er behandelt die vier elemente der natur. aber das fünfte element ist das wichtigste gut, das wir haben. sie hält alles zusammen.
danke euch allen für eure zahlreichen besuche meines blogs.
habe auch wieder die ersten beiden texte des buches pyramidenstürme veröffentlicht. diese beiden wurden überarbeitet.
401. | schliesst den kreis.
402. | wossa und lehm.
davor hatte ich alle texte von 301. bis 350. veröffentlicht. somit fehlen nur noch 251. bis 300. dann sind alle 150 texte des buches nebelberggräber veröffentlicht. hier eine kleine auswahl:
348. | im hoibschlof.
342. | wäame und licht.
330. | träumt.
genug des langen vorwortes. hier ist er auch schon: wünsche ein angenehmes lesevergnügen.
>>>>>>>>>>>>>>>>>>>><<<<<<<<<<<<<<<<<<<<
251. | Liebe.
Jetzt sitz ma olle om feia,
sei wäame umhüllt uns von kopf bis fuss
Fühln uns geboagn und vü freia,
sei licht gibt jedn an hamlichen kuss
Jetzt schaun ma olle ins feia,
seine flommen züngln wüd und hoch hinauf
Reichn uns olle die hände, und da
lebmstonz nimmt sein ewign lauf.
Jetzt sitz ma olle om feia,
sei rauch steigt in seah hohe atmosphäan
Fühln uns vü leichta und freia, sei
licht stroiht bis zu deinem gebuatsstean
Jetzt lebm ma olle om feia, die
flommen eazöhn uns iah lebmsgschicht
Öffnen unsre müdn augn, und dei
lebmstraum erstroiht im ewign licht.
Des feia is amoi seah bes, des feia is donn wieda liab und guad
Des feia is zwiegespoitn, zasteat und
peinigt uns bis aufs bluad
Des feia braucht des wossa, und die eadn
braucht die luft
Is a ewiga kreislauf, oba nua die liebe
umhüllt ois mit iahn duft.
Jetzt sitz ma olle im wossa,
sei kühles noss umspült uns sonft und weich
Beschützt uns im muttaleib, sei
stün beruhigt und is so lebmsreich
Jetzt tauch ma olle im wossa, sei
bewegung losst uns afoch ka ruah
Hean und sehn so vü wunda, und
dei lebmswün hintalosst a zoate spua.
Jetzt foahn ma olle aufm wossa,
sei unendlichkeit findt iahn eignen weg
Beschützt uns voa da trocknheit,
seine wön suachn noch an vasteck
Jetzt lebm ma olle mitm wossa,
sei unbändigkeit losst si net einspean
Öffnen unsan stummen mund, und
dein lebmsschrei konn kana übahean.
Des wossa is amoi seah bes, des wossa is dann wieda liab und guad
Des wossa is zwiegespoitn, zasteat und
peinigt uns bis aufs bluad
Des wossa braucht die eadn, und des feia braucht die luft
Is a ewiga kreislauf, oba nua die liebe
umhüllt ois mit iahn duft.
Die via elemente san a einheit, gebm
an sinn
Die via elemente wiakn zomm scho seit
onbeginn
Die via elemente hoitn die woog im
gleichgewicht
Und nua die liebe
umhüllts mit an sonft lächlnden gsicht.
Jetzt sitz ma olla auf da
eadn, iah wüaziga duft belebt keapa und geist
Beschenkt uns mit reichlicha
kost, iah muttainstinkt is scho weit vareist
Jetzt lieg ma olle auf da eadn,
iah fruchtboakeit bedonkt si bei da sunn
Wühln so gean im schlomm und
dreck, dei lebmssinn hot aufm mond so vü ztun.
Jetzt gehn ma olle üba
die eadn, iah valetzlichkeit berüaht unsa heaz
Heilt kronkheitn, unsre wundn, iah
eneagie schmüzt bei jedm klanstn schmeaz
Jetzt lebm ma olle mit da eadn,
iah hohe intelligenz woxt und gedeiht
Öffnen unsre vastaubtn oahn, und
dei lebmskroft is zu oim bereit.
Die eadn is amoi seah bes, die eadn is
dann wieda liab und guad
Die eadn is zwiegespoitn, zasteat und
peinigt uns bis aufs bluad
Die eadn braucht des feia, und des wossa braucht die luft
Is a ewiga kreislauf, oba nua die liebe
umhüllt ois mit iahn duft.
Die via elemente san a gonzes, hom
so vü kroft
Die via elemente hom allein des
unmögliche gschofft
Die via elemente hoitn die woog im
gleichgewicht
Und nua die liebe
allan umhüllts mit an lochendn gsicht.
Feia, wossa, eadn, luft, jeda laut nach da liebe
ruft
Luft, feia, wossa, eadn, die liebe
wiad niemois steam
Eadn, luft, feia, wossa, die liebe
mochts lebm nossa
Wossa, eadn, luft und feua,
die liebe
übernimmt des steua.
Jetzt sitz ma olle on da luft,
iah frischa atem hot uns reich beschenkt
Gibt uns den woahn stoff zum lebm,
iah zoata wind hot uns vom weg obglenkt
Jetzt fliag ma olle durch die luft,
iah unsichtboakeit mocht uns fost scho blind
Inhalian tiaf iah wüdheit, und
dei lebmshauch mitm eastn schrei beginnt.
Jetzt foin ma olle duach
die luft, iah weide freiheit reinigt unsre sö
Gibt uns zeit füan frein foi, iah
magie bleibt niemois auf da gleichn stö
Jetzt streichln ma die gsunde luft,
iahre stoakn wehn hom auf uns scho obgfäabt
Befrein uns jetzt von jeda lost, in
deim lebmsstob vü gsunde noabm eingkeabt.
Die luft is amoi seah bes, die luft is
donn oba wieda liab und guad
Die luft is zwiegespoitn, zasteat und peinigt uns bis aufs bluad
Die luft braucht des feia, und des wossa
braucht die eadn
Is a ewiga kreislauf, oba nua die liebe
übalebt des steabn.
Die via elemente san a magnet mit an
kroftföd
Aus den via elementn besteht unsre
klane wöd
Die via elemente hoitn die woog im
gleichgewicht
Und nua die liebe
allan umhüllt ois mit an strohlendn gsicht.
Feia, wossa, eadn, luft, jeda laut nach da liebe
ruft
Luft, feia, wossa, eadn, die liebe
wiad olle begean
Eadn, luft, feia, wossa, ohne liebe
wiads lebm blossa
Wossa, eadn, luft, und feua, die liebe
is übahaupt net teua.
Füa an liebesrausch
genügt nua a klans woat
Hoit a lebm long, gonz nah und a seah weit foat
Die
liebe
heilt olle wunden, ob gross oda klein
Stehts olle auf, reichts
eich die händ und stimmt mit ein.
Jetzt sitz ma olle om feia,
sei wäame umhüllt uns von kopf bis fuss
Fühln uns geboagn und vü freia,
sei licht gibt jedn an hamlichen kuss
Jetzt schaun ma olle ins feia,
seine flommen züngln wüd und hoch hinauf
Reichn uns olle die hände, und da
liebestonz nimmt sein ewign lauf.
~~~~~~~~~~~~~~~~~~~~~~~~~~~~~~~~~~~~
für
tristan zur willkommensfeier
geschrieben am 29./30. oktober 2012.pk.
überarbeitet
am 21./31. dezember 2016.pk.
copyright by philipp kirschner.pk.
*******************************************
nochmals ein herzliches dankeschön für euer interesse, für eure lange treue, euren oftmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.
und hier wieder die üblichen links:
übersicht band 2
übersicht band 4 und band 3
google+
literatpro - meine gedichte band 2
danke für alles. und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen