375. | Auf da flucht

meine lieben. dieser text "auf da flucht" wurde soeben mit weiteren 8 strophen erweitert und somit abgeschlossen.
danke für euren besuch.

ja, meine lieben. auch heute will ich euch wieder mit einem text beglücken. momentan habe ich wieder einmal eine schreibblockade. aber ich denke, sie wird nicht allzu lange dauern. bin selbst schon gespannt, was für buchstabenfolgen meine finger auf die tastatur klopfen werden.

möchte mich hiermit sogleich für euren besuch bedanken. würde mich freuen, von euch in den kommentaren zu lesen.

so genug - hier ist er auch schon:

********************************************************************

375. | auf da flucht

Eafoahs east üba via eckn, doss du mi valossn wüst, hätt di do so gean zum obschied no amoi geküsst

Find des afoch nua feig von dia, schaust mi net amoi no on, vasteckst di wie a scheus ängstliches kamäleon

Oba hinta meim ruckn lästast stundnlong üba mi, dei longe freindschoft woa geprägt von antipathie

Hätt do no so vü scheene stundn mit dia vabringen woin, do unsre zweisomkeit bleibt jetzt endgültig vaschoin.

Eafoahs east üba via eckn, doss du jetzt afoch so gehst, beschmutzt afoch im hondumdrehn unsa liebesnest

Find des afoch nua feig von dia, schreibst ma net amoi an brief, nua dei blumig siassa duft riacht no so intensiv

Oba hinta meim ruckn diffamiast mi scho stundnlong, die beziehung woa nua no a öffentlicha zwong

Hätt füa unsre gemeinsome zukunft scho beage vasetzt, do unsre zweisomkeit hot si unbewusst valetzt.

            Deaf net weinen, heuln oda rean, vamiss di so, wüst net do wieda zu mia zruckkeahn

            Ka ontwoat foigt donn auf mei frog, schrei scho gonz laut, nuas echo hoit mit mia an monolog

            Ka träne deaf zu bodn foin, mochs gonz fest zua, do die soizlawin kumt scho ins roin

            Bitte vazeih mei eifasucht, kum wieda zruck, bin voa meina dummheit scho auf da flucht.

Eafoahs east üba via eckn, doss du die tüa zuagmocht host, hätt di do so gean zum obschied no intim liebkost

Find des afoch feig von dia, sogst net amoi a kloares woat, vastecks di afoch in an mia unbekonntn oat

Oba hinta meim ruckn beschimpfst mi in jeda hinsicht, in unsra gemeinschoft scheint scho long ka friedlichs licht

Hätt no so vü freudige übaroschungen füa di ghobt, do unsre zweisomkeit is im voahinein scho gfloppt.

Eafoahs east üba via eckn, doss du den voahong zuaziehst, bei jedm unsra treffn woast du a egoist

Find des afoch nua feig von dia, vaschwindst duach die dunklheit, nua no dei aura vastroiht a licht in diesa zeit

Do hinta meim ruckm wiafst ma ois megliche on den kopf, unsa vahötnis zueinond londet in an topf

Hätt da no so vü klane liebesgeschenke übareicht, do die eifasucht hot unsre zweisomkeit vaseicht.

Do jetzt is scho vüz spät, da letzte schritt is gmocht, da zug aufm schachbrett, woa übahaupt net duachdocht

Da weg is jetzt gonz kloa, du bist auf und davon, bist füa mi unsichtboa, bei mia is nix meah synchron

Des gestan löst si auf, des heut knoit on die wond, des moagn is im rauch, bringst mi no um mein vastond

Konns imma no net glaum, do es is wiaklichkeit, füa mi iss a oiptraum, host di jetzt von mia befreit.

            Deaf net jamman, jauln oda pläan, föhst ma scho so, wüst net do wieda zu mia zruckkeahn

            Hoff no imma auf dei ontwoat, kreisch scho gonz wüd, nua des echo hot z‘weit ind leare gstoat

            Ka träne soi den bodn spian, drucks gonz fest zua, do meine augn wean des soiz valian

            Bitte vazeih mei eifasucht, kum wieda zruck, bin voa meinen föhlan scho auf da flucht.

                        Drah mi jo scho im kreis, a schweara schwindl befoit mi mittn auf da flucht

                        Steh aufm foischn gleis, mei liebeskumma eanäaht si von da eifasucht

                        Jeda sta is mei foin, zoihlose schweare stüaz begleitn mi auf da flucht

                        Wü di wieda zruckhoin, do die wond zwischn uns besteht nua no aus eifasucht.

Eafoahs east üba via eckn, doss du afoch so obhaust, hätt da zum obschied ois gsogt, damit du mia vatraust

Find des afoch nua no feig, hea von dia übahaupt kan laut, bei dia hot si afoch scho imma meah aufgstaut

Do hinta meim ruckn sticht dei äussarung mittn ins heaz, mit unsra vabundnheit gehts nua no steu obwäats

Hätt di täglich mit söbstpflückte wiesnblumen übahäuft, hom uns unsre zweisomkeit gegnseitig vascheucht.

Eafoahs east üba via eckn, doss du deine sochn pockst, du host ka recht, doss du wo ondas so schnö ondockst

Find des afoch nua no feig, bist wie a leichta offna wind, nua dei sihouette hot no übaeingestimmt

Do hinta meim ruckn eazöhst nua lügn und schwindelein, unsa zommenhoit woa do a nua no so zum schein

Hätt da voa wüdfremde leit an romantischn ontrog gmocht, do unsre zweisomkeit hot scho zhass brodlt und kocht.

Jetzt is die zeit ogrennt, die glockn dröhnen laut, da zeiga is vabrennt, die uah krotzt scho auf da haut

Da pfad is jetzt voagem, du hintalosst ka spua, host jetzt dei eignes lem, füa mi is des a toatua

Des gestan is voabei, des heut proit auf die wond, des moagn is a brei, füa mia gibts afoch ka lond

Wüs afoch net woahhom, es is realität, hätt ois gean weit vaschom, dei freiheit hot di donn grett.

            Deaf net wimman, heuln oda rean, brauch di akut, wüst net do wieda zu mia zruckkeahn

            Do diese frog bleibt im raum stehn, brüll mi heisa, konn nua no die schoiwön vom echo sehn

            Ka träne deaf den sta berüahn, press aufanond, do die flut konns soiz net mea vaschnüan

            Bitte vazeih mei eifasucht, kum wieda zruck, bin voa meina blindheit scho auf da flucht.

                        Roi üba den obhong, mei gleichgewichtssinn valiat on stäake auf da flucht

                        Steh beim foischn onfong, meine heazschmeazn eanäahn si von da eifasucht

                        Da sta is mei ruin, bliat scho aus zoihlosn frischn wundn auf da flucht

                        Bist und bleibst mei göttin, do die wond zwischn uns besteht nua no aus eifasucht.

                                   Auf da flucht voa meim schlechtn gwissn triff i glei auf dei lebmsgschicht

                                   Auf da flucht voa meinen schuidgefühln vahindat da nebl mei sicht

                                   Auf da flucht voa meina vaontwoatung blendet mei ego dei sein

                                   Auf da flucht voa meina reue und scham vadunklt mei ongst dein schein.

Eafoahs üba via eckn, doss du die seitn gwexlt host, hätt di zum obschied mit oi meina liebe umtost

Find des afoch nua no feig, host net amoi an finga griaht, host dei eignes schicksoi afoch net meah akzeptiat

Hinta meim ruckn host die spüregln noch deim wün duachgsetzt, unsre traute harmonie woa scho ziemlich zafetzt

Hätt in jeda frein sekundn dia mei gfüh offnboat, do unsre zweisomkeit woa afoch vüz schnö vadoat.

Eafoahs üba via eckn, doss du om ondan ufa bist, dei moasches boot hot scho längst die weisse fahne ghisst

Find des afoch nua feig von dia, schickst ka foto und ka büd, dei mediale präsenz is scho gonz zoat vaglüht

Do hinta meim ruckn host du die radln foischhearum draht, unsa gleichklong woa ziemlich brüchig und desolat

Hätt füa di jedn anzelnen stean vom fiamament gezupft, hob unsre zweisomkeit mit da eifasucht wegtupft.

Gschmoizn is jetzt da sond, da schottn wiad jetzt hö, die sunn is hintam mond, iahre stroihn woan wieda zschnö

Da steig füaht nua beagauf, die eadn hot di gschluckt, des schicksoi nimmt sein lauf, bin in deim reich net befugt

Des gestan is voibrocht, des heut foit von da wond, des moagn is a schocht, reich ma do endlich dei hond

Wü mas net eingestehn, do des is die woahheit, konns afoch net zruckdrehn, woast füa die stufn bereit.

            Deaf net winsln, jauln oda pläan, i wea scho kronk, wüst net do wieda zu mia zruckkeahn

            Dei ontwoat steckt no in deim mund, gröl ois hearaus, des echo vahoit leis im hintagrund

            Ka träne deaf den sta gravian, quetsch gonz fest zomm, sogoa woikn wean des soiz valian

            Bitte vazeih mei eifasucht, kum wieda zruck, bin voa mein amoklauf scho auf da flucht.

                        Rotia scho wie a stuam, leb diarekt in meim woahn rotn rausch auf da flucht

                        Steh voam foischn tuam, meine sölischn quoin eanäahn si von da eifasucht

                        Da sta ruht auf an grob, hob mi vaiat in diesm labyrinth auf da flucht

                        Brauch do dein wondastob, do die wond zwischn uns besteht nua no aus eifasucht.

                                   Auf da flucht voa meim schlechtn gwissn triff i glei auf dei lebmsgschicht

                                   Auf da flucht voa meinen schuidgefühln vahindat da nebl mei sicht

                                   Auf da flucht voa meina vaontwoatung blendet mei ego dei sein

                                   Auf da flucht voa meina reue und scham vadunklt mei ongst dein schein.

                                               Die einsomkeit mocht mi no varuckt, spia dein geist nebm mia auf da flucht

                                               Hob mei traua beschimpft und zadruckt, vazeih ma bitte mei eifasucht

                                               Bin in meina wüste isoliat, spia dein geist nebm mia auf da flucht

                                               Host mei entschuidigung akzeptiat, san wieda vaeint in da sondbucht.

Eafoahs east üba via eckn, doss du mi valossn wüst, hätt di do so gean zum obschied no amoi geküsst

Find des afoch nua feig von dia, schaust mi net amoi no on, vasteckst di wie a scheus ängstliches kamäleon

Oba hinta meim ruckn lästast stundnlong üba mi, dei longe freindschoft woa geprägt von antipathie

Hätt do no so vü scheene stundn mit dia vabringen woin, do unsre zweisomkeit bleibt jetzt endgültig vaschoin.

Geschrieben am 15./16./17. Juni 2016

copyright by philipp kirschner. 29. september 2016.pk

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

danke fürs lesen, für euren besuch. es freut mich ungemein, dass meine texte gelesen werden. habe ja lange überlegt, ob ich erstens mich auf facebook wieder anmelde, um dort auch meine texte bekannter zu machen. duach diesen blog ist es ja ganz einfach, jeden text auf facebook zu veröffentlichen oder einen teil davon.

übersicht band 2

übersicht band 4 und band 3

facebook

twitter

google+

literatpro - meine gedichte band 2

danke für alles. und ich habe noch eine grosse bitte.

bleibt mundartig gesund und bleibt mir weiterhin gewogen.

euer philjazzmetal, dialectiloquax, der mundartige.

376. | Zittan.

meine lieben. die letzten 8 strophen habe ich heute hochgeladen. somit wisst ihr ENDLICH, wie dieser text ausgeht. euer phil

seid wieder herzlich auf meinem blog willkommen. danke euch für euren besuch, ihr lieben leserinnen und leser. heute darf ich euch 376. zittan präsentieren. wünsche dabei eine spannende zeit.

und hier ist er auch schon:

***************************************

376. | zittan.

Hob afoch ongst voa diesa zukunft, voa diesa ungewissn kommenden zeit

Beruhig mein vastond und mei vanunft, hobs net von iahn panikattackn befreit

Mei fuacht woxt afoch scho jedn tog, konns net meah bekämpfn oda reduzian

Bekomm a ka ontwoat auf mei frog, muass jetzt die vün schwoazn woikn akzeptian.

Hob afoch ongst voa da gschlossnen tüa, wos si woih dahinta vabiagt und vasteckt

Hob füa diese rätsl ka gespüa, bin voa diesa unsichaheit vü zu easchreckt

Mei fuacht drängt mi afoch on die wond, dagegn gibts afoch no ka medizin

Kana reicht ma a schützende hond, hob afoch vüz vü negative phantasien.

            Mia zittan net nua meine händ, sondan mei gonza keapa easchaudat und bebt

            Bin a teu vom experiment, hob mi nua zwischn den ufan hin und hea bewegt

            Koide schaua auf meina haut, des schiare grausn kumt wieda kräftig in foaht

            Bin gonz leis, von mia heats kan laut, bin wie gelähmt, hätt ma gean ois weitare easpoat.

Hob jetzt ongst voam voin bluadmond, a schlechtes omen siagt drin da obaglaum

Gschriebne zeichn stehn om horizont, kennan den pessimismus afoch net losschraum

Mei fuacht vabeisst si tiaf in mei sö, entwickl dagegn a ka gegnweah

Steh no imma eastoat auf da stö, bin ka seha, ka woahsoga, ka visionäa.

Hob jetzt ongst voa da konstellation, die räda drahn si in die foische richtung

Jeda planet hot sei position, mit da sunn in ana reih sans bereit zum sprung

Mei fuacht hot mi scho gänzlich besetzt, find hia kan ausweg aus diesm labyrinth

Hob mei feigheit völlig untaschätzt, hob diesn friednsvahondlungen zugestimmt.

Hob ka ahnung wies weida geht, ob si die wöd no weida dreht, ob da wind übahaupt no weht

Hob kan plan füa die nächstn schritt, spia scho wieda an tiafn schnitt, füa mi gibts afoch ka limit

Find kan sinn füa diese raumzeit, niemond wuade hia eingeweiht, bin scho füa die reisn bereit

Mei denkn hot si donn ausgschoit, mei eainnrung wiad übamoit, hob mi goa net meah in da gwoit.

            Mia zittan net nua meine fiass, sondan a mei gonza keapa schlottat und bebt

            Des lebm schmeckt so bittasiass, find füa die nächste stufn goa ka schlüssigs konzept

            Dichta nebl glei voa mein gsicht, des schiare grauen lauat hinta jedm stan

            Bin gonz leis, suach wieda des licht, bin gonz vakrompft, ois weitare steht in an hoizspan.

                        Die endlose entfeanung bringt mi um, diese unendlichkeit is a martyrium

                        In mia heascht des kaos wie noch an stuam, spia no dei nähe, dei aura, hea no dei schnuan

                        Die longe suche hot mi scho oid gmocht, zieh gegn mei traurigkeit in die wüde schlocht

                        Des zittan und bebm hot mi scho gschwächt, dieses zittan und bebm hot si jetzt gerächt.

Hob afoch ongst voa diesa zukunft, voa den unsichaheitn, voa jedm problem

Lenk mi ob mit meina eignen brunft, do die stimmungsschwonkungen bleibm im system

Mei fuacht frisst mi innalich scho auf, bin iah hüflos ausgliefat, bin scho blockiat

Des oarakl nua giftiga rauch, diese ohnmocht hot mi völlig paralysiat.

Hob jetzt ongst voa gia, neid, hoss und wut, voa menschliches vasogn, voam untagong

Dieses feua brennt a ohne glut, do vüz kla is diesa schware oide voahong

Mei fuacht eatränkt si im söbstmitleid, steck im sumpf, im moa fest, ziagt mi tiaf hinob

Bin gegn des wissn net gefeit, hobs scho längst valoan mei buntes kaleidoskop.

Hob kan glaubm füas guade end, bin dagegn net resistent, olle problem wean virulent

Kan plan füan nächstn schachzug, spia scho an gewoitign druck, befind mi stets in an tiafflug

Find kan sinn in diesm zeitraum, denn ois vaschwimmt in an oiptraum, die reisn füaht mi hintan zaun

Meine gedonkn san vafoin, mei gedächtnis wiad übamoin, geniess die schmeazn und die quoin.

  

            Mia zittan net nua meine hoa, sondan a mei gonza keapa bibbat und bebt

            Riach a scho die drohende gfoah, die eneagiereseavn san donn longsom vaebbt

            A uneagründlichs schwoaz eastroiht, des schiare grausn is do drin peafekt getoant

            Bin gonz leis, übawind den spoit, bin gonz gehemmt, ois weitare hätt uns scho voagwoant.

                        Die endlose weitn tötet mei ich, diese unendlichkeit gibt ma an tiafn stich

                        In mia heascht a tumult wie beim ausbruch, spia dei intimität, dein erotischn gruch

                        Die longe suche hot mi scho oid gmocht, zieh gegn mein sönschmeaz in die wüde schlocht

                        Des zittan und bebm hot mi scho gschwächt, dieses zittan und bebm hot si jetzt gerächt.

                                   Des zittan breitet si aus, übaflutet mein keapa, mein geist und meine sinn

                                   Des zittan is in an rausch, die hohn wön übaschwemmen meine harmonien

                                   Des zittan setzt si donn foat, dünne feine fädn hom si mitanond vanetzt

                                   Des zittan is a beinhoat, hob mi on den masslosn zuckungen schwea valetzt.

Hob afoch ongst voa da tyrannei, voam fanatismus und grössnwahnsinn

Ma übaheat gean an hüfeschrei, steigan si in radikal schoafe utopien

Mei fuacht hot mi zaquetscht und zamoimt, wuade oi meina widastondskroft beraubt

Hob den richtign zeitpunkt vasäumt, mei söbstbewusstsein is scho im finstan vastaubt.

Hob afoch ongst voa da explosion, da leiseste knoi eaweckt in mia an krieg

Imma wieda gäat die aggression, do aus diesa spiroin gibts afoch kan ausstieg

Denn mei fuacht nimmt mi scho in besitz, wondl wie hypnotisiat duach mei londschoft

Da donna foigt imma nochm blitz, da trauande regn hot mei foischheit bestroft.

Hob ka garantie füa des zü, is a imma wäahrendes spü, die säuln san scho instabü

Hob kan plan nachm nächstn sprung, spia die unlösboare gleichung, hob afoch imma zwenig schwung

Find kan sinn in dem grön licht, valetz scho vü zu oft mei pflicht, die reise is des gleichgewicht

Meine ideen san nua fiktion, mei geist übamoit jede vision, brauch jetzt dringend die kollision.

            Mia zittan net nua sö und heaz, sondan a mei gonza keapa schlackat und bebt

            Denn mit mia gehts scho steu obwäats, die reine woahheit homs scho übafoin und vaschleppt

            Hob mi ind ewigkeit aufglöst, des schiare grauen bleibt weidahin unsichtboa

            Bin gonz leis, hob mein wün entblösst, bin wieda gezähmt, ois weitare steigt hoch empoa.

                        Die endlose feane moadet mei sein, diese unendlichkeit schmözt scho des uagestein

                        In mia gibts ka gesetz, ka disziplin, spia dei libido, dei wollust vom onbeginn

                        Die longe suche hot mi scho oid gmocht, zieh gegn mei melancholie ind wüde schlocht

                        Des zittan und bebm hot mi scho gschwächt, dieses zittan und bebm hot si jetzt gerächt.

                                   Des zittan breitet si aus, übaflutet mein keapa, mein geist und meine sinn

                                    Des zittan is in an rausch, die hohn wön übaschwemmen meine harmonien

                                   Des zittan setzt si donn foat, dünne feine fädn hom si mitanond vanetzt

                                   Des zittan is a beinhoat, hob mi on den masslosn zuckungen schwea valetzt.

                                               Endlich hot dieses zittan aufgheat, endlich hot mi a ruhe sonft umhüllt

                                               Endlich hot mi dei liebe gonz bekeaht, endlich hob is wieda lodand gefühlt

                                               Endlich bleibt dieses zittan vaschoin, endlich fliesst diese stün duach mein vastond

                                               Endlich hot mi dei liebe übafoin, endlich reichst ma dei klane zoate hond.

Hob afoch ongst voa diesa zukunft, voa diesa ungewissn kommenden zeit

Beruhig mein vastond und mei vanunft, hobs net von iahn panikattackn befreit

Mei fuacht woxt afoch scho jedn tog, konns net meah bekämpfn oda reduzian

Bekomm a ka ontwoat auf mei frog, muass jetzt die vün schwoazn woikn akzeptian.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Geschrieben am 23./24./25./26. Juni 2016.pk

copyright by philipp kirschner. 28. september 2016.pk

******************************************************

nochmals ein herzliches dankeschön für euer interesse, für eure lange treue, euren mehrmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.

und hier wieder die üblichen links:

übersicht band 2

übersicht band 4 und band 3

facebook

twitter

google+

literatpro - meine gedichte band 2

danke für alles. und ich habe noch eine grosse bitte.

bleibt mundartig gesund und bleibt mir weiterhin gewogen.

euer philjazzmetal, dialectiloquax, der mundartige.

377. | Tauch.

habe soeben die letzten 8 strophen für euch veröffentlicht. jetzt könnt ihr endlich eure neugierde befriedigen, wie das ende dieses textes lautet. viel spass dabei. euer phil

meine lieben süchtigen und süchtiginnen nach liturgisch anspruchsvollen, wohl durchdachten und geschichten erzählenden texten meinerseits. :)

danke für eure treue. ich darf euch nun wie folgt präsentieren:

**********************************************************

377. | tauch.

Hob mein fodn valoan, find den onfong afoch net, des end is längst obgfoahn, vagiss die realität

Steh jetzt im niagendwo, in ana unendlichkeit, spü wieda domino, mit meina vagesslichkeit

Da effekt setzt voi ein, nua die noabm bleibm zruck, bin grod in an ondan sein, hintaloss kan hondobdruck

Eakenn jetzt ka detail, des licht blendet und betöat, vü zu dick is des seil, da hoitegriff woa zastöat.

Hob mein fodn valoan, hea no des echo vom riss, da klong woa so vawoan, do es gibt kan kompromiss

Die wöata bleim vaschoin, und da sotz is lücknhoft, da sinn kumt net ins roin, da vastond hot mi bestroft

Weisse fleckn in mia, san a uneafoaschtes lond, mei gezähmte neugia, is eingspeat von ana wond

Da schottn riesngross, hot si scho vüz schnö vameaht, sei reich is grenznlos, meins hot si von söbst entleat.

            Sitz nua do und stoa auf a buntes si bewegendes büd, wea beschützt von an unsichtboan schüd

            Sitz nua do und woat doss si die foabm wieda neu foamian, wü do nua mei gschicht identifizian

            Sitz do und schlof mit offne augn in da vagongenheit, suach scho vazweiflt noch meina freiheit

            Sitz do und träum von vagessnen kreativn fantasien, tauch stottdessn tiaf in anomalien.

Hob mein fodn valoan, im nebl mündet mei weg, jeda schritt wiad eastoan, sogoa bis zum moaschn steg

Die vabindung is kappt, da kreislauf hot donn vasogt, die foin hot zuagschnappt, ausm paradies vajogt

Meina sö föht die kroft, des gleichgwicht is iah umkippt, des gift im lebmssoft, is in mia wüd ausgeflippt

Eainna mi on nix, bin gonz entleat und ausgräumt, und mia föht die matrix, hobs definitiv vasäumt.

Hob mein fodn valoan, hob eam zua gänze vaprasst, duach defekte sensoan, hob in onschlusszug vapasst

Denn mia is ois entfoin, ois hot si in luft aufglöst, im labyrinth vaschoin, nuas dunkl hot si entblösst

Des schwoaze loch mutiat, zu an grossn hindanis, hob ois analysiat, vagess auf mei gedächtnis

Steh jetzt im niemondslond, umrahmt von da ewigkeit, spü wieda vasteckn, mit meina vagesslichkeit.

Hea den wind no singen, spia den woamen regn auf meina haut, riach no die wüazige natua

Mecht mi söbst bezwingen, hob mi meim woahn schicksoi onvatraut, foig da voaheabestimmtn spua

Siag die woikn no ziehn, eakenn jedn geschmack auf meina zung, hea den trommlschlog dea natua

Hob no gnua disziplin, bin bereit füa mein letztn weitn sprung, längst vagrobm mei noblschnua.

            Sitz nua do und stoa auf mei unvoikommenes spieglbüd, im hintagrund is licht vüz schnö vaglüht

            Sitz nua do und woat doss si die teile wieda neu foamian, des passl muass si jetzt regenarian

            Sitz do und schlof mit offne augn in da vagongenheit, suach scho vazweiflt noch meina freiheit

            Sitz do und träum von vagessnen visionäan utopien, tauch stottdessn tiaf in asymmetrien.

                        Tauch tiaf zwischn meinen lebmssäuln duach a düstre londschoftsmolarei

                        Tauch tiaf zwischn meinen lebmsbäumen mit an dröhnend laudn schmeaznsschrei

                        Tauch tiaf zwischn meinen lebmsträumen duach a stoak vawüstete region

                        Tauch tiaf zwischn meinen lebmsszäunen mit übatriem brutala aggression.

Hob mein fodn valoan, hob leida goa kan beweis, woit ma so vü easpoan, steh aufm defektn gleis

Vaiat im niagendwo, in ana unendlichkeit, spü wieda moi fongen, mit meina vagesslichkeit

Bin afoch vüz longsom, hobs mit letzta kroft eareicht, mei hian wiad autonom, die stö woa leida vüz seicht

Ois vom fluss foatgespült, vasickat in ana gruam, den sumpf sinnlos zawühlt, eakenn goa nix von dem tuam.

Hob mein fodn valoan, da knotn hot si gelöst, spia in mia a rumoan, mia homs iagendwos eingflösst

Des gift hot si vateilt, bin dagegn immun, bin fost wieda geheilt, muass mi nua länga ausruhn

Da bluadigrode mond, grinst brutal auf mi hearob, hot afoch kan vaschont, flücht scho voa ongst im galopp

A endlos tiafa obgrund, hot mi scho gänzlich umringt, reisst mi fost in sein schlund, befreit hot mi mei instinkt.

Hea des flüstan vom wind, spia den koidn schnee auf meina haut, riach no die blumige natua

Hob den friedn vadient, hob mei eignes schicksoi net gonz duachschaut, da steile pfad hot ka struktua

Lean den kreislauf vastehn, jeda gschmock auf da zung so intensiv, fühl des wochstum diesa natua

Muass mi um mi söbst drehn, suach ma danoch a passendes motiv, längst vagrom mei noblschnua.

            Sitz nua do und stoa auf mei unhamlich vazeats schottnbüd, pletzlich bin i donn des letzte freiwüd

            Sitz nua do und woat doss si die stana wieda neu foamian, muass endlich mei mosaik renovian

            Sitz do und schlof mit offne augn in da vagongenheit, suach scho vazweiflt noch meina freiheit

            Sitz nua do und träum von vagessnen praktischn theorien, tauch stottdessn seah tiaf in amnesien.

                        Tauch tiaf zwischn meinen lebmssträngen duach a kompliziat vaknüpfts geflecht

                        Tauch tiaf zwischn meinen lebmsklängen mit an onspruch auf a tauschgeschäft

                        Tauch tiaf zwischn meinen lebmssüchtn duach a flächndeckend dichtes netz

                        Tauch tiaf zwischn meinen lebmsfrüchtn auf an schwindlearegendn trapez.

                                   Diesa exquisite fodn hot den hechstn moaktweat auf da gesomtn wöd

                                   Hob eam iagendwo valoan und tauch deshoib schmeazvazeat duachs leare himmlszöt

                                   Diesa edle sötne fodn is kostboara ois goid von da gesomtn wöd

                                   Hob eam iagendwo valoan und tauch dahea mit vü gwoit übas volle schlochtföd.

Hob mein fodn valoan, ois vasteckt im dichtn rauch, die atemluft eafroan, hob an vüz hohn vabrauch

Im vakuum eawocht, die problem san schwerelos, on rein goa nix meah docht, da homma schlogt den omboss

Trifft donn den wundn punkt, da wüde schmeaz explodiat, in jede zön gfunkt, doss sis afoch net rentiat

Die flut hot ois foatgschwemmt, nua zastearung bleibt hia zruck, des guade hot si trennt, des bese hot kan zeitdruck.

Hob mein fodn valoan, mia woa afoch ois egal, wü a net long nochboahn, eakenn drin a ka moral

Die leare gähnt mi an, die resonanz is seah stoak, hob no imma ka plan, hot si no net offnboat

Da klane weisse zweag, hot si scho ois einvaleibt, da riese hintam beag, hot sei woahres gsicht heazeigt

Vaiat im niemondslond, umrahmt von da ewigkeit, spü wieda amoi schach, mit meina vagesslichkeit.

Hea den wind eazöhn, spia die eisige kötn auf da haut, riach no die kräftige natua

Mecht endlich wieda wöhn, mei schicksoi hot ma mei lebm vabaut, vafluach jetzt die architektua

Denk no mit mein vastond, inhalia jedn reinen schoafn gschmock, spia no den heazschlog dea natua

Foss mi söbst on da hond, wiaf eam endlich weg diesn wondastock, längst vagrom mei noblschnua.

            Sitz nua do und stoa auf mei optisch täuschtes eascheinungsbüd, hob die eignen foabm scho längst vasprüht

            Sitz nua do und woat doss si die zön wieda von söbst foamian, mecht do so gean von neiem existian

            Sitz do und schlof mit offne augn in da vagongenheit, suach scho vazweiflt noch meina freiheit

            Sitz nua do und träum von vagessnen komplexn melodien, tauch stottdessn tiaf in schizophrenien.

                        Tauch tiaf zwischn meinen lebmsstützn duach an diffus vaschwommnen uawoid

                        Tauch tiaf zwischn meinen lebmspfützn auf da suche noch oatnvüfoit

                        Tauch tiaf zwischn meinen lebmsstruktuan duach a revolutionäare front

                        Tauch tiaf zwischn meinen lebmsfiguan bis zum friedlich strohlendn horizont.

                                   Diesa exquisite fodn hot den hechstn moaktweat auf da gesomtn wöd

                                   Hob eam iagendwo valoan und tauch deshoib schmeazvazeat duachs leare himmlszöt

                                   Diesa edle sötne fodn is kostboara ois goid von da gesomtn wöd

                                   Hob eam iagendwo valoan und tauch dahea mit vü gwoit übas volle schlochtföd.

                                               Steh mittn in an kriegsgebiet, konn net entfliehn, flüchtn oda desatian

                                               Tauch jetzt sogoa bis zum zenit, konn den lebmsfodn net mea reparian

                                               Steh mittn in da kriegsregion, konn net umschwenkn, umkeahn oda umdrehn

                                               Tauch sogoa bis zua endstation, mei lebmsfodn konn net mea aufeastehn.

Hob mein fodn valoan, find den onfong afoch net, des end is längst obgfoahn, vagiss die realität

Steh jetzt im niagendwo, in ana unendlichkeit, spü wieda domino, mit meina vagesslichkeit

Da effekt setzt voi ein, offne wundn bleibm zruck, bin grod in an ondan sein, hintaloss kan hondobdruck

Eakenn jetzt ka detail, des licht blendet und betöat, vü zu dick is des seil, da hoitegriff woa zastöat.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Geschrieben am 03./04./05./06./07. Juli 2016.pk

copyright by philipp kirschner 27. September 2016.pk

******************************************************

nochmals ein herzliches dankeschön für euer interesse, für eure lange treue, euren mehrmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.

und hier wieder die üblichen links:

übersicht band 2

übersicht band 4 und band 3

facebook

twitter

google+

literatpro - meine gedichte band 2

danke für alles. und ich habe noch eine grosse bitte.

bleibt mundartig gesund und bleibt mir weiterhin gewogen.

euer philjazzmetal, dialectiloquax, der mundartige.