die zeit ist reif für den nächsten text aus "nebelberggräber".
262. | bluadsvawondtschoft.
hierbei geht es um drinnen und draussn - metapher für gut und böse, freund und feind, leben und tod.
bildet euch selbst ein urteil:
>>>>>>>>>>>>>>>>>>>>>>>><<<<<<<<<<<<<<<<<<<<<<<
262. | bluadsvawondtschoft.
Draussn is finsta und bitta koid,
und da dichte nebl vabiagt unhamliche gwoit
Draussn tobt da stuam und wütet
hoat, und da hasse regn vabrüht ois unhamlich zoat
Draussn eskaliat da reinste
wahnsinn, und die triebe tobm grenznlos seit onbeginn
Draussn vanichtet da tod jeds lebm,
und spüt mit da feign ängstlichn menschheit nehmen und gebm.
Draussn heult und schreit die
bese mocht, geniesst euphorisch die brutaln quoin in da nocht
Draussn lockt da mond die sön in
a foin, und die gehässige sunn kumt schee longsom ins roin
Draussn explodiat die hitzn gonz
laut, die schwea valetzte stün foaht aus da vabronntn haut
Draussn vafäabt si die luft
dunklrot, und die schwoazn woikn transfoamian si in an behemoth.
Gähnende leare übaschwemmt des übafüllte
lond mit äussesta kroft
Die beschädigte fäahre proit auf die
endlose wond mit extrema kroft
Da reissende sog spülts foat bis zum
ollaletztn rond mit enorma kroft
Nua die leichtigkeit des seins vaschmüzt
mitm feinen sond zua bluadsvawondtschoft.
Drinnen is gmiatlich hell und
wohlig woam, und da rauch vom offnen kamin is a heilvafoahn
Drinnen streichlt die luft sonft
und müd, und des wossa reinigt sö und heaz wies spieglbüd
Drinnen beruhigt da kloare
vastond, und die vanunft besingt des friedliche liebesbond
Drinnen entsteht wieda neues lebm,
und spüt mit da uaoiden mutta natua nehmen und gebm.
Drinnen locht, quietscht und
stroiht da humoa, und freudntränen vasiassn die lust wundaboa
Drinnen wiad die freindschoft
hoch geeaht, und erotische gschichtn hom si wieda bewäaht
Drinnen gehn die schmeazn wieda
zruck, und kronkheitn wean duach gebet und liebe zadruckt
Drinnen leuchtn die foabm
intensiv, und glühend heisse funkn sprühn geile blitze sea lasziv.
Vaboagene hülln beschenkn dem entleatn
lond a steanennocht
Des rettende boot londet weich auf da
endlosn wond in a voimondnocht
Des romantische bächlein plätschat munta
üban rond in die liebesnocht
Und die leichtigkeit des seins vaschmüzt
mitm feinen sond zua bluadsvawondtschoft.
Drinnen is draussn, und draussn is
drin, die bluadsvawondtschoft
mocht goa kan sinn
Draussn is drinnen, und drinnen is
drausst, die bluadsvawondtschoft
is wie a faust
Da innre kean is die äussare schoin,
die bluadsvawondtschoft
wiad longsom zafoin
Die äussre schoin is da innare kean,
die bluadsvawondtschoft
deaf no net steam.
Draussn heascht chaos und
anarchie, und die gesetze aufglöst in da praxis und theorie
Draussn wiad die freiheit glei eingspeat,
die gitta wean vagiftet und da schlüssl bekeaht
Draussn is die aschn volla glut,
da eifasüchtige hoss kocht a suppm volla blut
Draussn zafoit zu graun staub des
lebm, und spüt mit da aussteabenden menschheit nehmen und gebm.
Draussn moadet licht die
schottnwöd, und des schwoaze loch hot sei lieblingsessn bestöt
Draussn wean gedonkn massakriat,
die idee hot mit da gehianwäsche kopuliat
Draussn is da sinn scho
ausvakauft, die halluzination hot dem trieb föhla einghaucht
Draussn vafüaht des bese die fee,
und die engal sitzn mit den teifln bei kuchen und tee.
Draussn schlochtet si jeda söba
ob, und da zähflüssige bluadstrom eatränkt des grob
Draussn zasetzt si jeds molekül,
da longe weg findt sei jähes end kuaz voam zül
Draussn san kannibaln om weak,
des infeano vasteckt si in an menschenhautbeag
Draussn wiad jede sündn bestroft,
und die leichtigkeit des seins mutiat zua bluadsvawondtschoft.
Vagessene rache übaschwemmt des heilige
lond mit äussesta kroft
Des moasche instabile floss proit auf die
weisse wond mit extrema kroft
Die reissende strömung spült ois bis zum
obastn rond mit enoama kroft
Nua die leichtigkeit des seins vaschmüzt
mitm feinen sond zua bluadsvawondtschoft.
Draussn is drinnen und drinnen is
drausst, die bluadsvawondtschoft
hot si scho graust
Drinnen is draussn und draussn is
drin, die bluadsvawondtschoft
woa scho intim
Da äussre kean und die innare
schoin, die bluadsvawondtschoft
wiads boid bereun
Die innre schoin und da äussare
kean, die bluadsvawondtschoft
muss si vameahn.
Diese bluadsvawondtschoft
hot an sötnheitsweat, is göttlicha natua
Des bluad is vawondt mit pfeil und bogn und schweat, hintalosst a
bluadspua
Diese bluadsvawondtschoft
is kostboara ois goid, a göttliche substanz
Dieses bluad is vawondt mit da oatnvüfoit, is die letzte instanz.
Drinnen is die höflichkeit seah gross, und die schützende geboagnheit fühlt die echos
Drinnen wiad die offenheit
begrüsst, und die tiafstn geheimnisse wean donn wochgeküsst
Drinnen gibts ka zwietrocht und
kan neid, die hemmungslose gia noch meah homs scho längst entzweit
Drinnen lobet und preist ma des
lebm, spüt mit da einzigoatign mutta eadn nehmen und gebm.
Drinnen heascht nua eitel
sonnenschein, und die wäamenden stroihn treffn im heaz auf die züscheim
Drinnen vaeint die liebe des
glück, und ungeahnte phantasien kreian des traumbüd
Drinnen des guade an schutz gewäaht,
und hot si ausschliesslich vom positivm eanäaht
Drinnen wiad glei noch lösungen
gsucht, und akzeptable faire kompromisse stimmig vabucht.
Drinnen lebt und liebt ma
kreativ, bei den schädlichn süchtn schoit ma auf defensiv
Drinnen vafoit ma da euphorie,
die endlose ekstase wiad zua anomalie
Drinnen is des lebm so
fedaleicht, und da himml hot sei blaue foab den woikn greicht
Drinnen wuade a fluchtweg
beschofft, denn die leichtigkeit des seins gebiat a bluadsvawondtschoft.
Friedliche flutn beschenkn dem fruchtboan
lond a helle steanennocht
Des befreite schiff londet weich auf da
endlosn wond in a voimondnocht
Da gloskloare fluss fliesst stü hamlich
sonft üban rond in a liebesnocht
Und die leichtigkeit des seins vaschmüzt
mitm sond zua bluadsvawondtschoft.
Drinnen is draussn und draussn is
drin, die bluadsvawondtschoft
is legitim
Draussen is drinnen und drinnen is
drausst, die bluadsvawondtschoft
hot scho aufbraust
Da innare kean und die äussre
schoin, die bluadsvawondtschoft
deaf si zastreun
Die äussare schoin und da innre
kean, die bluadsvawondtschoft
muass treue schwöan.
Diese bluadsvawondtschoft
is vom aussteabm bedroht, unta natuaschutz gstöt
Des bluad is vawondt mit lanze und kreuz und boot, is a ewiga höd
Diese bluadsvawondtschoft
muass jo unentdeckt bleim, a göttliches gesetz
Dieses bluad is vawondt mit dem element sein, is unsa auffongnetz.
Do iagendwea hot mi feig
varotn, die bluadsvawondtschoft
is ausgrott
Iagendwea hots kopfgöd
übabotn, da bluadsvawondtschoft
foigt da tod
Iagendwea hots bis ins
klanste geplant, die bluadsvawondtschoft
is begrom
Iagendwea woa da feige
infoamant, die bluadsvawondtschoft
steht unta strom.
Draussn is finsta und bitta koid,
und da dichte nebl vabiagt unhamliche gwoit
Draussn tobt da stuam und wütet
hoat, und da hasse regn vabrüht ois unhamlich zoat
Draussn eskaliat da reinste
wahnsinn, und die triebe tobm grenznlos seit onbeginn
Draussn vanichtet da tod jeds lebm,
und spüt mit da feign ängstlichn menschheit nehmen und gebm.
Gähnende leare übaschwemmt des übafüllte
lond mit äussesta kroft
Die beschädigte fäahre proit auf die
endlose wond mit extrema kroft
Da reissende sog spült ois bis zum
ollaletztn rond mit enorma kroft
Nua die leichtigkeit des seins vaschmüzt
mitm feinen sond zua bluadsvawondtschoft.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Geschrieben
am 21./22. november 2014.pk.
Überarbeitet
am 03. jänner 2017.pk. – copyright by philipp kirschner.pk.
*******************************************************
und hier wieder die üblichen links:
danke für alles. und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen