sogleich darf ich euch den nächsten text aus nebelberggräber präsentieren:
265. | tödliche foin.
>>>>>>>>>>>>>>>>>>>>>>><<<<<<<<<<<<<<<<<<<<<<<<
265. | tödliche foin.
Des beginnende lebm und da
beendete tod, san a liebespoa im reinen glück, in da grossn not
Vom eastn laudn schrei bis zum
letztn atemzug, rieslt die zeit wie feina weissa sond in an wossakrug
Da weg des sinn des lebms füaht
üba beag und toi, die kreizungen im labyrinth befrein donn des schicksoi
Unsichtboare signale höfn bei an
schwean problem, braucht dafüa a sensibilität, donn konn mas vastehn.
Des beginnende lebm und da
beendete tod, san a liebesromanze, tränenreich im lochendn boot
Bedrohliche woikn bringen des
erfrischende noss, da voimond wiad ongeheult und die sunn brennt gnodnlos
Die ebbe ziagt si weit zruck, die
flut übaschwemmt den pfad, da relative rhythmus mocht aus chaos nocht und tag
Vaboagene hinweisschüda vasendn a
botschoft, da geheimcode bleibt trotz entschlüsselung oft rätslhoft.
Und scho wieda hot da tod des lebm begrom,
und scho wieda hot si des lebm füan tod aufghom
Und scho wieda hot da tod des lebm
vaschenkt, und scho wieda hot si des lebm in den tod vasenkt
Und scho wieda is da tod dem lebm
voaraus, und scho wieda kauft si des lebm a tödliches haus
Und
scho wieda hot diesa tod des lebm gstoihn, und scho wieda geht des lebm in die tödliche
foin.
Des beginnende lebm und da
beendete tod, san oft im wüdn liebespü in an treibendn sog
Des positive ziagt des negative
magisch on, da magnet vaschenkt schützende wön füa di liaison
Sonfte brisn hauchn an betöarendn
liebesschwua, stüamische luftumwözungen entwuazln die natua
Vaschwiegene auskünfte winkn mit
gschlossna hond, mutiat zua drohgebäade, vawiat den kloan vastond.
Des beginnende lebm und den
beendetn tod, vaändat da liebesrausch zu peitsche, zucka und brot
Die friedliche stün eahoit si vom
ekstatischn trieb, da strenge gehoasom benutzt den hoss ois meistadieb
Aufdeckte koatn vaföschn oft die
intimität, des sozialvahoitn spüt mit den gelüstn umd wett
Geheimnisvolle zeichn eascheinen
im ondan licht, unvahüllt wünlose instinkte hoitns gleichgewicht.
Des beginnende lebm und da
beendete tod, expearimentian beim liebesdienst mit teifl und gott
Unvazeihliche föhla gebeichtet im
stün gebet, sündig schändliche gedonkn toakln wie im ballett
Vadrängte sehnsüchte kommen und
gehn wie auf befehl, des guade wiad obsolut bes und des gonz offiziell
Irrationales wissn schwebt duach
luft, zeit und raum, suacht des end da übatrogung vom ewign oiptraum.
Und scho wieda hot da tod des lebm
vajogt, und scho wieda hot des lebm den feign tod vaklogt
Und scho wieda hot da tod des lebm
vabonnt, und scho wieda hot si des lebm on den tod vasondt
Und scho wieda steht da tod dem lebm im
weg, und scho wieda hot si des lebm in den tod grett
Und scho wieda hot diesa tod des lebm
gstoihn, und scho wieda sitzt des lebm in da tödlichn
foin.
Die tödliche foin
hoit den kreislauf in stond, die tödliche
foin reicht an jedn die hond
Die tödliche foin
losst niemond wieda gehn, die tödliche
foin bleibt ewiglich bestehn
Die tödliche foin
denkt afoch rationell, die tödliche
foin reagiat professionell
Die tödliche foin
vaschont afoch ka lem, die tödliche foin
wiad hia niemois aufgem.
Des beginnende lebm und da
beendete tod, moin im liebesreign mit den foabm violett bis rot
Da regnbogn is die bruckn zwischn
diesa zeit, vü stana ghean varäumt, is a longe hoate oabeit
Hinta vaschlossnen tian eskaliat
da zoan zu gewoit, bei offnen fenstan fliagn die hüfeschreie in den woid
Mysthische symbole stroihn
vaiate lichta ind nocht, kommunizian mitm stean, hot zruckgwunkn und a liab
glocht.
Des beginnende lebm und da
beendete tod, leistn einonda an liebesschwua wie a kriagssoidot
Befreite sön schwingen si in die
lüfte unbeschweat, gfongne geista entoatn zu engln, gfoin und enteaht
Auf hohn steiln stufn
wiad da aufstieg longsom gehemmt, vüz schnö wiad des sichre zü von da ungeduid
obtrennt
Parabolische metaphan deutn die
ewigkeit, die übasinnliche eafoahrung begrenzt die weisheit.
Des beginnende lebm und da
beendete tod, san vabundn mit an liebeszauba mit an vabot
Auf da weitn reise wiad die
blindheit taubstumm geboan, olle siebm sinn san füa die söbstjustiz auseakoan
Des müde licht wiaft zoate
schottn, vaändan des büd, die vaträumte phantasie hot iahre ängste foisch züt
Okkulte gebäadn beleuchtn die
uaoide sproch, drängen sehnsüchtig auf an flug zum grossn schwoazn loch.
Und scho wieda hot da tod des lebm
vascheucht, und scho wieda hot des lebm elendiglich gekeucht
Und scho wieda hot da tod des lebm vadrängt,
und scho wieda fühlt si des lebm vom tod eingeengt
Und scho wieda hot da tod des lebm blockiat,
und scho wieda wiad des lebm vom tod tyrannisiat
Und scho wieda muass da tod des lebm obknoin,
und scho wieda sitzt des lebm in da tödlichn
foin.
Die tödliche
foin belebt mutta natua, die tödliche
foin hintalosst goa ka spua
Die tödliche
foin hoit die zwa im gleichgwicht,
die tödliche foin
grinst übas gonze gsicht
Die tödliche
foin hot ka fluchtmöglichkeit, die tödliche
foin gebiat die ewigkeit
Die tödliche
foin vaschenkt niemois a lem, die tödliche
foin hot hia kane stützstrem.
Lebm und tod wohnen in diesa tödlichn
foin, iahre zwongsehe woa arrongiat
Lebm und tod streitn si in da tödlichn
foin, iahre stean san scho längst
detoniat
Lebm und tod liebm si in da tödlichn
foin, iahre lustschreie san inszeniat
Lebm und tod gehn gemeinsom ind tödliche
foin, iah hossliebe is donn
explodiat.
Des beginnende lebm und da
beendete tod, füahn an koidn liebeskrieg wie a grausama despot
Gewoittätige klongwoikn roin üba
des schlochtföd, zabrochne knochnhaufn hom si tapfa davoa gstöt
Destruktive kräfte explodian mit
extrema wucht, da weich dahinschwebende schnee hot die ontwoat gsucht
Jenseits da voastellungskroft
existiat a göttalond, die weisheit homs zum fressn gean, kannibaln on da hond.
Des beginnende lebm und da
beendete tod, spean liebessklavn in käfige, hom freiheitsvabot
Des labyrinth vawondlt si
ständig, gibt kan stüstond, riesig hohe mauan vabeagn rätsl bei voimond
Mäachen, mythen und legendn
eazöhn a hoibwoahheit, diese uaoidn gschichtn san die ontwoatn da zeit
Vasunkne sinnbüda vasteinan oiwissend
des lem, diesa tod mit da geiln foin muass sei lustspü aufgem.
Des beginnende lebm und da
beendete tod, san a liebespoa im reinen glück, in da grossen not
Vom eastn laudn schrei bis zum
letztn atemzug, rieslt die zeit wie feina weissa sond in an wossakrug
Da weg des sinn des lebms füaht
üba beag und toi, die kreizungen im labyrinth befrein donn des schicksoi
Unsichtboare signale höfn bei an
schwean problem, braucht dafüa a sensibilität, donn konn mas vastehn.
Und scho wieda hot da tod des lebm
enthoat, und scho wieda hot des lebm dem tod rein goa nix daspoat
Und scho wieda hot da tod des lebm
viateilt, und scho wieda hot si des lebm voam tod feig obgseilt
Und scho wieda hot da tod des lebm enteaht,
und scho wieda hot des lebm den tod weitahin begeaht
Und scho wieda muass da tod füas lebm bezoihn,
und scho wieda sitzt des lebm in da tödlichn
foin.
Die tödliche
foin eanäaht die heile wöd, die tödliche
foin is a brutals schlochtföd
Die tödliche
foin losst da gia frein lauf, die tödliche
foin nimmt kane föhla in kauf
Die tödliche
foin reisst oadinäre witz, die tödliche
foin liebt die kötn, die hitz
Die tödliche
foin vamisst imma des lem, die tödliche
foin mecht noch höharem strem.
Lebm und tod schlofn in diesa tödlichn
foin, iahre oiptraim homs realisiat
Lebm und tod schlägan si in da tödlichn
foin, iahre schwean wundn wean kuriat
Lebm und tod schenkn si ois in da tödlichn
foin, iahre vün schweisstropfn hom
vibriat
Lebm und tod gehn hond in hond ind tödliche
foin, iah hossliebe is darauf
explodiat.
Diese tödliche
foin beheascht des nehmen und gebm
afoch peafekt
Diese tödliche
foin wiad zum neuen gebuatsoat mit
grossn respekt
Diese tödliche
foin integriat diesn zyklus von lebm
und tod
Diese tödliche
foin hot an uaeignen rhythmus und
glänzt bluadigrot.
Des beginnende lebm und da
beendete tod, san a liebespoa im reinen glück, in da grossen not
Vom eastn laudn schrei bis zum
letztn atemzug, rieslt die zeit wie feina weissa sond in an wossakrug
Da weg des sinn des lebms füaht
üba beag und toi, die kreizungen im labyrinth befrein donn des schicksoi
Unsichtboare signale höfn bei an
schwean problem, braucht dafüa a sensibilität, donn konn mas vastehn.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Geschrieben
am 29./30. november // 01./02. Dezember 2014.pk.
Überarbeitet
am 04. jänner 2017.pk. – copyright by philipp kirschner.pk.
******************************************************
nochmals ein herzliches dankeschön für euer interesse, für eure lange treue, euren mehrmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.
und hier wieder die üblichen links:
danke für alles. und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen