342. | wäame und licht.

hallo, ihr mundartigen freundinnen und freunde der episch-lyrischen dichtung.
ein herzliches willkommen auf meinem blog. tobt euch nur so richtig aus. schliesslich veröffentliche ich hier bereits seit august 2016 meine texte. mit begeisterung stelle ich fest, dass meine texte immer mehr anklang finden. ein riesengrosses dankeschön euch allen da draussen im grossen internetuniversum.

aufgrund dieses umstandes darf ich euch sogleich den nächsten text vorstellen: 342. | wäame und licht. er handelt wie so oft um liebe.

wünsche euch eine schöne zeit beim lesen.

>>>>>>>>>>>>>>>>>>>>>>>>>>>><<<<<<<<<<<<<<<<<<<<<<<<<<<<

342. | wäame und licht.

Meine gedonkn fliessn vaspüt und gonz sonft in dein traum, moi dia an uaoidn dichtbelaubtn baum

A kräftig knorriga stomm stützt die vün äste und zweig, jeds anzlne blott streichlt dei lieblichkeit

Liebesbeschwörungen flüstat da kühlende wind gonz socht, sei geheimnis vasteht ma nua in da nocht

Duach die zoatn luftbewegungen rauscht des laub gonz befreit, und liebkost dei begeahliche sinnlichkeit.

Meine gedonkn sprudln wie a quön gonz wach in dein traum, pfonz in dia vü hoffnung, liebe und vatraun

Sie soin keimen, woxn und in iahra blütnprocht eastroihn, im duft vasteckn si rätslhofte zoihn

Erotische obmteia stöban in da phantasie, des mysterium is reinste eneagie

Begieadn übaflutn a wiesn volla lust und sucht, die reise füaht direkt zua süsssauren frucht.

      Drum woch jetzt endlich amoi auf, bist scho vüz long gfongen in diesm labyrinth

      Beend endlich diesn kreislauf, denn diese zeit schmüzt vüz schnö, vastreicht und varinnt

      Drum moch endlich die augn auf, dei kronke sö braucht dringend vü wäame und licht

      Befrei di vom feia und rauch, denn diesa raum valiat bereits sei gleichgewicht.

Meine gedonkn riesln hingebungsvoi in deinen traum, die gfroanen synapsn soin longsom auftaun

Lichtblitze zuckn vom idyllisch einsomen fiamament, da weit entfeante donna roit gonz dezent

Dunklgraue woikn weinen kühlende tränen aufs lond, die sotte feichtigkeit brandet üban rond

Wollüstige empfindungen lossn keapa und geist eabem, unbewusste triebe regian dieses lem.

Meine gedonkn sickan gemächlich und leis in dein traum, webm aus blütnstaub an duftendn zaun

Übaspringst die hohn hüadn mit grazila leichtigkeit, dei strohlend wallendes hoa vahüllt dei nocktheit

Deine händ fühln blumen und gräsa auf da wiesn so bunt, wie a raupe bist in an kokon vamummt

Tänzlst ois wundascheena schmettaling duach a büdabuch, auf jeda seitn hintalosst an sinnspruch.

Mecht di wieda physisch spüan, muass di jetzt ois gschenk aufschnüan, brauch dringend dei magnetföd

Suach noch da onziehungskroft, bist feengleich, englhoft, lebst jo in ana traumwöd

Konn dein sonftmut net entbeahn, deaf auf mein weg net umkeahn, bin obhängig von deim heaz

Mia monglts on söbstvatraun, muass mi east wieda aufbaun, nua seah longsom gehts aufwäats.

      Drum woch jetzt endlich amoi auf, bist jetzt scho vüz long in diesm chaos eingspeat

      Vaända jetzt diesn valauf, denn in diesa phase hot sis bestens bewäaht

      Drum moch endlich die augn auf, dei sö düastet und hungat noch wäame und licht

      Vasteck di hintam todesstrauch, denn nua in diesa sphäan gibts ka gleichgewicht.

            Öffne dei innres fensta und duachbrich die unsichtboare scheim

            Net nua die sunn schenkt da wäame und licht sondan a deine träumarein

            Wiaf die fessln ob und duachstoss die hauchdünne feine membran

            Net nua des feia schenkt da wäame und licht sondan a da ozean.

Meine gedonkn strömen geschlossn ois schwarm in dein traum, woin unbedingt die hohe steinwond behaun

Meissln sondaboare schriftzeichn in den rein weissn sond, diese mystische sproch is no unbekonnt

Beschreibst a vablosstes und vaschüttetes mosaikbüd, des einhoan hot si seine schwingen vabrüht

Denn vüz heisse liebesschwüre zittan stöhnend duach die nocht, hom donn gemeinsom den höhepunkt voibrocht.

Meine gedonkn brandn wie stüamische wön in dein traum, vasuach olle wege in dia zu vastaun

Jeda anzelne pfad eascheint gesomt wie a spinnennetz, bewegst di fedaleicht auf diesm trapez

Übasinnliche schwingungen mochn dia a gänsehaut, host die pilze gsommlt, kocht und roh gekaut

Mit volla wucht duachbrichst die schoimaua und mochst an zeitsprung, nua doat in diesm sein bleibst füa imma jung.

Muass di endlich bei mia spüan, mecht di wieda moi vafüahn, brauch dringend dei liebeskunst

Eafoasch dei gedonknwöd, hob oi deine traim zommgstöt, hobs zelebriat mit inbrunst

Schreib no a gedicht dazu, geniess mit dia diese ruh, bin süchtig noch deina sö

Bade in deim liebesrausch, varuckt noch an rointausch, beglück di auf beföh.

      Drum woch jetzt endlich amoi auf, bist jetzt scho vüz long in diesm keaka festgsetzt

      Gwinn gegn dein traum den wettlauf, denn in diesm moment woa i völlig obghetzt

      Drum moch endlich die augn auf, denn dei sö is obhängig von wäame und licht

      Nimm kane woffn in gebrauch, denn die friedliche stün valiat iah gleichgewicht.

            Öffne dei innre tüa, zasäg die gittastäb beim fenstabrett

            Net nua die stean schenkn da wäame und licht sondan a unsa planet

            Zaschneid dei zwongsjackn und entflieh diesm valognen schachspü

            Net nua die keazn schenkt da wäame und licht sondan a da mond in da früh.

                  Mei liebe besteht aus wäame und licht und mecht di einhülln in a wache schoin

                  Mei heaz explodiat mit wäame und licht und schickt da meine einschmiegsomstn stroihn

                  Mei freie sö schmüzt bei wäame und licht und offnboat dia mei gonze woahheit

                  Meine gefühle san wäame und licht und zeign da mei gonze eahlichkeit.

Meine gedonkn tosn betäubend lautstoak in dein traum, miassn endlich die innenseitn aufraun

Bleibm donn länga hoftn, des gedächtnis kummt wieda zruck, vamindat den befremdlichn aussndruck

Panische uaängste und phobien wean manisch komprimiat, wean duach die peasönlichkeitsstörung potenziat

Da hysterische kollaps taucht duach an sumpf aus foitaquoin, wäame und licht bringen den vuikan zum stroihn.

Meine gedonkn eatränkn dein traum in ana sintflut, des mea leuchtet in ana rötlichn glut

Spaziast übas wossa, gleitest in da luft, gehst duach die wond, füa di existiat afoch ka horizont

Physik und chemie hom relativ kan einfluss auf dei peason, die anomalien laufn bei dia synchron

Dei singularität beginnt mit dem end im mittlpunkt, host mit deim geist im flüssign licht eintunkt.

Wü di donn unbedingt spüan, mecht mei sö in dia umrüahn, brauch dringend dei artistik

Vasteh dein mechanismus, untaschiedlicha modus, mit rührenda melodik

Dei symphonie is eablüht, die steanschnuppm is vaglüht, bin da hörig und vafoin

San vawobm mitanond, jetzt reichst ma endlich dei hond, des echo muass east vahoin.

      Drum woch jetzt endlich amoi auf, bist scho vüz long in diesm tiafn loch vagrom

      Vahinda jetzt mein amoklauf, während eines atemzugs hot si ois vaschom

      Drum moch endlich die augn auf, denn dei heaz sowie dei sö san wäame und licht

      Hoit eam no fest dein lebmshauch, dei oide tromml valiat scho iah gleichgewicht.

            Öffne dei innres vasteck und spreng da dein weg ins lebm frei

            Net nua da voimond schenkt da wäame und licht sondan a da schmeaznsschrei

            Vabrenn des moasche hoiz und grob di duach die enge dunklheit

            Net nua die flomm schenkt da wäame und licht sondan a reine wiaklichkeit.

                  Mei liebe besteht aus wäame und licht und mecht di einhülln in a wache schoin

                  Mei heaz explodiat mit wäame und licht und schickt da meine einschmiegsomstn stroihn

                  Mei freie sö schmüzt bei wäame und licht und offnboat dia mei gonze woahheit

                  Meine gefühle san wäame und licht und zeign da mei gonze eahlichkeit.

                        Und da regn spült scho wieda des vatrocknete tränensoiz in richtung mea

                        Und da regn hot scho wieda wäame und licht ohne a voawoanung entleat

                        Und da regn vanichtet scho wieda olle beweise in küazesta zeit

                        Denn da regn hot scho wieda wäame und licht von da eiseskötn befreit.

Meine gedonkn fliessn vaspüt und gonz sonft in dein traum, moi dia an uaoidn dichtbelaubtn baum

A kräftig knorriga stomm stützt die vün äste und zweig, jeds anzlne blott streichlt dei lieblichkeit

Liebesbeschwörungen flüstat da kühlende wind gonz socht, sei geheimnis vasteht ma nua in da nocht

Duach die zoatn luftbewegungen rauscht des laub gonz befreit, und liebkost dei begeahliche sinnlichkeit.

~~~~~~~~~~~~~~~~~~~~~~~~~~~~~~~~~~~~~~~~~~

Geschrieben am 08./09./10. dezember 2015.pk.

Überarbeitet am 04. februar 2017.pk. – copyright by philipp kirschner.pk.

******************************************************

ein herzliches dankeschön für euer zahlreiches interesse, eure lange treue, euren oftmaligen besuch und für eure investierte zeit, die ihr ins lesen und übersetzen steckt. vielen lieben dank dafür.

und hier wieder die üblichen links:

übersicht band 2
übersicht band 4 und band 3
facebook
twitter
google+
literatpro - meine gedichte band 2

danke für alles. und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, der mundartige.