eure besuche sind einfach grandios. danke für eure zeit, die ihr hierin investiert. darum dachte ich, ich erstelle wieder eine kleine übersicht der klicks:
335. | wiedakeah 556 klicks
341. | ongriff 506 klicks
345. | kuavn 489 klicks
333. | schicksoi 469 klicks
338. | entfüaht 385 klicks
336. | gspoitne schizophrenie 382 klicks
343. | hauch des lebms 369 klicks
334. | ois vastehn 282 klicks
344. | dei letzta funkn 281 klicks
340. | begeaht 273 klicks
332. | ozean 259 klicks
339. | auf diesm gleis 256 klicks
342. | wäame und licht 256 klicks
337. | philosophiat 249 klicks
410. | bezoiht 217 klicks
408. | vagabund 216 klicks
331. | mut 209 klicks
nochmals ein riesengrosses dankeschön euch allen da draussen.
aufgrund des regen leseaufkommens darf ich euch den nächsten text präsentieren.
346. | element. hierbei geht es um jemanden, der genug vom alltag hat und sich zurückziehen möchte.
genug des vorwortes. hier ist er auch schon:
>>>>>>>>>>>>>>>>>>>>>>>>>><<<<<<<<<<<<<<<<<<<<
346. | element.
Diese
poa etwos ruhigaren tog, hob i jetzt wiaklich dringend nua füa mi gonz alla
braucht
Und
dei typisch sinnlos gstöte frog, host vafüahrarisch in mei oah aus deim rodn
mund ghaucht
Diese
obsolute einsomkeit, hob i mit grenznlos friedlicha stün tiaf in mia gspiat
Und
diese weite innre freiheit, hob i nockt mit äussesta intensivität inhaliat.
Diese
etwos besinnlichn tog, hob i scho mit jeda anzelnen fasa seah vamisst
Und
dei typisch sinnlos gstöte frog, hot si von deinen rotn lippm in meim oah
aufgspiesst
Diese
mystische meditation, hot mein oidn akku wieda mit eneagie aufgfüllt
Und
diese echte konzentration, hot mei geistige inspiration endlich wieda enthüllt.
Hob scho so long auf diesn augnblick
gwoat, suach scho so long noch diesm geheimen oat
Hob mi scho so long noch dem moment
vazeaht, besitzt füa mi an seah hohn stönweat
Hob mi scho so long auf dieses schweign
gfreut, geniess jetzt diese phantastische vüfoit
Hob mi scho so long noch diesm lebm
gsehnt, bin jetzt endlich wieda in meim element.
Diese
etwos idyllischn tog, hob i jetzt wiaklich dringend nua füa mi gonz alla gnutzt
Und
dei typisch sinnlos gstöte frog, hot mia mit deim vafüahrarischn blick die augn
putzt
Die
freiwillige isolation, hob i donn leichtn heazns mit nua an wimpanschlog gwöht
Und
diese stüamische ambition, hot mei sehnsüchtige hoffnung in an uaoidn tram
zruckgstöt.
Diese
etwos harmonischn tog, hob i jetzt wiaklich nua füa mi gonz alla beonsprucht
Und
dei typisch sinnlos gstöte frog, hot mi mit deine grossn tiafn augn hass
besucht
Diesa
gedonkliche einkeahschwung, hot mein oidn motoa wieda gonz nei konfiguariat
Und
diesa ausgereift weite sprung, hot mei schwea eawoabne weisheit mit foabm
illuminiat.
Und
diese södsom realn traim in da stockfinstren nocht, vafoign mi om tog mit
souvaräna mocht
Und
die realn illusionen in da schwäazestn nocht, vabreitn vü ongst und schreckn in
diesa schlocht
Und
diese fiktivn utopien in da dunklstn nocht, beschottn mi mit ana unsichtboan
trocht
Denn
scho seit meina gebuat wead i übawocht, find endlich mei lebm in diesa reinen
kroft.
Hob scho vüz long aufm söbm fleck vahoat,
suach scho vüz long noch diesm geheimen oat
Hob afoch scho zvü von meina zeit
vabraucht, bin jetzt endlich wieda aus dem sumpf auftaucht
Hob jetzt diese moasche bruckn übaqueat,
olle fensta und tüan san wieda aufgspeat
Hob mi scho so long noch diesm lebm
gsehnt, bin jetzt endlich wieda in meim element.
Hob jeds anzelne element
und oi meine sinn auf hochglonz poliat
Hob meine letztn reseavn und oi mein
vastond wieda aktiviat
Hob jeds anzelne element
und oi mein lebmswün mobilisiat
Damit da tog die nocht beruhigt und
die sunn die ondan stean dekodiat.
Diese
etwos gemächlichn tog, samma obgongen, homma wiaklich scho so dringend gföht
Und
dei typisch sinnlos gstöte frog, host mit deinen nocktn rundungen earegend
eahöt
Diese
voigstopfte reiche lean, hot ma iahn übaschuss duach mein eignen keapa gjogt
Und
diese funklnden atmosphäan, homma zukünfige äussast blosse visionen gweissogt.
Ohne
diese bedächtign tog, wäa i bestimmt eakronkt, hätt mi a virus voi eawischt
Und
dei typisch sinnlos gstöte frog, host mit deine animalischn trieb peaveas
vamischt
Diese
zuckendn synapsnblitz, hom die rezeptoan meina neavnzön regenariat
Da
funknregn in meim besitz, hot endlich mei logik zua genialität inspiriat.
Und
diese fatamoagana spieglt si auch in da nocht, bedrängt mi om tog mit schoaf
umrondeta mocht
Und
diese realn wunschbüda in da lichtlosn nocht, eazeugn a dämonisches gfüh in da
schlocht
Und
diese rationaln phantome in da hoatn nocht, obseavian mi mit ana unsichtboan
trocht
Denn
scho seit meina gebuat wead i übawocht, find endlich mei lebm in diesa reinen
kroft.
Hob afoch vüz long den gleichn punkt
ongstoat, suach scho vüz long noch diesm geheimen oat
Hob scho vüz oft meine phasn wiedahoit,
benötig jetzt an relativn inhoit
Hob jetzt endlich oi meine stana umdreht,
da kühle wind hot die schottn donn vaweht
Hob mi scho so long noch diesm lebm
gsehnt, bin jetzt endlich wieda in meim element.
Hob jeds anzelne element
und meine zön wieda gründlich massiat
Hob meine easotzteile und mein
fundus akribisch desinfiziat
Hob jeds anzelne element
und mei lebmsfreude mia injiziat
Damit da tog die nocht beruhigt und
die sunn die ondan stean dupliziat.
Do dieses weit entfeante licht is scho längst ealoschn, vagongen und
eafroan
Jeds unbekonnte element
is im univeasum valossn und valoan
Do des weit entfeante licht hot uns vielleicht sogoa a wichtige
botschoft gschickt
Jeds unentdeckte element
hot bereits des end vom univeasum eablickt.
Diese
poa etwos sinnlichn tog, hom si peafekt in mein strengen oblauf hineingezwängt
Und
dei typisch sinnlos gstöte frog, hot mi mit dein lüstanen duft uneasättlich
bedrängt
Diese
woikn aus sucht und manie, hot si üba mia entleat und mi voikommen duachnässt
Und
die kompliziate alchemie, hot mei valongen mit aromatischa wüaze eapresst.
Diese
etwos schonend sonftn tog, hom mei sö und mei heaz seah long gstreichlt, krault
und liebkost
Und
dei typisch sinnlos gstöte frog, hot mit deim betörend wüdn duft mei phantasie
bemoost
Diesa
süsssaure heabe geruch, hot sei onziehnungskroft unwidastehlich auf mi ausgübt
Und
des bombastische magnettuch, hot duach seine engen neblign maschn die sicht
getrübt.
Und
diese glühendn irrlichta weisn den weg ind nocht, bewegn si om tog mit mühelosa
mocht
Und
diese realn halluzinationen in da nocht, vateidign des heazklopfn in diesa
schlocht
Und
dieses panisch glückbringende medium in da nocht, beschattet mi mit ana
unsichtboan trocht
Denn
scho seit meina gebuat wead i übawocht, find endlich mei lebm in diesa reinen
kroft.
Hob duach longen stüstond mei
gleichgwicht vaschmoat, suach scho vüz long noch diesm geheimen oat
Hob um meim raum a vüz hohe grenzn baut,
hobs jetzt endgültig obglegt mei zweite haut
Hob mi jetzt endgültig vom chaos gelöst,
hob eich oin mei innastes sein entblösst
Hob mi scho so long noch diesm lebm
gsehnt, bin jetzt endlich wieda in meim element.
Hob jeds anzelne element
und die atome wieda nei drapiat
Hob mein easte-hüfe-kostn und meine
wundn damit restauriat
Hob jeds anzelne element
und mein lebmsdrong gonz nei installiat
Damit da tog die nocht beruhigt und
die sunn die ondan stean konstruiat.
Do dieses weit entfeante licht is scho längst ealoschn, vagongen und
eafroan
Jeds unbekonnte element
is im univeasum valossn und valoan
Do des weit entfeante licht hot uns vielleicht sogoa a wichtige
botschoft gschickt
Jeds unentdeckte element
hot bereits des end vom univeasum eablickt.
Bin jetzt endlich wieda
in meim element,
hob mein innren friedn scho gspüat
Bin jetzt endlich wieda
in meim element,
mei liebe is no unberüaht
Bin jetzt endlich wieda
in meim element,
woa afoch vüz long fest vaschnüat
Bin jetzt endlich wieda
in meim element,
mei liebe hot di gonz zoat vafüaht.
Diese
poa etwos ruhigaren tog, hob i jetzt wiaklich dringend nua füa mi gonz alla
braucht
Und
dei typisch sinnlos gstöte frog, host vafüahrarisch in mei oah aus deim rodn
mund ghaucht
Diese
obsolute einsomkeit, hob i mit grenznlos friedlicha stün tiaf in mia gspiat
Und
diese weite innre freiheit, hob i nockt mit äussesta intensivität inhaliat.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Geschrieben am
02./03./04./05. jänner 2016.pk.
Überarbeitet am 10.
februar 2017.pk. – copyright by philipp kirschner.pk.
************************************************
nochmals ein herzliches dankeschön für euer interesse, eure lange treue, euren oftmaligen besuch und für eure zeit, die ihr alle ins lesen steckt. vielen lieben dank.
und hier wieder die üblichen links:
übersicht band 2
übersicht band 4 und band 3
google+
literatpro - meine gedichte band 2
danke für alles. und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, der mundartige.
Keine Kommentare:
Kommentar veröffentlichen