385. | Musik (dei liebe)

seid gegrüsst. habe soeben das letzte kapitel zu musik hochgeladen. kommt und eilt herbei und lest. danke. euer phil
_____________

meine treuen leserinnen und leser. meine lieben literatinnen und literaten.
ein grosses dankeschön für euren besuch hier auf meinem blog.

es ist vollbracht. text nr. 385 ist vollendet. geschrieben am 18.+19.+20.+21. september 2016. habe nicht gedacht, dass ich ihn so schnell fertigstellen könnte.
musikalische unterstützung bzw. untermalung erhielt ich von eluveitie, apocalyptica, conquering dystopia.
diese art "konzentration" brauch ich, damit die buchstaben sich auf dem weissen word-bildschirm so richtig entfalten können.

all meine texte sind 2x din a4 seiten lang. falls ein text über 2 seiten geht (3-seitig), wird auf der rückseite ein einseitiger text verfasst.

so, genug von diesen vielen details.

nun darf ich euch einen auszug aus dem text 385 präsentieren, der da lautet: MUSIK:

*************************************************************************

385.     Musik (dei liebe).

Pflück dia an stean vom fiamament, moi aus deinen tränen an regnbogn, füa an kuazn glücksmoment

Trockne die augn mit an kuss, mecht die vün dunklen woikn vajogn, füa an longen heazensgruss

Streichl di tröstend in deim leid, räum die gemeinen barriean aus deim weg, hob dein topfan mut  befreit

Umoam di gonz innig und fest, gehn hond in hond üban zoatn woiknsteg, ins geheime liebesnest.

Pflück dia an stean vom horizont, tauch noch deina eainnarung in deim licht, die gedonkn san vatont

Ziag dan rosndoan aus da haut, vatreib die woikn füa a kloare feansicht, host ma jetzt wieda vatraut

Fühl dei sonfte ängstliche sö, dei zabrechlichkeit schwonkt longsom zruck und voa, bleib stehn auf da gleichn stö

Umoam di voa liebe und glück, gehn hond in hond duachs weit geöffnete toa, schenk da von meim lem a stück.

     San endlich wieda vaeint, in da gleichn dimension, hom ois ondre glei vaneint, nua du bist mei zukunftsvision

     Foign gemeinsom dem pfad, hot si hinta uns aufglöst, hob dei frog sofoat bejaht, host mia dei innastes entblösst

     Hob scho vü knotn entwiat, und die lecha im netz gstopft, hob die mängl repariat, mei sehnsucht hot scho sonft onklopft

     Bin dia auf ewig vafoin, fesslst mi duach dein onblick, muass mi bei dia fest onschnoin, dei liebe is füa mi musik.

Pflück dia an stean vom neblrauch, vawoah dei siasses lächln tiaf in meim heaz, spia dein wüazig sonftn hauch

Tonz mit dia üba hüadn und zaun, schwebm schwearelos duach woikn aufwäats, wie in an vaspütn traum

Hob scho gnua probleme entsoagt, damit da schottn net so long auf di foit, hob dei schüchtanheit entkoakt

Umoam di mit beschützainstinkt, deine ängst vafliagn, bleibm weit gstreut, öffnest di gonz ungeschminkt.

Pflück dia an stean voi phantasie, siag jetzt dei zoate aura im sonnenschein, umhüllt volla harmonie

Ealeb dei nähe intensiv, inhalia dei reines elegantes sein, bist so willig kreativ

Bemeak jede klanste wondlung, bist einzigoatig wie a flocke im schnee, die eneagie föht zum sprung

Umoam di ois liebesbeweis, übaquea mit dia den fluss, den teich, die see, unsre wöd is nua a kreis.

Giarige wön schlogn mit volla wucht, auf dein geschwächtn schutzschüd ein

Zabrechn die schoin, probian deine frucht, schleifn den kantig schoafn stein

Hungrige süchte düastn noch deim trieb, gequöt woatns auf dein lockruf

Vajogn glei jedn wüdfremdn dieb, iahre geheimnisse bedeckt a weisses tuch.

     San endlich wieda beinond, in da gleichn galaxie, des ondre bleibt voam rond, nua du bist mei philosophie

     Foign diesm engen steig, blickn ins toi net meah zruck, voa uns a blühenda zweig, zeigst ma dein woihduftenden schmuck

     Hob scho oft schoita umkippt, und hebl wieda umglegt, schreibs gründlich ins manuskript, mei begeahn is wieda earegt

     Host mi unbewusst vasklavt, fesslst mi mit da technik, da guat is wieda gestrafft, dei liebe is füa mi musik.

            Dei gestöhn und geschrei wean zua symphonie, die natüalichste musik gibt jetzt a konzeat

            Vafüah dein gonzn keapa mit akribie, diese erotische musik is seah begeaht

            Dei valongen grenzt scho on wüda manie, diese rütmische musik hot uns guad eanäaht

            Die praxis is bessa ois die theorie, denn diese hoate musik wiad niemois eingspeat.

Pflück dia an stean voi leidnschoft, drah gonz voasichtig die zeiga da uah zruck, gonz longsom vaströmt die kroft

Nimm jetzt jede bagatön wahr, ind freiheit entloss i dein sölischn druck, trink diesn süssn nektar

Schmieg mi eng on dei weichste stö, jede empfindung brennt wie feua in mia, brauch jetzt an liebesbeföh

Umoam di scho mei lebm long, vollend unsa spü in peafekta mania, im lieblich holdn woihklong.

Pflück dia an stean ausm luftschloss, vasuach die intimstn wünsche zu eafülln, auf an stoak schauklnden floss

Brauch unbedingt dein trommlschlog, mecht di im übahitztn endspuat obkühln, brauchn wiaklich kan vatrog

Untastütz di füa olle zeit, hoit in deim weidn umkreis scho longe wocht, san scho a stoake einheit

Umoam di scho von früh bis spät, zu jeda togeszeit host mi liab onglocht, a wonn si moi da wind dreht.

Lüstande wogn proin gonz ungestüm, auf dei gebrechliche obweah

Beschädign dei innre kroft, dei glühn, mochn di bereit zum vazeah

Gefrässiges valongen braucht sei lust, dei lockruf foitat mit bedocht

Vajogn jedn dieb gonz unbewusst, hom da kane kloan geheimnisse mitbrocht.

     San endlich wieda vaheilt, im gleichn sonnensystem, des ondre wiad vauateilt, nua du bist mei liebesemblem

     Foign gemeinsom dem gong, wiad hintarucks glei vaschluckt, voa uns öffnet si da voahong, host mi voa liebe zadruckt

     Hob oft ruinen aufbaut, unds kaos wieda aufgräumt, so vü hot si scho aufgstaut, mei neugia hot scho vü vasäumt

     Füttast mei obhängigkeit, fesslst mit akrobatik, des führungsseil is bereit, dei liebe is füa mi musik.

            Dei geschnauf und gestöhn wean zum klongteppich, die elementarste musik braucht a zuagob

            Mit deina nocktheit vazaubast mi sinnlich, die sinnliche musik wiad zum schnöstn galopp

            Denn deine trieb lossn mi niemois im stich, diese melodische musik hot an taktstock

            Deine bewegungen san seah effektiv, denn diese musik benötigt kan zwischnstopp.

                  Schreib die kompliziatn notn auf, und dicht an valiabtn text dazua

                  Eazöh da ois von meim lebmslauf, und von meina bewusstseinsstruktua

                  Sing donn mit mia dieses liebeslied, moch musik mit jedm instrument

                  Bist füa mi imma no dynamit, san afoch in unsam element.

Pflück dia an stean vom lebmsbaum, hob die buntn blätta ois grosses heaz glegt, wüs gean von obm onschaun

Inhalia jede klanigkeit, hob mi imma scho zu deim heazschlog bewegt, benutz dei vüfötigkeit

Liebkos jeds anzelne detail, übafoah di mit meina aggressivn lust, vaschiass scho an liebespfeil

Umoam di bis ins paradies, schlof imma friedlich on deina grossn brust, bist mei ungezähmte wüdnis.

Pflück dia an stean vom schottnreich, bin wie mildes keaznlicht in jeda nocht, füa an helligkeitsausgleich

Bin dei schutzengl in peason, mei unsichtboare eneagie hot di bewocht, mit an sonoan ton

Vaschling di donn mit haut und hoa, transzendia mi in dei sein in dein vastond, und aktivia dein sensoa

Umoam di im läam in da stün, hob dei feine grazile aura vatont, füa dei leuchtn, füa dei blühn.

Besessne stromschnön reissn ois mit sich, und hintalossn kaos pua

Gebm dia an gezütn tiafn stich, vawischn dei ängstliche spua

Uneasättliche genüsse befrein, dein lockruf mit ana explosion

Vajogn den dieb eastickn den keim, die geheimnisse woatn auf a reaktion.

     San endlich wieda komplett, aufm gleichn eadnboi, des ondre wiad gfegt vom brett, nua du bist mei liebessignoi

     Foign dem tunnl zua tüa, stüazt hinta uns sofoat ein, voa uns lauat a geschwüa, duach unsre liebe wiads zu stein

     Hob oft den foischiam aufgmocht, und on da reissleine zeaht, host in mia sfeua entfocht, hob di jetzt endlich weit aufgspeat

     Moch jetzt mei zwongsjackn auf, fesslst duach dei dynamik, und des schicksoi nimmt sein lauf, denn dei liebe is füa mi musik.

            Dei gekeuch und geschnauf wean zum oagasmus, die geile musik kumt jetzt richtig in foaht

            Bei deinen kuavn kum i ausm rütmus, diese musik mocht die londung net oizu hoat

            Dei ausdaua hoit duach, mocht no long net schluss, denn diese kroftvolle musik is wie a spoat

            Deine stellungen san da hechste genuss, denn füa diese musik existiat ka passwoat.

                  Schreib die kompliziatn notn auf, und dicht an valiabtn text dazua

                  Eazöh da ois von meim lebmslauf, und von meina bewusstseinsstruktua

                  Sing donn mit mia dieses liebeslied, moch musik mit jedm instrument

                  Bist füa mi imma no dynamit, san afoch in unsam element.

                        Hea scho seit joahzehntn dei musik, und die reisst mi imma no voi mit

                        San eng vawobm duach zeit und raum, hom in uns stets a seah tiafs vatraun

                        Spü scho seit joahzehntn dei musik, kenn scho dei chemie und dei physik

                        San vabundn duach die ewigkeit, denn nua dei musik hot mi befreit.

Pflück dia an stean vom fiamament, moi aus deinen tränen an regnbogn, füa an kuazn glücksmoment

Trockne die augn mit an kuss, mecht die vün dunklen woikn vajogn, füa an longen heazensgruss

Streichl di tröstend in deim leid, räum die gemeinen barriean aus deim weg, hob dein topfan mut befreit

Umoam di gonz innig und fest, gehn hond in hond üban zoatn woiknsteg, ins geheime liebesnest.

Geschrieben am 18./19./20./21. September 2016.pk

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

copyright by philipp kirschner 21.09.2016.pk

vielleicht ist euch schon die struktur meiner texte aufgefallen.
zuerst schreibe ich 2 strophen mit chorus 1. hernach wieder 2 strophen mit bridge sowie chorus 1 und chorus 2. - soweit habe ich die texte veröffentlich.
diesmal habe ich noch zusätzlich 2 strophen mit brigde und chorus 1+2+3. versuche erst den 2. chorus oder den 3. chorus beim letzten segment zu wiederholen. das habe ich mir in den jahren davor auch schon so angewöhnt.

ich danke euch allen nochmals fürs lesen und euren besuch.
schreibt auch gerne eure meinung auf facebook oder twitter:

https://www.facebook.com/philjazz

https://twitter.com/philjazmetlyric

auch dieser lange eintrag geht jetzt zu ende.
euer
phil