>>>>>>>>>>>>>>>>>>>>>>>>><<<<<<<<<<<<<<<<<<<<<<<<<
257. | reine woahheit.
Die blätta da bäume und sträucha wean vom mildn wind, sonft gstreichlt und zoat beriaht
Sei geflüstates liebesgedicht woa
voaheabestimmt, hot innalich jubiliat
Gefühlvolle melodische woate san
gleichgesinnt, jede pore stimuliat
Und sensible vaschwommne büda hom
zugestimmt, doss da wind romantisch vafiaht.
Die gräsa und blumen
einsoma wiesn wean vom wind, sonft gstreichlt und zoat beriaht
Sei gflüstates liebesgedicht hot
in da nocht geglimmt, hot liebesschwüare souffliat
Intime erotisch heisse woate
mochen fost blind, des heaz schnö pulsiat
Und giarige exzessive büda wuadn
getrimmt, füa hoate spiele trainiert.
Schliess meine augn und meditia, mei
reise entfüaht mi in die unendlichkeit
Öffne mei heaz, mei sö und inhalia, olle
eneagetischn flüsse in diesa zeit
Suach in meinem gedonknkosmos, noch den
ontwoatn olla frogn da menschheit
Bleibt a ewiga uaoida mythos, do
unsichtboa vasteckt übalebt die reine woahheit.
Auf den blättan da bäume
und sträucha foit da regn, trommlt und klopft im duett
Diesn stetn rhythmus heat ma
sogoa auf den wegn, san mit pfützn übasät
Millionen tropfn wean an da nässe
ealegn, begrom in an feichtn beet
Des prassln und platschn is füad
trocknheit a segn, eahöat wuade des gebet.
Auf gräsan und blumen
einsoma wiesn foit regn, trommlt und klopft im duett
Diesa harmonische rhythmus entfocht
a sonfts bebm, erzeugt von spontanität
Des oachesta musiziat solos, die
die natua onregn, beweist genialität
Und dem hoatn trocknen bodn stöt
si nix meah entgegn, des hoate spü londet im bett.
Schliess meine augn und meditia, mei
befreita geist fliagt in die unendlichkeit
Öffne mei heaz, mei sö und inhalia, des
göttlich wissende licht aus feana vagongenheit
Suach in prächtign woikn, im nebl, noch
den ontwoatn olla frogn da menschheit
Bleibt a ewig uaoide grundregl, do
grandios vahüllt übalebt die reine woahheit.
Vaflossene zeitn, von dunkla materie
foatgespült
Unendliche weitn, von riesign
schwoazn löchan aufgewühlt
Und die reine
woahheit, hot jedn no mit uaängstn
eafüllt
Die obsolut reine
woahheit, hot uns iah innastes geheimnis
enthüllt.
In den blättan da bäume
und sträucha wiad sauastoff, füas wunda lebm produziat
Des lebmselixia eafrischt die eadn
untam himmlsdoch, von koid bis heiss wiad jongliat
Des licht da sunn bricht die luft
in a foabmfrohe procht, ma fühlt wie des gemisch pulsiat
Die luft vabrüdat si mitm wetta
zu tiaf und hoch, und hot die eadn feucht stimuliat.
In den gräsan und buntn blumen
wiad da sauastoff, füas wunda lebm produziat
Diese wundadroge mocht süchtig
und hoit an long woch, hot uns olle hypnotisiat
Dieses unsichtboare wesn lauat
sogoa in an loch, hots klima peafektioniat
Und olle elemente befindn si im
hoibschlof, hom iah eneagie nei sondiat.
Schliess meine augn und meditia, mei
phantasie stüazt mit mia in die unendlichkeit
Öffne mei heaz, mei sö und inhalia, die
tiaf wäamende liebe da uaoidn weisheit
Suach in da raumzeit voam uaknoi, noch
den ontwoatn olla frogn da menschheit
Bleibt a uaoida aussichtslosa foi, do
gonz hamlich getoant übalebt die reine woahheit.
Vabogene räume, von da dunklen
eneagie defoamiat
Grenznlose zäune, von da
hintagrundstrohlung manifestiat
Und die reine
woahheit, hot jedn no mit phobien
malträtiat
Die obsolut reine
woahheit, hot uns iah mysterium konkretisiat.
Unsa planet is a kugl und fliagt um die sonn, des is die reine
woahheit
Da mond is unsa bruda, wia woan sogoa scho om, des is die reine
woahheit
Vielleicht existiat nua auf da eadn des woahre lebm, die reine
woahheit bleibt stumm
Die menschheit wiad die longe suche niemois aufgebm, die reine
woahheit is des zentrum.
Unta den blättan da bäume
und sträucha pulsiat des lebm, eablüht, gedeiht und zafoit
Da geniale kreislauf konns
geleante weidagebm, da stäakre gwinnt oft mit gwoit
Bis ins klanste detail wuade ois
geplant und duachdocht, jede nuance woa im zwiespoit
Im lauf da zeit wuadn unzählige
wunda voibrocht, fost ausgstoabm die oatnvüfoit.
Unta den gräsan und
blumen pulsiat des woahre lebm, eablüht, gedeiht und zafoit
In diesm ewgen zyklus bleibt ma
auf goa kan foi stehn, sunst da todesschrei vahoit
Olle eventualitätn ziehns in
betrocht, sunst wiad ois no schnö übamoit
Die lebmsgschicht eazöht von wiedagebuat
und todesschlocht, des klanste lebm is uaoid.
Schliess meine augn und meditia, meine
eainnarungen fliehn in die unendlichkeit
Öffne mei heaz, mei sö und inhalia, olle
geboarenen und vastoabnen sön weit und breit
Suach im nullpunkt, in da feanen zukunft,
noch den ontwoatn olla frogn da menschheit
Bleibt a endloses spü mit da vanunft, do
ins nix transfoamiat übalebt die reine woahheit.
Vagessene wötn, vom dunklen vastond
ins vakuum drängt
Die göttlichn hödn, von kometn und
meteoan im niawana eatränkt
Und die reine
woahheit, hot jedn no mit seuchn reichlich
beschenkt
Die obsolut reine
woahheit, hot uns mit iahra freizügigkeit
obglenkt.
Unsre eadn leuchtet blau und is da dritte im bund, des is die reine
woahheit
Des gsicht vom voimond is imma gleich zu jeda stund, des is die reine
woahheit
Vielleicht existiat no iagendwo a ondas lebm, die reine
woahheit sogt ka woat
Die menschheit wiad imma nochm woahn lebmssinn strebm, die reine
woahheit is scho längst doat.
Die reine
woahheit bleibt endgültig taub, stumm und
blind
Die reine
woahheit hot nua iahm ego gedient
Die reine
woahheit spüt mit uns scho imma vasteck
Die reine
woahheit schlogt uns aufm grossn
schochbrett.
Die blätta da bäume und
sträucha wean vom mildn wind, sonft gstreichlt und zoat beriaht
Sei geflüstates liebesgedicht woa
voaheabestimmt, hot innalich jubiliat
Gefühlvolle melodische woate san
gleichgesinnt, jede pore stimuliat
Und sensible vaschwommne büda hom
zugestimmt, doss da wind romantisch vafiaht.
Die reine
woahheit bleibt endgültig taub, stumm und
blind
Die reine
woahheit hot nua iahm ego gedient
Die reine
woahheit spüt mit uns scho imma vasteck
Die reine
woahheit schlogt uns aufm grossn schochbrett.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Geschrieben
am 28. /29./30. September // 01./02. Oktober 2014.pk.
Überarbeitet
am 01. Jänner 2017.pk. – copyright by philipp kirschner.pk.
******************************************************
nochmals ein herzliches dankeschön für euer interesse, für eure lange treue, euren mehrmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.
und hier wieder die üblichen links:
danke für alles. und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen