<<<<<<<<<<<<<<<<<>>>>>>>>>>>>>>>>>
305.
Raum und zeit.
Heit
homma wiaklich an äussast romantisch scheenen grund zum feian und amüsian
Denn
wia zwa san jetzt genau a joah beinond, drum woin ma a klans festl zelebrian
Damit
net nua wia zwa in euphorie vafoin, sondan a die ondan mit extase aufproin.
Und
endlich kuman die eastn gäst, vawondte, bekonnte, und echte woahre freind
Bringen
uns klane gschenke mit, liebe aufmeaksomkeiten und wiaklich guad gemeint
Wia
eaöffnen gemeinsom die party, des spü, hean lochn, redn, freudig schrein mit
seah vü gfüh.
So
vafliagt die zeit rasant vom tiafblaun himml zua steanenkloan voimondnocht
Da
alkohol fliesst dezent in strömen, schnee, eis und rauch weadn guad übawocht
Füas
leibliche woih is natüalich a gesoagt, hom uns füan goatn an grossn grilla
ausboagt.
Noch
da moagndämmarung ois die sunn scho rötlich vom horizont freindlich eascheint
Woan
nua no wia zwa wieda glücklich im schlofzimma akrobatisch intim vaeint
Heanoch
hob i ma no a poa stampal gegönnt, hob ma den traum mit heissn phantasien
vaschönt.
Die echte unvaföschte wiaklichkeit
zafliesst in tausend foabm und kontuan
Konn net meah untascheidn zwischn valogna
woahheit und vawischtn blutspuan
Die woahre gesäubate wiaklichkeit
vaschwimmt, valiat on schäafe und kloaheit
Bin desorientiat, hob mi völlig vaiat im
labyrinth aus raum und zeit.
Heit
bin i mit brutaln kopfschmeazn aufgwocht, siag vaschwommen, ois in nebl taucht
Lieg
om ruckn, konn mi net meah riahn, mei eainnrung hob i vasoffen und varaucht
Die
enge reinweisse jackn passt ma peafekt, nua die giatl und schnoin hom voa mia
kan respekt.
Endlich
kuman engl in weiss in mei gsichtsföd und injizian ma iagend a gift
Konn
mi net dagegn weahn, konn net schrein, dämma wieda in a graues dunkles licht
Pletzlich
hea i mi söba redn, stundnlong, sog die reine woahheit, ohne iagend an zwong.
Dieses
searum öffnet meine synapsn und losst mei gedächtnis kloa explodian
Die
befrogung dauat schweisstreibend longe stundn, ohne dass sie mi attakian
Eazöh
eana oin mei traurige lebmsgschicht, öffne mei innastes füas sölische
gleichgwicht.
Ois
voiwaisnkind wuade ich von ana zua ondan familie weitagreicht
Ois
schwea eaziehboares notorisches problemkind hot si donn kana meah eaweicht
Imma
aussnseita, gemobbt und schickaniat, jedn tog belästigt, gfoitat und
drangsaliat.
Hob
den aufenthoit im spitoi vaküazt, die polizei hot mi ständig übawocht
Do
die scheinheilige heimleitung hot donn des letzte foss zum übalaufn brocht
Pletzlich
woa mei zimma dunklrot eingesprüht, völlig teilnahmslos hob i afoch weida
gspüt.
Des
jugendgefängnis hot mi dann endlich in an stoakn bessren monn transfoamiat
Dreizehn
longe joah hom mi gestählt, in diesa leahzeit bin i zua maschin mutiat
Hob
die vagongenheit tiaf vagrom und vasteckt, hob mei neis lebm net meah mit foabm
befleckt.
Die echte makllose wiaklichkeit schmüzt
zu ana sumpf- und moarastlondschoft
Konn jetzt ka grenzn meah ziehn zwischn
vakeahta woahheit und vaschwindenda kroft
Die woahre greinigte wiaklichkeit
entgleitet da detailliatn einzlheit
Steck in dem chaos fest, hob mi völlig
vaiat im labyrinth aus raum und zeit.
Leb in an schwebezuastond zwischn raum
und zeit, in an kompliziatn labyrinth
Häng ohne seil in da luft mit
atemfreiheit, jeds gfüh valoan, bin taub, stumm und blind
Existia in ana woikn aus raum
und zeit, in an diffiziln labyrinth
Fliag schwearelos zwischn alibi und
woahheit, mei anziga feind bin i ois kind.
Donn
hot des longe suachn endlich a end ghobt, wie a engl stond sie donn voa mia
Iah
eascheinung woa von an halo umgebm, eastroiht mit friedlich sonftwacha zia
Woa
von uns beidn liebe aufm eastn blick, oba vielleicht woas nua a faula
zaubatrick.
Die
eastn treffn woan imma hass und wüd, iah leidnschoft wollüstig aggressiv
Bin
scho noch a poa wochn bei iah einzogn, die zweisomkeit süchtig intensiv
Sie
hot ma donn die gesomte weide wöd zeigt, hob mi voa lauta liebe voa iah tiaf
vaneigt.
Iah
familie hot mi glei umoamt, iah kreis hot mi aufgnommen und akzeptiat
Die
wükommensfeia woa bombastisch, mei keapa hot den eastn schritt aktiviat
Hob
im alkohol bodt, mi eafrischt und gelabt, mei zweite haut hot si schee longsom
obgeschabt.
Bei
jedm weitren fest is mei schutzhün dünna woan, risse und sprünge san auftaucht
Die
vagongenheit hot scho zoat on da tüa klopft, meine reseavn san fost vabraucht
Des
chamäleon in mia hot si guad vastöt, um a hoa hot si die katastrophn vazöht.
Und
so san die monate vagongen, die joahreszeitn hom si viamoi obglöst
Mei
sucht hot si no iagendwie gfongen, hot iahre fletschendn zähnt no net entblösst
Klane
kuaze streitigkeitn eafülln die luft, die vasöhnung laut noch hoata erotik
ruft.
Und
so naht da tog füa unsa einjähriges jubiläum rasant auf uns zu
Schickn
scho vü einlodungen raus, wegan ontrog entsteht in mia scho a unruh
Sie
deaf von diesm geheimnis jo nix eafoahn, mecht ma iah übaroschtes gsicht no
long bewoahn.
Die echte tadllose wiaklichkeit zasetzt
si in jeds klanste element
Konn den übagong net eakennen zwischn
koida woahheit und echtem talent
Die woahre desinfiziate wiaklichkeit
valiat si im zähn neblteig
Bin im kreislauf gfongen, hob mi völlig
vaiat im labyrinth aus raum und zeit.
Leb in an schwebezuastond zwischn raum
und zeit, in an kompliziatn labyrinth
Häng ohne seil in da luft mit
atemfreiheit, jeds gfüh valoan, bin taub, stumm und blind
Existia in ana woikn aus raum
und zeit, in an diffiziln labyrinth
Fliag schwearelos zwischn alibi und
woahheit, mei anziga feind fliegt mitm wind.
Die flüstande stimm in mia besteht nua aus raum
und zeit
Hot die beföhsgwoit üba mei hian, üba raum und zeit
Mei eignes ich lebt nua in ana wöd aus raum und zeit
Hob die kontrolle valoan im lebm, in raum und zeit.
Noch
da moagndämmarung ois die sunn scho rötlich om horizont freindlich eascheint
Woan
nua no wia zwa wieda glücklich im schlofzimma akrobatisch intim vaeint
Heanoch
hob i ma no a poa stampal gegönnt, hob ma den traum mit heissn phantasien
vaschönt.
Bin
voitrunkn zu iah ins bett krochn, donk da drogn woa i donn wieda so weit
Hob
unsittlich iahre intimen stön begrapscht, mei earegung hot si glei befreit
Sie
hot ma ins gsicht gschlogn und mi laut ongschrien, i sei kronk im schädl,
brauch sie net meah beknien.
Wegn
diesa lächalichn klanigkeit is da streit eskaliat, san tüan zuaknoit
Schuhe,
vasn und gläsa san gflogn, afoch vüz hoch woa mei alkoholgehoit
Des
licht im bodezimma is donn fost ealischt, do i hob sie grod no bei iahre hoa
eawischt
Ohne
zu übalegn, schlog i hoat zu, aus mein gsicht spricht arroganta blanka hohn
Hot
si wenig gweaht mit krotzn und beissn, do mei prüglstrof is iah woahra lohn
Reiss
des nochthemd von iahm peafekt bautn leib, treibs wüd mit iah bis zua
besinnungslosigkeit
Woa
uneasättlich, woa goa net easchöpft, die drogn hom mi aufputscht und hoat
earegt
Pletzlich
woas gfesslt, kneblt, dem sock üban kopf hob i ongmoit und wiedabelebt
Mitm
messa hob is no schee vaziat und gschminkt, hobs zäatlich geküsst, zum obschied
hots ma no gwinkt.
Do
i hätts bessa wissn miassn, des vüle bluad übaroi woa füa sie net gsund
Hobs
unta rosn in oin foabm vagrom, doat hots friedn in dem wiesngrund
Hob
long vasuacht olle spuan zu eliminian, donn hob i mi zuadröhnt, woit afoch nix
meah spian.
Die echte voiständige wiaklichkeit
vaglüht zu gfäabtn regnbognstroihn
Konn die moasche bruckn net übaquean
zwischn woahheit und ungleichn woogschoin
Die woahre gwoschene wiaklichkeit driftet
schee longsom in a vieldeutigkeit
Bin on a kreiz gnoglt, hob mi völlig
vaiat im labyrinth aus raum und zeit.
Leb in an schwebezuastond zwischn raum
und zeit, in an kompliziatn labyrinth
Häng ohne seil in da luft mit
atemfreiheit, jeds gfüh valoan, bin taub, stumm und blind
Existia in ana woikn aus raum
und zeit, in an diffiziln labyrinth
Fliag schwearelos zwischn alibi und
woahheit, mei anziga feind hot ma zuagstimmt.
Die muamelnde stimm in mia besteht nua aus raum
und zeit
Kontrolliat jede gehianzön, übawocht raum und zeit
Mei eignes ich lebt nua in ana wöd aus raum und zeit
Hob den übablick valoan im lebm, in raum und zeit.
Obm is untn und untn is
obm, mei horizont hot si total vaschobm
Dieses weiss is schwoaz
und jenes schwoaz is weiss, steh gonz valossn in da mittn vom kreis
Des guade is bes und des
bese is guad, raum und zeit
stehn füa tod, lebm und gebuat.
Donn
bin i mit brutaln kopfschmeazn aufgwocht, siag vaschwommen, ois in nebl taucht
Lieg
om ruckn, konn mi net meah riahn, mei eainnrung hob i vasoffen und varaucht
Die
enge reinweisse jackn passt ma peafekt, nua die giatl und schnoin hom voa mia
kan respekt.
Und
heit hob i wiaklich an grund zum feian, denn i hob eich mei lebmsgschicht
dazöht
Denn
vüz schnö vablosst mei oids togebuach, voa mein gedächtnis hot si a wond
hingstöt
Die
leare hün in dem weiss vaschnüatn paket, lächlt friedlich mit gschlossnen augn
aufm bett.
A
funkn lebmswün blitzt no kuaz auf, dea donn glei wieda in da schwäazn vaglüht
Beobocht
von aussn diese weissgekleidetn engl, hom si mit mia obgmüht
Hom
mi jetzt endlich von diesa jackn befreit, i wea gwoschn, rasiat, mei ich brutal
entzweit.
Bringen
mi in a schummrig beleuchtete zön mit wacha poistarung on da wond
Denn
sogoa da bodn und die deckn san in an wohlig onschmiegsamen zuastond
Und
in da mittn auf an eahöhtn podest, befindet si mi eignes flauschigs liebesnest.
Schlumma
wieda mein gerechtn hoamlosn schlof eaneut in a engs weisses gwond gsteckt
Betrocht
no imma intressiat des treibm bei mein schloffn keapa, wiad no duachcheckt
Olle
daten wean soagsam katalogisiat, heanoch von oin fochäaztn analysiat.
Hob
afoch mei jugend zu exzessiv duachlebt, ohne rücksicht auf keapa und geist
Hob
kane grenzn kennt, woa nie a end in sicht, bin bei jedm trip extrem entgleist
Füa
mi woas lebm imma nua a simples spü, früha oda späta steh i diarekt voam zü.
Die echte vatraunswüadige wiaklichkeit
mutiat zum genialn wahn
Konn die sicharungsleine net festzuan,
zwischn woahheit und da lügnmembran
Die woahre eafrischende wiaklichkeit
gerät donn vüz schnö in vagessnheit
Doanen krotzn mei haut, hob mi völlig
vaiat im labyrinth aus raum und zeit.
Leb in an schwebezuastond zwischn raum
und zeit, in an kompliziatn labyrinth
Häng ohne seil in da luft mit
atemfreiheit, jeds gfüh valoan, bin taub, stumm und blind
Existia in ana woikn aus raum
und zeit, in an diffiziln labyrinth
Fliag schwearelos zwischn alibi und
woahheit, mei anziga feind niemois vaglimmt.
Die säuselnde stimm in mia besteht nua aus raum
und zeit
Beheascht oi meine synapsn, beschottet raum und zeit
Mei eignes ich lebt nua in ana wöd aus raum und zeit
Hob des vaständnis valoan füas lebm, in raum und zeit.
Korrekt is völlig foisch
und foisch is korrekt, mei fiamament irreparabl defekt
Da kriag is friedlich
und da friedn is krieg, steh jetzt zwischn ruin und totaln sieg
Des guade is bes und des
bese is guad, raum und zeit
stehn füa tod, lebm und gebuat.
Raum und zeit
san jetzt bereit füa die ewigkeit
Raum und zeit
san jetzt so weit füa die helligheit
Raum und zeit
san long bereit füa die einsomkeit
Raum und zeit
san jetzt so weit füa die dunklkeit.
Bin
jetzt endlich ohne höllnquoin aufgwocht, a mystische finstanis spült und
fliesst
Lieg
om ruckn, konn mi net meah riahn, hob do die weiss-schwoaze fahne scho längst
gehisst
Denn
die enge jackn passt no imma peafekt, nua die giatl und schnoin hom voa mia kan
respekt.
Oba
heit hob i wiaklich kan grund zum feian, mei sö is vüz schwoch zum weidalem
Lieg
scho seit joahn im tiafstn koma, nua a anzelna knopf konn ma ealösung gem
Die
leare hün in dem weiss vaschnüatn paket, lächlt friedlich mit gschlossnen augn
aufm bett.
Die echte unbeeinflussboare wiaklichkeit
vakauft iah ehre, iahn stoiz
Konn iahn rettungsfoischiam net öffnen,
zwischn da woahheit und an klan streichhoiz
Die woahre ealösende wiaklichkeit
berechnet iah eigne woahscheinlichkeit
Spia den stich von dem schweat, hob mi
völlig vaiat im labyrinth aus raum und zeit.
Leb in an schwebezuastond zwischn raum
und zeit, in an kompliziatn labyrinth
Häng ohne seil in da luft mit
atemfreiheit, jeds gfüh valoan, bin taub, stumm und blind
Existia in ana woikn aus raum
und zeit, in an diffiziln labyrinth
Fliag schwearelos zwischn alibi und
woahheit, mei anziga feind von voan beginnt.
Die sinnliche stimm in mia besteht nua aus raum
und zeit
Hot mein gonzn keapa vasklavt, dominiat raum und zeit
Mei eignes ich lebt nua in ana wöd aus raum und zeit
Hob die funktionen valoan füas lebm, in raum und zeit.
Des lebm is tödlich, da
tod is des lem, meine atmosphäan wean net meah aufeastehn
Da dämon a engl, da engl
a dämon, leb jetzt unsichtboa wie a chamäleon
Des guade is bes und des
bese is guad, raum und zeit
stehn füa tod, lebm und gebuat.
Raum und zeit
san jetzt bereit füa die ewigkeit
Raum und zeit
san jetzt so weit füa die helligheit
Raum und zeit
san long bereit füa die einsomkeit
Raum und zeit
san jetzt so weit füa die dunklkeit.
Hob jetzt raum
und zeit valossn, die hoate strof is
gerecht
Hob jetzt raum
und zeit obgschlossn, woa wiaklich scho
seah geschwächt
Hob jetzt raum
und zeit obgstossn, des woa mei letztes
gefecht
Bin duach raum
und zeit geflossn, diese woahheit is
jetzt echt.
Heit
homma wiaklich an äussast romantisch scheenen grund zum feian und amüsian
Denn
wia zwa san jetzt genau a joah beinond, drum woin ma a klans festl zelebrian
Damit net nua wia zwa
in euphorie vafoin, sondan a die ondan mit extase aufproin.
~~~~~~~~~~~~~~~~~~~~~~
Geschrieben und neu
überschrieben am 17./18./19./20. juli 2015.pk.
Überarbeitet am 16.
jänner 2017.pk. – copyright by philipp kirschner.pk.
****************************
vielen dank für euren besuch und euer interesse und für eure freude fürs lesen.
besucht mich doch mal auf facebook. würde mich freuen.
euer
phil
www.facebook.com/philjazz
twitter.com/philjazmetlyric
https://plus.google.com/u/0/104160599138757338426
Keine Kommentare:
Kommentar veröffentlichen