336. | gspoitne schizophrenie.

hallo meine lieben, treuen und textsüchtigen freunde der mundart. schon wieder wurde ein weltrekord gebrochen. ein riesengrosses dankeschön euch allen da draussen. hier die klickliste der woche:
335. | wiedakeah mit 532 klicks
333. | schicksoi mit 458 klicks
334. | ois vastehn mit 272 klicks
332. | ozean mit 254 klicks
410. | bezoiht mit 216 klicks
408. | vagabund mit 215 klicks
331. | mut mit 207 klicks.

ich bin wirklich sprachlos. danke nochmals.

nun ist es also an der zeit, euch den nächsten text zu präsentieren.

>>>>>>>>>>>>>>>>>>>>>>>><<<<<<<<<<<<<<<<<<<<<<

336. | gspoitne schizophrenie.

Es hot mi eahlich gsogt no nie gsteat, wonn hinta mein ruckn iagendwos üba mi gredt und gschimpft wiad

Hob des gewäsch imma übaheat, mei desintaresse, mei gleichgültigkeit hot jedn schockiat

Diese sinnlosigkeit losst mi koid, mei eignoat konn ma kana stöhn, hob mi jo söbst gfoamt und prägt

Des geraune is von mia obproit, hobs goa net beochtet, hobs im geiste zaschlogn und zasägt.

Es hot mi eahlich gsogt no nie gsteat, wos füa gerüchte und lügnmäachn üba mi eazöht wean

Hob mi a no nie dagegn gweaht, hob den unwoahheitn ka beochtung gschenkt, liegn do so fean

Loss afoch ois links liegn und stehn, dieses mobbing is nua lächalich, oiban, kindisch und obsuad

Empfind des net ois unongenehm, berüaht mi net im geringstn, hob no nie bissn oda knuat.

      Mei alter ego bin i söba in peason, denn kana konn mi föschn, klonen oda kopian

      Mei ondres ich läuft wie geschmiat mit mia synchron, kana konn mi obziehn, nochbaun oda imitian

      Mei alter ego bin i scho seit da gebuat, kana konn mi nochahmen oda reproduzian

      Mei ondres ich hot mi gstreichlt und laut ongschnuat, wü jetzt diese gspoitne schizophrenie therapian.

Es hot mi eahlich gsogt no nie gsteat, doss hoibe, gonze und eafundne schwindelein vabreitet wean

Des zeig is sowieso gonz vakeaht, diese klan quölarein berüahn net amoi mein innastn kean

Geh mit eahobnem kopf duach die wöd, mei söbstbewusstsein wiakt vielleicht monchmoi a bissl arrogant

Mei bescheidnheit wiad hint ongstöt, steh mit zwa beinen im lebm, bin zuvoakommend und charmant.

Es hot mi eahlich gsogt no nie gsteat, wonn gsichate tatsochn in a ondre richtung vadreht wean

Hobs ob und zu sogoa no vameaht, woit oba obsichtlich niemois diesn lügnsalot aufkläan

Hob stets a hamlichs lächln im gsicht, innalich loch i scholland laut üba die foischinfoamation

Des äagan bringt mi ausm gleichgwicht, drum vameid i jede oat von gwoit, vehemenz und aggression.

Stö mi afoch taub, stumm und blind, woat in ruhe ob, bis si a jeda wieda besinnt

Die zeit schmüzt den schnee und des eis, die sonddünen wondan wie vatrocknete wön aus an kreis

Da nächste von mia is mei ich, kum eam imma zu hilfe, loss eam a niemois in stich

Die zeit vaschluckt sogoa an beag, in die natua schreibt des regnwossa sei lebmsweak.

      Do mei alter ego bin nua i gonz allan, denn kana konn mi föschn, klonen oda nochbaun

      Mei ondres ich woxt ständig, is net mea so klan, denn kana mocht mi varuckt oda spüt hia an klaun

      Mei alter ego hot mi scho längst auseawöht, kana kennt die weissogung, die legende, den weg

      Mei ondres ich hot scho die longen sekundn zöht, mei gspoitne schizophrenie glaubt sie is a prophet.

            Meine eignen peasönlichkeitn gehn übahaupt kan iagendwos on

            Mei gspoitne schizophrenie is a unsichtboas giftigs chamäleon

            Hob meine vün peasönlichkeitn unta kontrolle, fest im griff

            Mei gspoitne schizophrenie braucht füa iahre eskapadn ka motiv.

Es hot mi eahlich gsogt no nie gsteat, wonn mi wea denunziat, valeumdet oda wonn mi wea onzeigt

Die sicht da dinge wiad oft vazeat, hob mei unschuid bewiesn, mi trotzdem entschuidigt und vaneigt

Hob nua kuaz mit meine muskln gspüt, a wiaklich dezent winzig klana hinweis auf mei innre kroft

Mei reines gwissn is donn aufblüht, diese lächalichn foin und barriean hob i mit links weggschofft.

Es hot mi eahlich gsogt no nie gsteat, wonn unruhestifta und aufwiegla mein togesplan vadrehn

Hobs donn eines bessaren beleaht, dea gerechtn strof homs ohne tiafe reue ins auge gsehn

Bin a blumenkind und pazifist, zeig die offnen händ, doss jeda siagt, doss i unbewoffnet bin

Hob scho längst die weisse flagge ghisst, a meditation in da natua is die beste medizin.

Stö mi afoch blind, taub und stumm, woat bis si da staub glegt hot in diesm univeasum

Die zeit vamischt schottn und licht, die grünen blätta vafäabm si, moin a buntes gsicht

Da nächste von mia is mei sein, gemeinsom lös ma probleme mit an heilignschein

Zeit hot aus wundn noabm gmocht, die natua hot scho seah vü vaändarungen voibrocht.

      Do mei alter ego is mei uaeignes lem, denn kana konn mi föschn, klonen oda nochmoin

      Mei ondres ich mecht ma söba so gean vagem, denn kana konns beweisn oda konn mi festschnoin

      Mei alter ego hot net seah long noch mia gsucht, kana kennt die woahheit, mein richtign zweck und sinn

      Mei ondres ich is voa mia auf da wüdn flucht, denn mei gspoitne schizophrenie hot ka disziplin.

            Meine eignen peasönlichkeitn leistn mia alla rechnschoft ob

            Mei gspoitne schizophrenie bewötigt jede no so schware aufgob

            Meine vün peasönlichkeitn kennen si untranond scho recht guad

            Mei gspoitne schizophrenie weaht si wonns sein muass sogoa scho bis aufs bluad.

                  Wü jetzt endlich ausbrechn aus meina gspoitnen schizophrenie

                  Kenn mi boid net meah aus mit diesa geistign anomalie

                  Befreits mi do endlich von meina gspoitenen schizophrenie

                  Vamiss die grodlinigkeit da gedonkn und die symmetrie.

Es hot mi eahlich gsogt no nie gsteat, wonn wahnsinnige utopische gschichtn in umlauf brocht wean

Mei identität hot si eanäaht, braucht diese heuchelei, diese strofaktion, konn net meah aufhean

Bin süchtig und jetzt auf entzug, brauch die bezichtigungen, den gonzn foitandn katalog

Geniess den frein foi im flug, und lond wieda moi ohne foischiam in da zone mit vabot.

Es hot mi eahlich gsogt no nie gsteat, wonn hinta voaghoitna hond deabe witze üba mi gmocht wean

Fühl mi sogoa ziemlich geeaht, woit imma scho den grat zwischn gut und bes gmiatlich übaquean

Loss mi gonz bewusst provozian, do mei innre harmonie stroiht bis in die hechstn atmosphäan

Wü die phantasie motivian, des toa zua irrealität aufstossn und net meah zuaspean.

Stö mi afoch stumm, blind und taub, woat auf an ruhign moment, donn homs ma wieda vatraut

Die zeit dehnt si ind ewigkeit, füa die botschoft von den göttan samma no net bereit

Da nächste von mia is mei lem, san wie eineiige zwilling, spün gean im schlomm und lehm

Füa die zeit gibts goa kan stüstond, nua die natua bleibt von gebuat und zafoi net vaschont.

      Do mei alter ego is mei eignes dasein, denn kana konn mi föschn, klonen oda kopian

      Mei ondres ich vawondlt si gean in an stein, denn kana konn mi untawondan oda infiltrian

      Denn mei alter ego hot jetzt sei zü eareicht, kana vasteht den zusommenhong, des system

      Mei ondres ich hot mei heaz und mei sö vaseicht, mei gspoitne schizophrenie hot mit mia nie a problem.

            Meine eignen peasönlichkeitn san mei familie, ghean zum klan

            Mei gspoitne schizophrenie hot füa jede tat an ausgklügltn plan

            Meine vün peasönlichkeitn gwinnen die heaschoft üba mein vastond

            Mei gspoitne schizophrenie kämpft scho mit gonza kroft gegn diese wond.

                  Muass endlich flüchtn und fliehn voa meina gspoitnen schizophrenie

                  Mia föhn scho so vü stundn und tog wegn diesa amnesie

                  Ealösts mi do endlich von meina gspoitnen schizophrenie

                  Sehn mi do scho so noch da traditionelln zeremonie.

                        Do füa die fessln und kettn gibts kan schlüssl, a des sprengen hot nix brocht

                        Mei gspoitne schizophrenie is wie a schüssl, net gsichat, net übadocht

                        Mei eignes ich, mei sein, mei lem wiad ausradiat, treib ufalos in an mea

                        Mei gspoitne schizophrenie hot si jetzt vaiat, bin innalich völlig lea

                        Mei alter ego, mei ondres ich bleibt vaschoin, wuade vagrom und vaschoat

                        Mei gspoitne schizophrenie is endlos tiaf gfoin, den schrei hob i ma easpoat

                        Bin spualos vaschwundn, des gedächtnis zasteat, hob afoch nie existiat

                        Mei gspoitne schizophrenie hot net amoi great, wuade eiskoid liquidiat.

~~~~~~~~~~~~~~~~~~~~~~~~~~~~~~~~~~~

Geschrieben am 09./10./11./12. november 2015.pk.
Überarbeitet am 28. jänner 2017.pk. – copyright by philipp kirschner.pk.

*******************************************

nochmals ein herzliches dankeschön für euer interesse, für eure lange treue, euren mehrmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.

und hier wieder die üblichen links:

übersicht band 2

übersicht band 4 und band 3

facebook

twitter

google+

literatpro - meine gedichte band 2

danke für alles. und ich habe noch eine grosse bitte.

bleibt mundartig gesund und bleibt mir weiterhin gewogen.

euer philjazzmetal, dialectiloquax, der mundartige.