386. | Dieses etwos.

meine treuen und braven leserinnen und leser.
meine lieben freunde der mundarttextung.
seid herzlich willkommen.

danke für euren besuch. ihr werdet es nicht glauben, aber nach drei tagen habe ich wieder für euch einen text geschrieben. war selbst überrascht, wie leicht mir die buchstaben auf die tastatur geglitten sind.
danke für euer Interesse und für wünsche euch ein fröhliches lesevergnügen. euer phil
ich will euch nicht zu lange auf die folter spannen.
hier ist er nun:

**************************************************************

386. | dieses etwos.

Geh afoch weg von mia, loss mi endlich allan, dei vadommt holde zia, zadruckt mi wie a stan

Bleib jetzt afoch doat stehn, und riah di net vom fleck, wü di jetzt net meah sehn, ziagst mi tiaf in den dreck

Drah di endlich moi um, valoss jetzt diesn oat, lösch di aus meim album, bist donn endgültig foat

Mecht gean die zeit zruckdrehn, hätt di nie kenna gleant, konns bis heit net vastehn, host di nua bei mia aufgwäamt.

Geh von mia afoch weg, loss mi endlich in ruah, suach da a gscheids vasteck, moch die tia endlich zua

Hobs jetzt hinta mi brocht, host mi gfoitat und quöt, hob jetzt endlich schluss gmocht, hob mi scho long vastöt

Da voahong is scho gfoin, die keazn runtabronnt, jeds aug is scho vaquoin, büdn a tränenwond

Vaschwind aus meim lebm, füa uns gibts ka zukunft, konn da net vagebm, hüft ka vastond, ka vanunft.

      Iagendwos schlummat tiaf in mia drin, do i konns net beschreim, iagendwos in mia eagibt kan sinn

      Iagendwos hot si on mia festgsaugt, do i konns net vatreim, iagendwos hot mein keapa ausglaugt

      Iagendwos frisst mi von innen auf, do i vaspüa kan schmeaz, iagendwos vazögat mein kreislauf

      Iagendwos in mia woxt und gedeiht, denn mit mia gehts obwäats, dieses etwos hot si no net befreit.

Hoit gnua obstond zu mia, loss mi endlich moi los, dei vadommt wüde gia, vasetzt man gnodnstoss

Schau net meah zu mia zruck, lauf jetzt von mia davon, woa do ois söbstbetrug, bist a chamäleon

Stehst voa vaschlossnen tüan, hob die glockn negiat, wü von dia nix meah spüan, hob di jetzt ignoariat

A passlteil föht no, hobs iagendwo valoan, hea des leise echo, woit ma des gonze easpoan.

Hoit zu mia gnua obstond, schleich di aus meim umkreis, woat afoch bei da wond, geh do aufs foische gleis

Kostest neavn und kroft, und a vü eneagie, gheast endlich moi bestroft, füa dei sonfte chemie

Vaschwend net meine luft, brauch no gnua sauastoff, zwischn uns is a kluft, vakriach di in a loch

Mia reisst boid die geduid, füa uns gibts ka zukunft, gib dia die volle schuid, hüft ka vastond, ka vanunft.

Bin innalich zrissn, obgnutzt und vabraucht, bin scho in den chaotischn gefildn eintaucht

Bin scho duach a sumpf- und moalondschoft maschiat, bin om tiafstn grund völlig entkräftet kollabiat

Bin innalich grädat, easchöpft und geschwächt, bin völlig nebm da spua, fühl mi wie im gefecht

Hob mi valaufn, vaiat, den weg vaföht, hob mi bei den letztn schrittn wieda moi vazöht.

      Iagendwos schloft no tiaf in mia drin, do i wüs net woahhom, iagendwos braucht jetzt a medizin

      Iagendwos hot si on mia festklebt, do es is autonom, iagendwos hot mein keapa zalegt

      Iagendwos vaschlingt mi sukzessiv, do i vaspüa ka qual, iagendwos mocht mi scho depressiv

      Iagendwos in mia woxt und eablüht, denn des is net noamal, dieses etwos hot mit mia scho long gspüt.

            Dieses etwos manipuliat mei neavnsystem, infiltriat meine gedonkn, wiad scho zum problem

            Dieses etwos taucht duach mei bluad in jedes oagan, vamindat die funktionen noch an bestimmtn plan

            Dieses etwos kontrolliat mit da zeit mei gehian, übanimmt die kontrolle von meina denkastian

            Dieses etwos beheascht die longsomkeit gonz peafekt, dieses etwos hot sei testpeason, sei spüzeig entdeckt.

Geh endlich foat von mia, bist scho wie a magnet, denn des is mei revia, host ma mein kopf vadreht

Hob an schlussstrich zogn, quea übas lebmsföd, dei woat nua valogn, unta dem himmlszöt

Allan von deim onblick, kriag i a gänsehaut, denn unsre traumfabrik, host gonz allan zommghaut

Jetzt san die wüafln gfoin, es gibt kan kompromiss, konnst ruhig die fäuste boin, dei lebm hot scho an riss.

Geh endlich von mia foat, brauch jetzt die einsomkeit, da bruch a eahnwoat, wäa füa die ewigkeit

Bist jetzt füa mi egal, bist net da rede weat, vasteh mei woansignal, drum hob i di ausgspeat

Woast zwoa von mia a teil, von an gonzn bereich, do dei duachgschnittnes seil, bleibt füa imma ungleich

Bleib endlich moi vaschoin, füa uns gibts ka zukunft, vauasochst donnagroin, hüft ka vastond, ka vanunft.

Bin innalich beschädigt, ziemlich kaputt, jede richtung vakeaht, bin ständig im disput

Bin scho längst duach a wüstnlondschoft marschiat, bin in da flirrendn hitzn im sond kollabiat

Bin innalich zaklüftet und obgekämpft, meine menschlichn gefühle san scho seah gedämpft

Hob völlig die orientiarung valoan, die letztn schritt san ziemlich vaschwommen und vawoan.

      Iagendwos schlummat tiaf in mia drin, konn des net wiedagem, iagendwos eazeugt anomalien

      Iagendwos hot si mit mia vaeint, is seah unongenehm, iagendwos hot mein keapa vaneint

      Iagendwos hot mi giarig vaschluckt, do i vaspüa kan stich, iagendwos hot mi mental zadruckt

      Iagendwos in mia woxt, keimt und spriesst, hob mi net meah im griff, dieses etwos hot mein kompfgeist vamisst.

            Dieses etwos hintageht und betrügt die fünf sinn, steuat meine händ und fiass, meine philosophien

            Dieses etwos is in jedm muskl implantiat, mei bewegung is eingschränkt, hob zlongsom reagiat

            Dieses etwos besetzt stü hamlich mei denkzentrum, gibt kane gefongene in dem martyrium

            Dieses etwos hot die genialität entdeckt, dieses etwos hot sei testpeason, sei spüzeig aufgweckt.

                  Do no imma geistast duach mein eainnarungfüm, duach jedes anzelne büd

                  Do no imma siag i di in deim schoafn kostüm, sogoa duach jedn schutzschüd

                  Dieses etwos is a seuchn, a bese kronkheit, mutiat zu epidemie

                  Dieses etwos is a geschwüa, hot donn ois entweiht, mit seina hoatn eneagie.

Hoit gnua distanz zu mia, hob dei nähe scho ghosst, zaknüll di wie papia, bist donn endlich vablosst
Hob ois von dia vabronnt, jedes anzelne stück, hob mi endlich entsponnt, woat jetzt scho auf mei glück
Vaschliess endlich des buach, jede seitn is lea, zuadeckt vom weissn tuach, und ohne wiedakeah
Voibrocht is mosaik, jeda stein passt genau, beweis do auch geschick, bist jetzt net meah mei niveau.

Hoit zu mia gnua distanz, bleib jo doat wosd jetzt bist, hob goa ka toleranz, füa deine hintalist
Bin jetzt a umzogn, in a wüdfremde stodt, endlich kane frogn, woan sowieso nua schrott
Konn di jetzt vagessn, bist füa mi tiaf vagrom, woast ma zu vasessn, und zu seah obgehom
Geh endlich mitm wind, füa uns gibts ka zukunft, bist nua taub stumm und blind, hüft ka vastond, ka vanunft.

Bin innalich gspoitn, zakrotzt und valetzt, hob die sötsam bizarre dimension untaschätzt
Bin scho duach a schnee- und eislondschoft marschiat, bin on den brutal eisign stüamen kollabiat
Bin innalich ealedigt, völlig ausbronnt, mei vafossung hot si in an labyrinth varonnt
Hob mein simplen plan vasehentlich wegghaut, und die letztn kompliziatn schritt net meah duachschaut.

      Iagendwos schloft no tiaf in mia drin, do i konns net doastön, iagendwos voiziagt Zeremonien
      Iagendwos hot si mit mia vanetzt, konns net hearausschön, iagendwos hot mein keapa vahext
      Iagendwos frisst mi mit haut und hoa, do i vaspüa kan schlog, iagendwos sabotiat mein motoa
     Iagendwos in mia woxt, reift hearon, bin gfongen in an sog, dieses etwos is mei todesschwadron.

            Dieses etwos manipuliat mei neavnsystem, infiltriat meine gedonkn, wiad scho zum Problem
            Dieses etwos taucht duach mei bluad in jedes oagan, vamindat die funktionen noch an bestimmtn plan
           Dieses etwos kontrolliat mit da zeit mei gehian, übanimmt die kontrolle von meina denkastian
            Dieses etwos beheascht die longsomkeit gonz peafekt, dieses etwos hot sei testpeason, sei spüzeig entdeckt.

            Dieses etwos hintageht und betrügt die fünf sinn, steuat meine händ und fiass, meine Philosophien
            Dieses etwos is in jedm muskl implantiat, mei bewegung is eingschränkt, hob zlongsom reagiat
            Dieses etwos besetzt stü hamlich mei denkzentrum, gibt kane gefongene in dem Martyrium
            Dieses etwos hot die genialität entdeckt, dieses etwos hot sei testpeason, sei spüzeig aufgweckt.

                  Und no imma fliagst du duach mein eainnarungsdunst, duach mei dunkle neblwond
                  Und no imma beschreib i dei kleid ois schoafe kunst, ealahmt is mei widastond
                  Dieses etwos is a infektion, die reinste pest, mutiat donn zua Pandemie
                  Dieses etwos vagiftet jeds guad getoante nest, des beweist jede autopsie.

                       Foi in a loch, doat is schwoaz und weiss, do du kumst net noch, jetzt zoih i den preis
                        Bin jetzt allan, hobs imma so woin, nua du bist daham, deine tränen foin
                        Aufs oide grob, wo die blume bliaht, wo jeds klanste blott, die tropfn jongliat
                        Dieses etwos, hot mi besiegt, da sta is noss, wo die zeit si friedlich in den schlof wiegt.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 

Geschrieben am 24./25./26. September 2016.pk

copyright by philipp kirschner 26. september 2016.pk

******************************************************

nochmals ein herzliches dankeschön für euer interesse, für eure lange treue, euren mehrmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.

und hier wieder die üblichen links:

übersicht band 2

übersicht band 4 und band 3

facebook

twitter

google+

literatpro - meine gedichte band 2

danke für alles. und ich habe noch eine grosse bitte.

bleibt mundartig gesund und bleibt mir weiterhin gewogen.

euer philjazzmetal, dialectiloquax, der mundartige.