so genug gefasel. hier ist er auch schon.
~~~~~~~~~~~~~~~~~~~~~~~~~~~~~~~~~~~~~~~
362.
Gedonkn.
Nua
von obm siagt ma die frische spua duachs hohe weiznföd, schlänglnd füaht da weg
duachs hohe reife mea
Kuaz
voam end liegt da gschundne keapa, wuade gfoitat und quöt, die tiafn wundn
zeugn von gegnweah
Sei
odyssee wäahte scho seit monatn do ohne eafoig, die jäga hobm eam jetzt do no
einghoit
Die
bluadlache is längst vatrocknet, da keapa bleibt jetzt vaschoin, die hungrign
tiare hom eam übafoin.
Denn
nua von obm eakennt ma die kompfspuan auf diesm schlochtföd, dichte schwoazn
woikn hom die sicht vastöt
Da
klane hügl auf da lichtung zeugt hia von an massngrob, da hüft ka betn und a ka
gotteslob
Die
kriegsvabrecha san no imma frei, weadn a nie gefasst, hom bei iahm massaka seah
guad aufpasst
Des
mahnmal eainnat on die bestialisch brutale zeit, füa soiche gemetzl gibts ka
boamheazigkeit.
Mecht endlich diese büda aus meinen
eainnarungen löschn und eliminian
Mecht jetzt endlich dieses
hystearische geschrei aus meim schädl brennen und amputian
Mecht endlich diesn lean totn blick
aus meine augn wegwischn und liquidian
Mecht jetzt endlich dieses moadn und
schlochtn vagessn und diese gedonkn
blockian.
Nua
von obm begreift ma des ausmass vom joahrelongen krieg, da woffnstüstond bringt
kan friedn, kan sieg
Zasteate
zatrümmate städte mutian zum ruinenlond, die längst vastoabnen geista ian
umanond
Die
totn wean net meah begrom, gstonk und seuchn mochn si breit, die höhle im heaz
ka licht, nua dunklheit
Des
trinkwossa is scho vagiftet woadn von an fremdn feind, mensch und tia san nua
im tod wieda vaeint.
Von
obm wiakt die foige des entlaubungsmittls geistahoft, die skelette dea bäume
valian den soft
Da
feind wiad gnodnlos bombadiat, im kuglhogl ausgschoit, im tiafstn dschungl
heascht jetzt nua rohe gwoit
In
diesm bluadbod stiabt die sö zueast, da wahnsinn hoit einzug, denn da vastond
mocht an seah longen ausflug
Die
uainstinkte wean wieda ohne schwierigkeit aktiviat, da hebl wuade gonz afoch
obmontiat.
Do
nua von untn heat mas gros woxn und siagt die blumen blühn, nua gonz tiaf untn
konn des lebn mitm tod spün
Nua
von unt spiat ma den druck wonn die dunklheit des licht obdreht, nua gonz tiaf
untn vaschwindet die realität
Denn nua von untn riacht die eadn
so frisch, wüazig und no gsund, nua gonz tiaf untn schreit kana meah mit voin
mund
Nua
von unt berüaht die einsomkeit des ewige paradies, nua gonz tiaf unt glaubt
kana mea on des geheimnis.
Mecht jetzt endlich diesn longen füm
aus mein bewusstsein löschn und eliminian
Mecht jetzt endlich dieses sinnlos
dumme geheul aus meim schädl brennen und amputian
Mecht endlich diesn stoan totn blick
aus meine augn wegfegn und liquidian
Mecht jetzt endlich dieses moadn und
schlochtn vagessn und diese gedonkn
blockian.
Meine gedonkn
drahn mi duach an fleischwoif, ois wiad brutal duach die scheibn presst
Meine gedonkn
san so krumm wie da doich, zaschneidn glei des sichare nest
Meine gedonkn
hämman gegn mei wond, wiad völlig zasteat wie mei vastond
Meine gedonkn
nogln mi auf a kreiz, die quoin foitan mein kronkn eahgeiz.
Von
obm bestätigt si des wütende kaos mit dem hoss, die bestie vabeisst si gonz
gewissnlos
Dutzende
onschläg foadan hundate tote mit an söbstmoad, da fanatismus woxt prächtig on
dem oat
Die
geschockte öffentlichkeit setzt endlich zum gegnschlog on, die blitzende orgie
nimmt frau und monn
Do
a die unschuidigkeit wiad bis zum letztn heazschlog ausgnutzt, die klanen händ
wean mit woffn herausputzt.
Von
obm vaflechtn si die fluchtweg zum gigantischn netz, zehntausende widasetzn si
dem gsetz
Tausende
bleim liegn, eatrinkn, gehn om hungaduascht zugrund, da strossnrond übafüllt,
gibt kan befund
Die
rettende grenzn homs dicht gmocht, gschlossn, varammlt und gspeat, die primitivn
loga san seah begeaht
Weit
hintn in da valossnen eckn is wieda wea bereit, die explosion sogt uns die
reine woahheit.
Denn
nua von unt heat ma wuazln woxn und siagt die bäume blühn, nua gonz tiaf untn
konn da tod des lebn besprühn
Nua
von untn spiat ma die hitzn vom geschmoiznen gestein, denn nua gonz tiaf untn
existiat ka sonnenschein
Denn
nua von untn riacht ma den gstonk von vawesung und verfoi, nua gonz tiaf untn
wiad die fäulnis zum sündenboi
Denn
nua von untn berüaht des nichts des endlose schwoaze loch, nua gonz tiaf unt
vasteht kana meah die eigne sproch.
Mecht jetzt endlich diese anzelnen
details aus mein heazn löschn und eliminian
Mecht jetzt endlich dieses
cholerische gekreisch aus meim schädl brennen und amputian
Mecht endlich diesn koidn totn blick
aus meine augn obreibn und liquidian
Mecht jetzt endlich dieses moadn und
schlochtn vagessn und diese gedonkn
blockian.
Die gedonkn
zastückln mi mit da oxt, jedes teil wiad vapockt und eingfroan
Meine gedonkn
hom mit mia grausam boxt, mei keapa bluadübaströmt valoan
Meine gedonkn
sezian mein eignen leib, die innarein san nua zeitvatreib
Meine gedonkn
häutn mei schwoche sö, und donn eatönt da nägste beföh.
Und die regln
wean gebrochn, meine gedonkn
san nua no a haufn scheam
Da vatrog
wuade besprochn, meine gedonkn
bestehn nua no aus lauta keam
Die gebote
wean schwea valetzt, meine gedonkn
drahn si nua no in an kreis
Die vafossung
homs beigesetzt, meine gedonkn
stehn wieda aufm foischn gleis.
Von
obm entdeckt ma die existenz von zasteata natua, denn die eade rächt si on
unsra kultua
Die
wettakaprioln stüazn mit olla häate auf uns ein, die katastrophn san scho
gmeisslt in stein
Die
hitzn nimmt zua, des ewige eis schmüzt, des lond wiad vabronnt, des feia
reinigt unsa bissl vastond
Do
die glockn hom scho längst iahn tönendn klong valoan, die zeiga da uahn hom
jetzt kane sensoan.
Denn
nua von obm siagt ma den giftig grauschwoazn eadnboi, a tota planet kreist umd
sunn im wödoi
Dieses
sonnensystem hot a zweite schons leida net vadient, den menschlichn staub
eakennt nua no da wind
Die
endgültigkeit gheat dazua wies amen zum letztn gebet, vielleicht gibts lebn auf
an ondan planet
Diese
unwissnheit hot uns in kansta weise meah berüaht, hom ahnungslos in unsam
kochtopf umgrüaht
Do von unt heat ma ka gros mea
woxn, kane blumen hom mea blüht, nua gonz tiaf untn hot da tod des lebn vaspüt
Denn
nua von untn spiat des licht die massig schweare dunklheit, gonz tiaf untn hot
si da kean vom magnet befreit
Nua
von untn riacht jetzt die eadn noch totn material, denn gonz tiaf untn is
übahaupt nix meah noamal
Denn
nua von untn berüaht des reine nix a gähnende lean, denn nua gonz tiaf untn
konn si des bese vameahn.
Mecht jetzt endlich olle passlteile
aus mein gedächtnis löschn und eliminian
Mecht jetzt endlich dieses jammande
gestöhne aus meim schädl brennen und amputian
Mecht endlich diesn endlos totn
blick aus meine augn wegkrotzn und liquidian
Mecht jetzt endlich dieses moadn und
schlochtn vagessn und diese gedonkn
blockian.
Meine gedonkn
schmözn mi im ofn, wea ois eakoitete masse umgfoamt
Meine gedonkn
brechn meine knochn, goa kana hot si meina eaboamt
Meine gedonkn
zafressn mei gehian, die zache rinde losst si net tranchian
Die gedonkn
treibn den pfahl duach mei brust, hob des bese net meah beeinflusst.
Denn die
regln wean gebrochn, meine gedonkn
san nua no a haufn scheam
Da vatrog
wuade besprochn, meine gedonkn
bestehn nua no aus lauta keam
Die gebote
wean schwea valetzt, meine gedonkn
drahn si nua no in an kreis
Die vafossung
homs beigesetzt, meine gedonkn
stehn wieda aufm foischn gleis.
Lossts
mi do endlich in ruah, eatrog die vün stimmen net meah
Die
gedonkn bleibn stua, bin
scho vüz schwoch füa a gegnweah
Vaschwindts
jetzt aus mein vastond, des ewige gräusch mocht mi varuckt
Die
gedonkn san entsponnt, hom
mi zwischn den zeiln zadruckt.
Nua
von obm siagt ma die frische spua duachs hohe weiznföd, schlänglnd füaht da weg
duachs hohe reife mea
Kuaz
voam end liegt da gschundne keapa, wuade gfoitat und quöt, die tiafn wundn
zeugn von gegnweah
Sei
odyssee wäahte scho seit monatn do ohne eafoig, die vafoiga hobm eam jetzt no
einghoit
Die bluadlache is längst vatrocknet, da keapa bleibt jetzt vaschoin, die hungrign tiare hom eam übafoin.geschrieben am 02.+03.+04.+05. april 2016.pk
copyright by philipp kirschner. 19. november 2016.pk
******************************************************
vielen dank nochmals für euer interesse und euren besuch.
www.facebook.com/philjazz
twitter.com/philjazmetlyric
https://plus.google.com/u/0/104160599138757338426
würde mich freuen, mit euch befreundet zu sein oder auch geliked zu werden.
habt nur mut. ich beisse nicht.
euer
phil
Keine Kommentare:
Kommentar veröffentlichen