danke für euren besuch und für euer interesse.
euer phil
**************************************************
364.
Hond.
Scho
wieda is a engl vom blauen himml gfoin, wiad unsre vüz kuaze zukunft nua mit
schwoaz bemoin
Seine
dünstren brutal makabren woahsogarein, wean unsre radikal vahosste menschheit
entzwein
Sei
onhängaschoft vadopplt si scho jedn tog, losst an stuam entstehn mit nua an
zoatn fliaglschlog
Frenetischa jubl mutiat zu
fanatisch wüd, die blinde besessnheit wiad scho grenznlos gspüt.
Scho
wieda is a engl vom blauen himml gstüazt, seine zukunftsaussichtn san a scho
kräftig gwüazt
Hot
in unsre wundn scho gnua soiz und pfeffa gstreut, jetzt heat mas dumpfe tiaf
dröhnende glockngeläut
Die
schoiwön proin mit montrösa wucht auf jede wond, des echo vastäakt sei resonanz
zum horizont
Zasprengt
des dicke glos, mauan zariesln zu staub, bäume valian scho blätta, mensch und
tia wean scho taub.
Drum woch jetzt endlich aus diesm
oiptraum auf, vatreib den dichtn nebl, den stickign rauch
Drum moch jetzt endlich moi deine
augn auf, sog wos positivs üba dein entzugsvalauf
Drum tauch jetzt endlich moi ausm
wossa auf, nimm do a die vün heabn rückschläg in kauf
Drum schwimm jetzt ons ufa, zum
rettendn strond, woat scho so long auf di, reich da scho mei stoake hond.
Scho
wieda hot a engl sei gleichgewicht valoan, hot sei londung mittn in diesa nocht
auseakoan
Suacht
seine gfoinen briada seit ana ewigkeit, duachstreift unsichtboa im licht
gefongen raum und zeit
Hoit
ausschau noch jeda no so winzigklanen spua, foigt den dimensionaln zeigan da
sonnenuah
A
zoats summen trifft auf sei empfindliche membran, fühlt mit seina konzentration
iahn racheplan.
Scho
wieda hot a engl sein festn hoit valoan, hot si mit den besn mächtn gegn uns
vaschwoan
Sei
armee is gerüstet und ziagt scho in die schlocht, da gruch von adrenalin und
ongst hot eam hass gmocht
Ea
schraubt si in die lüfte und stüazt si ins gefecht, seine schoafn schwingen
foadan sletzte lebnsrecht
Bluadigrot
fäabt si die wiesn, frischfleisch is seaviat, die sadistische gwoit hot dazua
oft mastuabiat.
Schrei
ma mei sö ausm leib, mei keapa zittat und bebt, die schmeazn hom si befreit,
quön mit mein lieblingsrezept
Vamiss
die nodl wonns sticht, wonn donn des feia ausbricht, wonn die wön zum roin
beginnt, wonn die sucht in mia zarinnt
Schrei
mein wüdn zoan hinaus, die vün schnoin san festzuat, hea nua vahoitnen applaus,
woat auf mei wiedagebuat
Brauch
jetzt dringend diesn kick, zum richtign augnblick, nua füa an kuazn moment, spü
jetzt auf mein instrument.
Drum öffne deine augn ausm oiptraum,
vajog die schwoazn woikn, den giftign schaum
Drum reiss jetzt endlich moi deine
augn auf, sprich endlich mit uns üba dein entzugsvalauf
Drum steig jetzt endlich aus da
tiafn empoa, jeda misseafoig wiad zum grossn stöafaktoa
Drum schwimm jetzt zua insl, ons
rettende lond, woat no imma auf di, reich da scho mei sichre hond.
Eascheinungen geistan
duach mein vastond, bitte gib ma endlich dei heilende hond
Visionen mochn a
ochtabohnfoaht, dei heilige hond
gibt ma iah eahnwoat
Halluzinia om tog und in
da nocht, nua dei holde hond
gibt ma donn no gnua kroft
Illusionen spiegln si on
da wond, bitte hoit do endlich mei eiskoide hond.
Scho
wieda hot a engl sei schicksoi söbst gewählt, hot si mitm teuflischn satan
höllisch vamählt
Iahre
onziehungskräft san bestialisch charmant, iahre flittawochn san extrem
extravagant
Kopulian
in an bluadbett aus frischgeschlüpftn feen, suhln si eng umschlungen in
geheiztn lavaseen
Schickn
liebe grüsse duach paranoide phobien, duach wahnsinnig dämonische
gewoitphantasien.
Scho
wieda hot a engl net den foahstuih benutzt, hot duach sein frein foi die luft
vapestend vaschmutzt
Die
temparatuan steign, des gletschaeis schmüzt, des wetta spüt varuckt, die
menschheit is ungeschützt
Übaschwemmungen
flutn scho jedn kontinent, spoitet gonz leicht jedes no so klane element
Die
spua da vawüstung von noad bis süd, ost bis west, beschenkt uns zu gegebna zeit
reichlich mitm rest.
Schrei
mei innastes hearaus, mei keapa krümmt si voa schmeaz, sitz direkt in an
gloshaus, mit meina kroft gehts obwäats
Vamiss
den drognsalot, woa do scho mei täglich brot, wonns donn in mia explodiat, donn
hot si mein trip rentiat
Schrei
und kreisch, konn mi net weahn, kettn schneidn mi scho ein, wü endlich wieda
hamkeahn, zu den trugbüd-molarein
Brauch
jetzt dringend diese tua, mit woahra temperatua, zum peafektn zeitpunkt, hob i
tiaf im sumpf eintunkt.
Drum entfoit jetzt endlich moi dei augnlicht,
vascheuch jetzt den oiptraum, dei subjektive sicht
Drum duachstoss jetzt endlich diese
finstanis, dei entzugsvalauf is wiaklich ka paradies
Drum flieh jetzt endlich aus diesm
schlomm und dreck, deine föhla fessln di jetzt auf dieses bett
Drum schwimm jetzt bis zum rettendn
horizont, woat no imma auf di, reich da scho mei grosse hond.
Geschehnisse drahn an
füm im vastond, bitte gib ma endlich dei heilende hond
Konkrete phantasien san
so real, dei heilige hond
beruhigt mei woansignal
Sinnentleate gedonkn san
zaplotzt, dei friedliche hond
hot no goa nix zakrotzt
Utopien reflektian scho
on da wond, bitte hoit do endlich mei eiskoide hond.
Da onstieg
zum gipfl hot mi eahöat, die wüdn effekte stäakn die luft
Do des
plateau is scho völlig zastöat, denn vüz kuaz woa die intensive sucht
Da weg ins
toi ziagt si stundnlong hin, die eainnarungen bleibm vaschoin
Da vafluachte
entzug eagibt kan sinn, denn nua dei hond
konn mi wieda zruckhoin.
Scho
wieda hot a engl die foische koatn gspüt, a poa fedan san in da atmosphäan
vaglüht
A
entsetzlicha gstonk setzt si auf mensch, tia, natua, vaätzt haut und lungen,
hintalosst oba ka spua
Diesa
unsichtboare hauch schleicht tödlich duach sei reich, streichlt oi seine opfa
gonz zäatlich, sonft und weich
Lebende
keapa schmözn zu an scheusslichn brei, die natua otmet endlich wieda glücklich
und frei.
Und
scho wieda ziagt a engl den kiazan groshoim, schickt in scheinheilign
gotteshäusan dichtn quoim
Brennende
kreize betn zua aufgehenden sunn, die dreifoitigkeit riaht si net, bleibt
weitahin stumm
Die
geweihtn biacha valeugnen iahn inhoit, die religionen wöhn freiwillig die reine
gwoit
Des
kaos eanäaht si heimlich von hoss, neid und gia, die aufeastehung existiat nua
auf an papier.
Schrei
um hüfe scho so long, mei keapa is scho a wrack, die schmeazn findn onklong,
mit an siassn beigeschmack
Vamiss den drogncocktail, nua
trunkn auf mein befehl, wonn donns bluad brodlt und kocht, hob i die sphäan
onglocht
Schrei mei uaongst in den raum,
die zwongsjackn passt peafekt, übawind endlich den zaun, vadien wieda an
respekt
Brauch
jetzt dringend diesn flug, bin no imma auf entzug, hob die möglichkeit vatan,
sinnlos komplexa foahplan.
Drum aktivia jetzt endlich moi dei
sehkroft, schlog den oiptram ind flucht, und a den kuazn docht
Drum übamoi des schwoaz mit an
scheenen weiss, bei deim entzugsvalauf befindst di in an kreis
Drum flücht jetzt endlich aus diesm
labyrinth, duach dei dummheit valiast die unschuid wie a kind
Drum schwimm jetzt zua küste, zua
rettenden bucht, reich da mei rechte und linke hond
aus deina gruft.
Besondaheitn vaknotn
mein vastond, bitte gib ma endlich dei heilende hond
Duach luftspiegelungen
siagt ma ois vakeaht, dei heilige hond
hot si wieda bewäaht
Die symptome hom den
charakta bewoaht, dei gütige hond
hätt si so vü easpoat
Dimensionen projizian si
on da wond, bitte hoit do endlich mei eiskoide hond.
Da onstieg
zum gipfl hot mi eahöat, die wüdn effekte stäakn die luft
Do des
plateau is scho völlig zastöat, denn vüz kuaz woa die intensive sucht
Da weg ins
toi ziagt si stundnlong hin, die eainnarungen bleibm vaschoin
Da vafluachte
entzug eagibt kan sinn, denn nua dei hond
konn mi wieda zruckhoin.
Endlich
bekomm i dei hond
zu fossn und hoits gonz fest, loss nie wieda los
Endlich
fühl i dei liebe, meine augn san duachnässt, lieg jetzt auf deim schoss
Endlich
spia i jetzt dei hond
auf mi und hoitst mi gonz fest, da stich woa so socht
Fühl
endlich die dosis woam geboagn wie in an nest, bin net meah aufgwocht.
Und
scho wieda is a engl in den himml gfoahn, sei jugendliches oita hot doat obm
nix valoan
Scho
wieda hot a engl grundlos die tüa zuaknoit, hom net bemeakt, sei stoarre hond
woa scho gonz eiskoid.
Endlich
spia i jetzt dei hond
auf mi und hoitst mi gonz fest, da stich woa so socht Fühl
endlich die dosis woam geboagn wie in an nest, bin net meah aufgwocht.
~~~~~~~~~~~~~~~~~~~~~~~~~~~~~~~~~~~~~~~~~~
Geschrieben am
11./12./13./14. April 2016.pk
*********************************************************************************
copyright by philipp kirschner, 06. november 2016.pk
danke für euren besuch
euer phil
Keine Kommentare:
Kommentar veröffentlichen