393. | entleat.

meine lieben leserinnen und leser, meine treuen textmaniacs. danke für euren besuch auf diesem blog. in den letzten vier tagen habe ich den text "entleat" geschrieben, den ich nun euch präsentieren möchte. diesmal wieder mit geballter ladung - das heisst, der text ist komplett. alle strophen sind vorhanden.

wünsche euch nun ein lesevergnügen, dass ihr bis jetzt noch nicht erlebt habt :)

*************************************************************

393.     Entleat.

Bin a winzigs sondkoan, in ana riesign wüstnlondschoft, fühl mi do gonz valoan, zua flucht föht ma die kroft

Diese unendlichkeit, vamindat mein begrenztn horizont, hob mi no net befreit, von diesa dünenwond

Die sunn vabrennt mein geist, olle eainnarungen san vakoiht, die nocht hot mi vaeist, fühl mi scho schwoch und oid

Diese temperatuan, zamüabm meine letztn eneagien, vawischn meine spuan, und meine symmetrien.

Bin a winzigs sondkoan, in ana riesign maschinarie, hob hia goa nix valoan, wü zruck aus da phobie

Dieses ewige roin, in diesm kompliziatn labyrinth, den ausgong homs scho gstoihn, wass net wos end beginnt

Tauch und schwimm duach des mea, hob dieses gfüh, i eatrink und eastick, moch eh ka gegnweah, hob hia goa kan duachblick

Da spiegl is nua luft, a wiaklichkeitsfremdes phantasiebüd, in da friedlichn bucht, wäa i wieda eablüht.

      Höfts ma aus diesm diffusn engen netz, eakläats ma endlich jeds anzelne gesetz

      Hobs net meah im griff, hob ois wieda valeant, des logische denkn hot si weit entfeant

      Drum höfts ma des lebm endlich zu vastehn, mecht olle foabm mit eigne augn sehn

      Konn euch leida nix gem, bin völlig entleat, olle fensta und tüan san von aussn vaspeat.

Bin a winzigs sondkoan, in ana seah riesign konstruktion, wuade hineingeboan, hob goa ka kondition

Dieses endlose drehn, vauasocht schwindl und benommenheit, mechts jetzt endlich vawehn, diese sinnlosigkeit

Denn ois is vawobm, ois is mitanond vaknüpft und vanetzt, hob mi söbst vaschobm, mi enoam übaschätzt

Da kreis is no offn, da schliessmechanismus is scho defekt, do hüft a ka hoffn, hob scho wieda bluad gleckt.

Bin a winzigs sondkoan, in ana riesign apparatua, woa hia scho eingeboan, vagessn hob in schwua

Ufalos is des lond, ka hoitegriff ka trittbrett is in sicht, des boot is scho vabronnt, gerat ausm gleichgwicht

Des rädaweak is oid, die zähne san stumpf, obgnutzt und vabraucht, hob nix meah in da gwoit, hob mein mut scho vakauft

Des tickn is no laut, dröhnt duachs gesomte weite fiamament, hob den zeigan vatraut, nutz jetzt diesn moment.

Konn mi net meah bewegn oda riahn, oi meine gfühle san vagrom, unta ana dickn schicht aus hoss und neid

Woit do no jedn meina sinne spian, mutia longsom zu an phantom, dea mei rachsucht explosionsoatig befreit

Muss mi beruhign, kana hot mi zähmt, foah scho aus meina oidn haut, hot mi in oi den joahn seah guad beschützt

A zähe masse hot mi übaschwemmt, mei aggression hot si aufgstaut, hot mi bei meim plan tatkräftig untastützt.

      Höfts ma aus diesm wian dichtn geflecht, eakläats ma do endlich jeds anzelne recht

      San die details entfoin, kum a net meah drauf, die vün föhla nimm i donn gean in kauf

      Drum höfts ma des lebm endlich zu kapian, mecht wieda olle düfte tiaf inhalian

      Konn euch nix meah zruckgem, bin völlig entleat, olle fluchtmeglichkeitn san scho längst vaspeat.

            Sogoa da sond zafoit amoi zu staub, die bäume bedeckn mi mit nodln und laub

            Treib gonz schwearelos auf woikn dahin, iahre tränen gebm dem lebm wieda an sinn

            Sogoa da stuam wiad wiada friedlich stü, entleat sei stäake duachs sichaheitsventü

            Nua i bin gfongen aufm unsichtboan föd, bin völlig entleat und valossn in diesa wöd.

Bin a winzigs sondkoan, in ana seah riesign mechanik, hob nie an meineid gschwoan, aufd chemische physik

Die foamln so komplex, vü wissn bleibt no imma unentdeckt, zu longsom mei reflex, mei sö is unbefleckt

Knotn locka vaschnüat, vü stön san brüchig varostet lädiat, des feia hot wea gschüat, mi quöt und malträtiat

Druck auf iagend an knopf, des enoame nix stiazt donn auf mi ein, foi wieda auf mein kopf, siag stean im sonnen-schein.

Bin a winzigs sondkoan, in an qualitativ hohn system, hob mi da zeit vaschwoan, do die hot a problem

Des licht rast duach den raum, zruck bleibt net amoi a klans element, des lem is nua a traum, und is ambivalent

Treib jetzt ind finstanis, bei schoafn spitzn kantn fliesst des bluad, es gibt kan kompromiss, aufm letztn endspuat

In strömen rinnt da schweiss, die panische ongst lähmt die reaktion, und ois eastoat zu eis, woa a kloare vision.

Konn net meah wondan, laufn und pulsian, meine empfindungen vagrom, unta ana dickn schicht aus eifasucht

Woit unbedingt die liebe zelebrian, mutia scho zum chamäleon, des mei geschwächte tarnung scho laut vaflucht

Muass mi obkühln, kana hot mi in da gwoit, hob mi wieda zu seah eahitzt, die vateidigung woa imma scho peafekt

A zähe masse hot mi hia festgschnoit, mei aggression donnat und blitzt, mei simpla plan wiad zum schmettalings-effekt.

      Höfts ma aus diesa vaschlungenen fusion, eakläats ma endlich mei geheime mission

      Ois in nebl taucht, steh voa weisse wänd, die umkeahfunktion is om gonz ondan end

      Drum höfts ma des lebm endlich zu duachschaun, mecht olle gschmocksrichtungen intensiv kaun

      Konn nix meah heagem, bin scho völlig entleat, die schlupfwinkl und vastecke san scho vaspeat.

            Sogoa da sond wiad zu an aschnmea, die hohn wön bedeckn mi scho noss und schwea

            Die woikn san mei waches sonftes bett, iahre tränen bringen den lebmssinn aufs schachbrett

            Sogoa da stuam eastoat in harmonie, entleat sei mächtigkeit mit seina melodie

            Nua i bin eingspeat auf an unsichtboan strond, bin völlig entleat und valossn in diesm lond.

                  Entleat, valossn, einsom und isoliat, hob büda gmoit, texte gschriebm, mit notn jongliat

                  Fühl mi trotzdem wie a sondkoan so klan, unbedeutend in dem riesngrossn bauplan

                  Entleat, sönlos, ausgehöhlt und allein, hob phantasie benutzt, im sonnen-, mondnschein

                  Fühl mi trotzdem wie a sondkoan so floch, völlig unwichtig unta diesm steanendoch.

Bin a winzigs sondkoan, in an einzigoatign paradies, bin hia afoch festgfroan, in meim eignen valies

Hob mein plotz net vaschenkt, weich a kan schritt von diesm stondpunkt zruck, hob kan treffa vasenkt, kan bodn hot da krug

Ois is in bewegung, bei an stüstand wäas donn katastrophal, bin bereit füa an sprung, des gonz ohne moral

Die kugl ausgereift, übatrifft weit die genialität, hob boid des zü eareicht, a sötne rarität.

Bin a winzigs sondkoan, in diesm vazaubatn mäachenlond, bin scho vü zu vafroan, dräng mi söbst on den rond

Die wöd is a scheibm, on da kantn eafosst man frein foi, mecht die fuacht vatreibm, deklarias ois unfoi

Des gleichgewicht kippt um, do die woahheit wiad hia net akzeptiat, ois bebt bis ins zentrum, hob mi wieda vaiat

Da goatn is einzäunt, dahinta eastreckt si a hoha tuam, die aussicht is vaträumt, hot goa kane struktuan.

Konn net meah springen, hüpfn oda gehn, hob meine fünf sinn tiaf vagrom, unta ana dickn schicht aus koida wut

Woit do no dei valiabtes lächln sehn, zeig net nua a typisches symptom, entfocht des feia aus ana tränenflut

Muass mi zügln, kana hot mi eingrenkt, diesa kontrast voa mia vaschwimmt, hob bis jetzt jede invasion übalebt

A zähe masse hot mi donn vadrängt, mei aggression von neum beginnt, diesa unechte plan woas foische konzept.

      Höfts ma aus da vawinkltn allianz, eakläats ma endlich den besondaren tanz

      Bin spieglvakeaht, orientierungslos, da homma zaschmettat den oidn omboss

      Drum höfts ma des lebm jetzt nochzuvoiziehn, mecht nua in jedn anzelnen reiz entfliehn

      Konn nix meah ausgebm, bin völlig entleat, jede klanste lückn is scho längst vaspeat.

            Sogoa da sond schmüzt zu an dickn brei, die zähflüssige masse eastickt mein hüfeschrei

            Dieses woiknbond hoit mi wohlig woam, iahre tränen woschn dem lebmssinn die sensoan

            Sogoa da stuam begibt si donn zua ruah, entleat seine potenz auf da entziehungskua

            Nua i bin gfesslt mit an unsichtboan bond, bin völlig entleat und valossn ohne vastond.

                  Entleat, valossn, einsom und isoliat, hob büda gmoit, texte gschriebm, mit notn jongliat

                  Fühl mi trotzdem wie a sondkoan so klan, unbedeutend in dem riesngrossn bauplan

                  Entleat, sönlos, ausgehöhlt und allein, hob phantasie benutzt, im sonnen-, mondnschein

                  Fühl mi trotzdem wie a sondkoan so floch, völlig unwichtig unta diesm steanendoch.

                        Diese unendlichkeit entleat iah gesomte weisheit auf uns hearob

                        Diese immensität entleat iah gesomte woahheit üba uns hinweg

                        Dieses mysterium entleat iahre geheimnisse in unsa grob

                        Diese singularität entleat die realität voa uns in den dreck.

Bin a winzigs sondkoan, in ana riesign wüstnlondschoft, fühl mi do gonz valoan, zua flucht föht ma die kroft

Diese unendlichkeit, vamindat mein begrenztn horizont, hob mi no net befreit, von diesa dünenwond

Die sunn vabrennt mein geist, olle eainnarungen san vakoiht, die nocht hot mi vaeist, fühl mi scho schwoch und oid

Diese temperatuan, zamüabm meine letztn eneagien, vawischn meine spuan, und meine symmetrien.

Geschrieben am 04./05./06./07. November 2016.pk

copyright by philipp kirschner - 07. november 2016.pk

~~~~~~~~~~~~~~~~~~~~~~~~~~~~~~~~~~~~~

so, ihr habt es geschafft - gratuliere.

besucht mich doch auf facebook, twitter, google+

www.facebook.com/philjazz
twitter.com/philjazmetlyric
https://plus.google.com/u/0/104160599138757338426 

nochmals ein mächtiges dankeschön für euren besuch.
euer 
phil