fensta, ziag den voahong zua, vawisch jetzt endlich jede anzelne spua.

Meine plogn hean hoffentlich boid auf, meine gebrechn hom grod iahn schnöstn lauf

Mei easchöpfung strotzt imma no voa kroft, meine strapazn trinken von meim lebmssoft

Mei intellekt fosst mi beim fongenspün, meine ideen hom übahaupt kan frein wün

Mei buach hob i scho vüz oft übaschriem, mei schrift is unlesalich oba legitim.

Aus dem ei schlüpft a raupm, die si donn völlig ongfressn vapuppt

Aus da puppm schlüpft a schmettaling, dea mit seinen fliagl sonft zuckt

Aus dem keim gedeiht a stängl, dea zu an riesign baum mutiat

Hot scho so vü gsehn und ealebt, seine joahresring hom si net geiat.

Wü endlich ois vagessn, wos woa, gwesn is und sein wiad, meine gfühle wuadn scho gnua umheajongliat

Hob hinta meim ruckn nua spott, häme und vahöhnung gheat, hob mi voa diesa ätzendn vaochtung eingspeat

Meine eignen via weissn wänd woan mei grosse weide wöd, hob mi no nie ana hearausfoadarung gstöt

Do mei tiafe feigheit hot mi net so richtig weida brocht, eante nua no unfriedn, streit, zank und zwietrocht.

Wü endlich ois vagessn, wos woa, gwesn is und sein wiad, hob die vün winzign details net negiat

Die weissn fleckn und schwoazn lecha san scho weit vastreut, nua leare vasprechungen wuadn eingebleut

Die übafülltn züg san scho längst vom foischn gleis obgfoahn, olle gepäckstück vaschwindn und gehn valoan

Die endstation nua no a ruine volla müll und schutt, diesa trümmahaufn foadat an seah hohn tribut.

Vasenk endlich meine gedonkn in a tiafs loch, lösch mei phantasie, säuba endlich mei doch

Kipp do endlich olle voahondenen schoita um, drah olle hähne zua, füahs ad absuadum

Bring diese groteske situation zu an end, wiaf do des hondtuch im richtign moment

Ziag den voahong zua, vaschliess fensta und tüan, muasst meine oidn zeitungen fest vaschnüan.

Meine soagn bleim hoffentlich vaschoin, meine mängl san scho wieda seah stoak ongschwoin

Mei müdigkeit is togelong scho auf, meine onstrengungen nehmen scho ois in kauf

Mei denkn spüt schach nua ohne figuan, meine entwüafe hom kane festn struktuan

Hob mei statue scho wieda zasteat, des gestein hot die gmeisslte gstoit net geeaht.

Da samen befruchtet des ei, aus dem donn a lebewesn schlüpft

Fauna und flora, sogoa da mensch san mitanond gonz eng vaknüpft

Aus winzlingen entstehn riesn im wossa, in da luft und om lond

Hom scho so vü gsehn und ealebt, bewoahn weitahin den baumbestond.

Hob a scho gnua gsehn und ealebt, wü endlich ois vagessn, vagrobm und valian

Hob meine fünf sinn zugeklebt, woit imma scho mei vagongenheit manipulian

Hob a scho gnua gsehn und ealebt, mecht endlich ois vagessn, valian und tiaf vagrom

Hob meine fünf sinn lahmgelegt, endlich wean die schmeazn zu an realn phantom.

Wü endlich ois vagessn, wos woa, gwesn is und sein wiad, hob mei unausweichliches schicksoi akzeptiat

Da weg woa kloa voazeichnet ohne iagendan kompromiss, meinen fliagln föhn fedan, bedocht mit skepsis

Mei gföschte freiheit hot mein vafrühtn flug zum obstuaz brocht, lond inmittn meina eignen intimen schlocht

Kämpf mi träge und miad duach des kuaze und schweare gefecht, diesa bese oiptraum wiakt so phantastisch echt.

Wü endlich ois vagessn, wos woa, gwesn is und sein wiad, bin nochm foi aufgstondn und weidamaschiat

Die wundn san längst vaheilt, nua die noabm zeign den plan, hauchdünn woa nua mei kränklnde lebnsmembran

Mei nährende eneagie mocht mein akku wieda gonz voll, mei kroft reicht hoffentlich no bis zum gegnpol

Hintam spiegl liegn geheimnisse freizügig herum, do dieses wissn füaht direkt ins delirium.

Vaschoa endlich meine gedonkn in a tiafs loch, lösch mein speichaplotz, zastea endlich mei doch

Bring endlich meine sicharungen zu an kuazschluss, gewäah ma do endlich den anzign gnodnschuss

Reiss jetzt diese kaotischn zuaständ ausanond, moch ka gegnweah, leist a kan widastond

Vaschliess die tüan und fensta, ziag den voahong zua, intavenia net im prozess da natua.

Mei ballast foit hoffentlich von mia ob, meine manien hoitn gewoitig mi auf trob

Mei mattigkeit is scho wieda eablüht, meine schindarein brauchn jetzt dringend a schüd

Mei logik wüaflt, mischt koatn vakeaht, meine grundsubstanzn hom si von söbst entleat

Mei eafindung hot donn net funktioniat, mei genialität hot si söbst sabotiat.