hallo meine textmaniacs und vorallem auch die, die es noch werden möchten. schreibe gerade an meinem 396. text, der, so hoffe ich, in zwei, drei tagen fertig sein wird. um euch diese lange wartezeit zu verkürzen, darf ich euch nun die nummer 360 vorstellen, die da lautet: glücklichsein.
das heisst also, der tag nähert sich mit grossen schritten, wenn die nummer 400 beendet sein wird. und danach vergehen bestimmt ein paar monate, bis ich alle 150 neuen texte (251-400) überarbeitet habe.
nun darf euch bitten die folgenden wörter, sätze zu lesen. :)
in diesem sinne wünsch ich euch jetzt ein glückliches und fröhliches leseabenteuer.
~~~~~~~~~~~~~~~~~~~~~~~~~~~~~~~~~~~~~~~
360.
Glücklichsein.
Da
weg zum glücklichsein is beschwealich und long, ma kämpft si duach
fösn, foin, an dickn schwean voahong
Pletzlich
stroiht a blühende blume foabnfroh, und a kuazes lächln umspüt den mund wie a
halo
Do
a dichta koida nebl senkt si hearob, geht mit klane schritt voawäats, in da
hond an wondastob
Stoipat
und stüazt, do mit letzta kroft steht ma auf, ma nimmt die vün schmeazn, wundn
und noabn in kauf.
Denn
da weg zum glücklichsein is steil und riskant, die aussicht vom schmoin
grat is grandios imposant
Pletzlich
hot si a dunkle woiknfront auftüamt, hot mit iahn elementn olle sinne bestüamt
Des
schicksoi entscheidet üba jo oda nein, die frogn ohne antwoat gebn auskunft nua
zum schein
Die
unduachdringliche wüdnis hot prophezeit, doss si des übalebn vom tödlichn end
befreit.
So vü negative pessimistische
gedonkn übaschwemmen wie a flut unsan vastond
So vü gescheitate eafoiglose vasuche
proin mit volla wucht auf a spitze schoafe wond
So vü sinnlose obsuade
widasprüchlichkeitn leistn an offnen massivn widastond
So vü unsichtboare hamlich vasteckte
aggressionen treibn des glücklichsein
gonz on den rond.
Da
weg zum glücklichsein is stapaziös und hoat, die schwierigkeitn und
hüadn hätt ma uns glei easpoat
Pletzlich
trällat diesa vogl sei symphonie, und mit gschlossne augn lauscht ma da
notnsymmetrie
Do
a donnande explosion zasteat die stün, a panisch hystearische ongst easchreckt
den frein wün
Die
wön übaroin beag und toi ohne moral, die tropfn auf dem hassn stein san jetzt
net meah neutral.
Da
weg zum glücklichsein is dornig und mühsam, ma fabriziat si söbst draus
a bewegtes melodram
Pletzlich
hot die eadn iahn montl bewegt, hot iah sonst so friedlichs gsicht wieda mit
zastearung prägt
Da
kreislauf rotiat im rütmus von zeit und raum, die lebnsadan san die wuazln vom
uaoidn baum
Die
winzige blaue peale hot si geniat, die menschheit hot si füa sie übahaupt net
intressiat.
Jeda
stöt si vü zu hohe onsprüch, kana is meah zfriedn wos a si söbst aufgebaut hot
Denn
ois geht afoch vüz schnö in die brüch, komplett übafüt is des vamodate
rettungsboot
Jeda
nimmt nua, giat noch no vü meah mocht, kana hoit si zruck, is bescheidn, hot
sein hunga gstüt
Denn
vüz schnö is da pure neid eawocht, und des bissl glücklichsein is scho
längst wieda vaglüht.
Die vaneinendn nihilistischn gedonkn
san wie a schwomm aus dem des bese longsom tropft
Die fögschlognen misslungenen
vasuche hom scho zum tausendstn moi on die vaschlossne tia klopft
Die paradox groteskn
widasprüchlichkeitn hom die woahheit mit geheimen lügn voigstopft
Die extrem gewoitsamen brutaln
aggressionen san aufm glücklichsein
tromplt und rumgstopft.
Zum glücklichsein
braucht ma die freude zum lebn, und a innre zufriednheit
Zum glücklichsein
soi ma ruhig vü liebe gebn, sogoa bis in die ewigkeit
Zum glücklichsein
reicht a eahlichs heazlichs lochn, ois geschenk und ois donkboakeit
Zum glücklichsein
deaf ma ruhig vü liebe mochn, on jedm oat, zu jeda zeit.
Da
weg zum glücklichsein is onstrengend und deab, dieses labyrinth
entpuppt si ois schoafa wettbeweab
Pletzlich
enthüllt da wind a geheime botschoft, ma lauscht gesponnt mit vü phantasie und
voastellungskroft
Do
des feia vabrennt olle seitn vom buch, da woid opfat sei hoiz füa an sinnlosn
weisn spruch
Da
gesong da sirenen mocht an völlig taub, da regnbogn übamoit mit den foabn des
laub.
Da
weg zum glücklichsein is lästig und fatal, die barriean begrenzn des
onschauungsmaterial
Pletzlich
londn kugln in an foischn obteil, ma eakennt glei den glottn schnitt duach des
sicharungsseil
Die
symmetrieaxe is krumm und defoamiat, des fiamament hot den horizont scho längst
obsoabiat
Des
licht foitet seine stroihn und rast schnö voaron, in da finstanis lauat a
unwiaklicha dämon.
Jeda
glaubt ea is imma nua im recht, kana kennt seine woahn pflichtn in diesm
netzweak
Denn
olle ziehns glei ins nächste gefecht, auf oblenkungen richtet ma sei gonzes
augnmeak
Jeda
plündat und raubt gewissnlos, kana sät und eantet nochhoitig füa unsre nochwöd
Vüz
hoat knoit da homma aufm amboss, und des bissl glücklichsein is scho
längst wieda zaschöt.
Die oblehnendn lächalichn gedonkn
londn in an manisch-depressivn dunklen sumpf
So vü eafoiglose, missratene vasuche
träumen von nua an anzign gonz klan triumpf
Die konfus obstraktn
widasprüchlichkeitn vagessn auf iahn ollaletztn hohn trumpf
So vü suizidgefäahdete aggressionen
trennen des glücklichsein
vom kollektivn rumpf.
Zum glücklichsein
braucht ma a fröhliches wesn, und a ausgwognes gleichgewicht
Zum glücklichsein
soi ma vü von liebe lesn, in an romantischn gedicht
Zum glücklichsein
reicht a zäatliches sochtes woat, duachdringt jedes dichte dickicht
Zum glücklichsein
föht nua a ruhiga zufluchtsoat, dea die zeit gonz longsom zabricht.
In da
meditation gelongt ma zu den unzählign stufn vom glücklichsein
In da
köapalichn aktivität föadat ma des frohlockende glücklichsein
Und in da
philosophie güt die lebnskunst ois wegbereita zum glücklichsein
Denn nua
unsre vawöhnte generation valeant diese poa schritt zum glücklichsein.
Da
weg zum glücklichsein is unbequem und schlecht, die stützn da moaschn
bruckn san von da zeit geschwächt
Pletzlich
siagt ma a steanschnuppe om horizont, doss donn da wunsch in eafüllung geht
homma oft betont
Do
da meteorit hot die eadn geküsst, wieda amoi hot des lebn den tod freindlich
begrüsst
Jeds
detail wiedahoit si, is jetzt on da reih, des historische gewissn is endlich
wieda frei.
Da
weg zum glücklichsein is unheilvoi und schlimm, es föht afoch on
weatvoastellungen und disziplin
Pletzlich
mutiat die fläche zu an kaoslond, die bestien wütn grausam bis zum obastn rond
Da
kriag schloft mit jeda woffn, mit jedm hoss, die vagessnen sön woatn no imma
aufm gegnstoss
Da
friedn vatrogt si mitm göd net seah guad, die gnodnlos inhumane schlocht rächt
si bis aufs bluad.
Jeda
denkt die gschicht bis zum hoibn end, kana vasteht die nuancn von diesm element
Denn
die gleichgültigkeit hot si duachgsetzt, hom die kötn in unsren heazn völlig
untaschätzt
Jeda
übafoit hintarucks des gfüh, kana findt jemois wieda ins korrekte sichre zü
Denn
vüz schoaf schneidet des schweat duach die luft, und des bissl glücklichsein
is scho längst wieda vapufft.
Die nutzlos vanichtendn gedonkn san
wie a pyroklastische lawin, die ois mit si reisst
Die übaflüssign unnötign vasuche hom
scho zvü eneagie, elan und kroft vaspeist
So vü unlogische konträre
widasprüchlichkeitn san mit den nebmwiakungen vaschweisst
So vü vaboagne schlofende
aggressionen san direkt voam glücklichsein
mit obsicht entgleist.
Zum glücklichsein
braucht ma an beruhigenden kean, an harmonischn übazug
Zum glücklichsein
soi ma ruhig vü von liebe leahn, wie bei an endlos weidn flug
Zum glücklichsein
reicht a intima augnblick, a optischa sinneseindruck
Zum glücklichsein
benötigt ma kan zaubatrick, von gonz allan näaht si die glut.
In da
meditation gelongt ma zu den unzählign stufn vom glücklichsein
In da
köapalichn aktivität föadat ma des frohlockende glücklichsein
Und in da
philosophie güt die lebnskunst ois wegbereita zum glücklichsein
Denn nua
unsre vawöhnte generation valeant diese poa schritt zum glücklichsein.
Die
letzte kuavn liegt hinta mia, die letzte steigung is jetzt gschofft
Da
letzte widastond is obgweaht, den letztn schritt hob i jetzt gmocht
Die
zügerodn liegt jetzt voa mia, und a lächln entweicht mein gsicht
Hob
des glücklichsein scho fost valeant,
du nebn mia im hön licht.
Da
weg zum glücklichsein is beschwealich und long, ma kämpft si duach
fösn, foin, an dickn schwean voahong
Pletzlich
stroiht a blühende blume foabnfroh, und a kuazes lächln umspüt den mund wie a
halo
Do
a dichta koida nebl senkt si hearob, geht mit klane schritt voawäats, in da hond
an wondastob
Stoipat
und stüazt, do mit letzta kroft steht ma auf, ma nimmt die vün schmeazn, wundn
und noabn in kauf.
geschrieben am 22.+23.+24.+25.+26. märz 2016.pk
copyright by philipp kirschner - 24. november 2016.pk
******************************************************
bedanke mich sogleich für euren besuch und euer interesse. vielleicht liked ihr diesen text auf facebook, twitter oder google+. würde mich sehr freuen.
hier meine internetseiten:
www.facebook.com/philjazz
twitter.com/philjazmetlyric
https://plus.google.com/u/0/104160599138757338426
danke
euer phil
Keine Kommentare:
Kommentar veröffentlichen