378. | Reissvaschluss.

meine textmaniacs. ihr könnt jetzt den gesamten reissverschluss aufmachen - äh - lesen. alle strophen habe ich heute komplettiert.

danke für euer interesse und euren besuch. euer phil

seid wieder aufs herzlichste gegrüsst, meine lieben philjazztextmaniacs. danke für euren unermüdlichen einsatz, eure zeit im lesen dieser epischen dramaturgien zu investieren. doch ich denke, es zahlt sich aus.

wie auf facebook versprochen darf ich euch nun den text 378. reissvaschluss präsentieren. geschrieben und verfasst wurde er am 26.+27.+28.+29. juli 2016.

nun aber genug gefaselt. hier ist der text auch schon:

********************************************************************

378. | reissvaschluss.

Schüttl traurig mein kopf hin und hea, mit gschlossnen augn foit des wana goa net schwea

Dreh mein kopf gonz longsom hea und hin, siag in diesa vahosstn hoatn gwoit kan sinn

Stütz mein kopf auf meine schwochn händ, diesa hypnotisierende weg findt ka end

Foit meine feichtn händ zum gebet, lieba gott, bitte schick uns wieda an komet. 

So vü unschuidige sön miassn afoch so gehn, so vü ahnungslose sön weans a niemois vastehn

Vawiate gedonkn schwebn duach an kronkn geist, jede anzelne aktion is kaotisch entgleist

Jeds klanste detail findt einzug in den grossn plan, denn wo oadentlich ghoblt wiad, foit net nua a span

Auf diesa reisn sogt kana allan lebewohl, im kollektiv hot des schwoaze licht des monopol.

            Jede religion befriedigt si mit an glaubmskrieg, rechtfeatigt dieses obschlochtn mit an göttlichn sieg

            Da fanatismus wiad bereits in die wiege gelegt, explodiat in jungen joahn, hot si net meah foatbewegt

            Da oiwissende hot uns oin diesn planetn gschenkt, hot den drittn plotz im sonnensystem peafekt vasenkt

            Nua auf eadn explodiat des lebm im übafluss, zasteats des gleichgwicht net, den filigranen reissvaschluss.

Beweg mein kopf traurig rechts und links, stoa mit offnen augn nua grodaus wie a sphinx

Schaukl gonz betroffn voa und zruck, so vü häatn eahöht auf meina sö den druck

Hoit mein zoatn kopf no keazngrad, die kreuzungen san längst vaschwundn von dem pfad

Fleh um ealösung in da ondocht, lieba gott, bitte schick an oiptraum in da nocht.

So vü unschuidige sön miassn donn sinnlos steam, so vü hoamlose sön füachtn diesn schlochtnläam

Obnoamale gedonkn pflügn duach den vastond, jede brutale mission trifft auf kan widastond

Einzlheitn wean bis ins klanste analysiat, genau doat is, wo die säge iah schäafe valiat

Denn auf diesa exkuasion winkt kana zum obschied, gemeinsom mitm schwoazn licht sing ma des kompflied.

Entzünd a friednskeazn, loss die friednstaubm frei, mecht den hoss ausmeazn, do des bese zöht bis drei

Pflück jetzt a friednsblume, pflonz an grossn friednsbaum, es fliegt scho die harpune, volla rachsucht duach zeit und raum

Sing laut die friednshymne, schreib jetzt a friednsgedicht, und da sond auf da düne, übaschwemmt des jüngste gericht

Stoss des friednsfesta auf, öffne jetzt die friednstüa, guad vasteckt im dichtn rauch, gedeiht scho prächtig des geschwüa.

            Jede leahre koitiat wollüstig mit an glaubmskrieg, oabeit si mit gonza kroft zu an göttlichn endsieg

            Die giarige besessnheit mocht an taub, stumm und blind, explodiat gonz unvahofft, is eingspeat im labyrinth

            A glückliche fügung hot uns diesn planetn gschenkt, die habitable zone hot uns umd sunn gsund gelenkt

            Nua auf eadn explodiats lebm mit ana vüfoit, zasteats den kreislauf net, da reissvaschluss is scho seah oid.

                        Da reissvaschluss mocht probleme scho seit ana ewigkeit, dieses system zabricht vüz leicht

                        Da reissvaschluss is a domäne füa die reine woahheit, hot sei ende no nie eareicht

                        Da reissvaschluss is a prinzip, hot sei eigenes gesetz, daron füaht goa ka weg voabei

                        Da reissvaschluss mocht an föhtritt, do es gibt ka auffongnetz, ma heat nua des echo vom schrei.

Wackl mein kopf traurig links und rechts, lausch mit grossn oahn den stimmen dieses gefechts

Wieg mein kopf gonz longsom zruck und voa, mit volla wucht schiass ma uns söbst a eigntoa

In mein kopf rotiat des rode büd, zu jeda togeszeit zabricht unsa schutzschüd

Suach meditierend noch amnestie, lieba gott, bitte schick uns die anomalie.

So vü unschuidige sön lösn si afoch auf, so vü unberüahte sön vaeahn den amoklauf

Peavease gedonkn besetzn des kronke hian, jeda grausame einsotz befreit tödliche vian

Noch jeda geringstn feinheit wiad intensiv gsuacht, denn wo die bestie wohnt, heascht riesngrosse fuacht

Bei diesm ausflug hot kana a lochn im gsicht, nua ois intime gemeinschoft ziehns ins schwoaze licht.

Zünd die friednskeazn on, die friednstaubm is befreit, do da hoss fliesst weit davon, unds bese no kräftig gedeiht

Hob die friednsblume pflückt, und an friednsbaum gepflonzt, und die hüfe is missglückt, is aus da oidn raumzeit tonzt

Schrei die friednshymne raus, hobs friednsgedicht vatont, und da sond rieslt duachs haus, hots jüngste gericht net vaschont

Hoit a friednskonzeat ob, eaöffne des friednsspü, da zabrochne wondastob, eareicht afoch niemois sei zü

Moch die friednsfensta auf, und auch olle friednstüan, guad vasteckt im dichtn rauch, eawochn die wüdn allüan.

            Jede gesinnung bejublt lautstoak an glaubmskrieg, feian scho den vaheissungsvoin gottgewoitn sieg

            Die extrem rasende manie nimmt uns scho in besitz, explodiat betäubend laut, schlogt ein wie a grella blitz

            Des schicksoi hot uns diesn peafektn planetn gschenkt, unsa sonnensystem hot si wiaklich immens ongstrengt

            Nua auf eadn explodiats lebm ohne untaloss, zasteats die zyklen net, dem reissvaschluss föht scho des schloss.

                        Da reissvaschluss mocht scho zvü föhla seit ana ewigkeit, des system geht vüz schnö zu bruch

                       Da reissvaschluss is a doastölla mit da weitsichtigkeit, hot imma den eastn vasuch

                        Da reissvaschluss hot nua a regl, an eignen strengen kodex, san gemeisslt wie in stein

                        Da reissvaschluss setzt die segl, do beim stuam gibts kan reflex, heat nuas echo vom vün schrein.

                                   Wia san do olle briada und schwestan, die menschheit is a unikat

                                   Es existiat nua a planet eade, is a sensibla apparat

                                   Diesa reissvaschluss hot priorität, is wichtig füa unsre zukunft

                                   Lebt mit da natua, füa die blaue peale, gebraucht endlich vastond und vanunft.

Schwank scho ängstlich oba no aufrecht, schrei mein woanruf stumm mit offnem mund ins geflecht

Mei keapa zittat scho unentwegt, dieses valogne gsicht hot den wahnsinn belegt

Spia scho tiaf in mia die foitaquoin, die totalität kum scho wieda ins roin

Hoff dringend auf die obsolution, lieba gott, bitte eateil uns die letzte lektion.

So vü unschuidige sön bleibm spualos vaschoin, so vü leichtgläubige sön schrein eiskoide paroin

Bestialische gedonkn vanebln die sicht, jeda geniale schachzug liebt sei eignes gift

Die winzigstn teile vaschmözn donn zua einheit, denn beim featign mosaik eakennt ma d‘woahheit

Denn auf diesa flucht gibts afoch ka glückliches end, des schwoaze licht hot jede sö von anond getrennt.

Entfoch a friednsfeua, geniess die friedliche stün, da hoss a ungeheua, bringt dieses bese zum aufblühn

Friednskeazn san entflommt, friednstaubm san befreit, do wia san dazu vadommt, wean afoch niemois eingeweiht

Friednsblumen san aufblüht, friednsbäume wean zum woid, do des boot hot si vafrüht, da zeitraum woa scho übamoit

Die friednshymne a hit, des friednsgedicht famos, da sond singt scho leise mit, des jüngste gricht gibt gnodnstoss

Des friednskonzeat berühmt, die friednsspiele bekonnt, des vabrechn ungesühnt, die rache vateilt si im lond

Drück die friednsfensta auf, und a olle friednstüan, guad vasteckt im dichtn rauch, steht da goign bereit zum vafüahn.

            Jede denkweise beschönigt offn an glaubmskrieg, lobpreisn vaheissungsvoi den gottgewoitn endsieg

            Da süchtige hungaduascht noch bluad bleibt no ungezähmt, explodiat eaboamungslos, hot die gefühle gelähmt

            Iagendwea, iagendwos hot uns diesn planetn gschenkt, wean niemois kapian wies univeasum zusommenhängt

            Nua auf eadn explodiats lebm mit geschwindigkeit, zasteats den friedn net, da reissvaschluss hot si entzweit.

                        Da reissvaschluss bewiakt vü pannen seit ana ewigkeit, des system foit zschnö ausanond

                        Da reissvaschluss siagt in den flommen die greinigte woahheit, begreift des geschehn üban rond

                        Da reissvaschluss is a methodn mit an kloan prozess, die prozedua is kloa voagem

                        Da reissvaschluss hot periodn, füahn direkt zum exzess, des echo vom schrei wiad weidalem.

                                   Wia san do olle briada und schwestan, die menschheit is a unikat

                                   Es existiat nua a planet eade, is a sensibla apparat

                                   Diesa reissvaschluss hot priorität, is wichtig füa unsan bestond

                                   Lebt mit da natua, füa die blaue peale, gebraucht endlich vanunft und vastond.

                                               Denn des is unsa söbst aufealegta krieg gegn unsan egoistischn stoiz

                                               Des individuum hot den eastn plotz, von innen varottet des lebmshoiz

                                               East da reissvaschluss mocht olle gleich, san nua staubkeana, zahnräda in diesa zeit

                                               Drum bewochts stets den zoatn reissvaschluss, glaubts mas, wia hom nua die ane möglichkeit.

 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Copyright by philipp kirschner 24. september 2016.pk

*****************************************************

ein herzliches dankeschön für euer interesse, eure intensive treue, eure zahlreichen besuche und für eure zeit, die ihr alle ins lesen und übersetzen steckt. vielen lieben dank.

und hier wieder die üblichen links:

übersicht band 2

übersicht band 4 und band 3

facebook

twitter

google+

literatpro - meine gedichte band 2

danke für alles. und ich habe noch eine grosse bitte.

bleibt mundartig gesund und bleibt mir weiterhin gewogen.

euer philjazzmetal, der mundartige.