326. | gegnteu.

hallo, meine lieben treuen leserinnen und leser, liebe süchtige textmaniacs.

der nächste text steht in den startlöchern. also es darf wieder interpretiert werden, was dieser schreibsüchtige wohl gemeint hat.

auch der vorgänger text 405. | sinn wurde von euch sehr brav durchstöbert. danke dafür.

nun zum nächsten text: 326. | gegnteu.
er begegnet seiner angebeteten jeden tag und glaubt, er kann sie einfach so ignorieren. aber ganz im gegenteil. er fühlt sich immer noch zu ihr hingezogen...

ich will euch nicht allzu lange auf die folter spannen: hier ist der text auch schon.
wünsche ein abenteuerliches lesevergnügen.

>>>>>>>>>>>>>>>>>>>>>>><<<<<<<<<<<<<<<<<<<<<<<<

326. | gegnteu.

Bitte sog ma wo is nua diese tüa, bitte valong von mia donn ka hohe gebüah

Diese situation is so kompliziat, hob mi jo söbst so tiaf do hineinmanövriat

Mecht von hia endlich entfliehn, muass jetzt an endgültign schlussstrich ziehn

Bitte gib ma jetzt no genügend zeit, bitte schenk ma gnua geduid ois aufmeaksomkeit

Muass east die passlteile no soatian, muass olle stana vom mosaik korrigian

Die onzoih is grenznlos, foamen und foabm san a eigna kosmos.

Bitte entwia ma dieses hinweisschüd, bitte eakläa ma mei innres sölisches büd

Meine woogschoin hom si ziemlich vaschom, mei liebesgflecht hot si vaflochtn und vawom

Die knotn hom si vastrickt, diesa feina fodn mochts so vazwickt

Bitte gib ma endlich des lösungsbuach, bitte vatrau auf mein ollaletztn vasuach

Hob afoch nua den schlüssl wo valoan, do des schloss dazua wuade no net auseakoan

Hob den code no net duachschaut, leichte panik hot si scho in mia aufgstaut.

      Beruhig mi gonz alla nua duach dein zoatn onblick, mei hitzewallung kühlt a scho ob

      Im gegnteu du brichst ma no moi mei schwoches gnick, und bringst mi direkt in mei tiafs grob

      Beruhig mi gonz alla nua duach dei ausstrohlungskroft, meine heazschläg hom si seah ongstrengt

      Im gegnteu du host an vuikan zum ausbruch brocht, und üba mia an bannspruch vahängt.

Bitte sog ma do wonn mei flucht beginnt, bitte varot ma den weg ausm labyrinth

Bin von da finstanis gänzlich eingspeat, unhamliche gräusche hom mei ongst no genäaht

Mecht aus diesm sumpf obhaun, muass jetzt afoch meim instinkt blind vatraun

Bitte gönn ma jetzt nua a kuaze rast, bitte hiss die weisse fahne auf diesm mast

Hob fost olle kroftreseavn vabraucht, die letztn eneagieschüb san a boid varaucht

Mei battarie is boid lea, des auflodn gschiacht nie ohne gegnweah.

Bitte übasetz ma donn diese schrift, bitte bring jetzt die vün schottn ausm licht

Die phantasie täuscht, beschwindlt und blendt, die woahheit hot si von da wiaklichkeit getrennt

Lieg einsom in kettn glegt, nua meine gedonkn hom si bewegt

Bitte easpoa ma jetzt mei liebesbem, bitte zeig ma die ondre seitn von meim lem

Hintam spiegl gibts do a wundalond, vielleicht hoitst und wäamst du doat mei eiskoide hond

Des zittan hot mi beleaht, des feia längst ealoschn, die glut zasteat.

Denk die gonze zeit drüba noch, wie i do wieda rauskumm aus diesm tiafn loch

Zamarta mia scho mei gehian, wie konn i die vün komplikationen entwian

Meditia scho in da natua, brauch an onhoitspunkt, an hinweis, a zeichn, a spua

Schreib ma jede klanigkeit auf, do mei neavosität mündet in an amoklauf.

      Beruhig mi gonz alla duach dein innren sonnenschein, mein schutzschüd hob i scho längst hochgfoahn

      Im gegnteu du säst jedesmoi an liebeskeim, und schickst ma gnua engl in heaschoan

      Beruhig mi gonz alla duach dei sonfte schüchtanheit, host die bremswiakung vom puis vastäakt

      Im gegnteu du host mein traum und mein wunsch befreit, und host mein zwiespoit goa net bemeakt.

            Konn mi net meah konzentrian, wüad om liabstn deseatian, wü afoch nua foatgehn

            Wüad donn niemois wiedakeahn, konn mi net dagegn weahn, wiast des afoch nie vastehn

            Muass diese gschicht ausradian, mei gedächtnis liquidian, es gibt ka wiedasehn

            Host des gegnteu eareicht, bin donn von meim weg obgschweift, wü dei liebe aufdrehn.

Bitte öffne mia do fensta und tüan, bitte valong von mia kane hohn gebüahn

Hob vagessn wo mei obstöplotz is, dieses riesige haus beschützt a geheimnis

Jeda wüafl is a raum, glöste rätsl londn om ufasaum

Bitte gib ma dei gonzes potential, suach scho noch an geeignetn material

Gonz alla fühl i mi easchöpft und schwoch, die vaschiedenen figuan vawian mi beim schoch

Jeda zug is mei ruin, hob ka konzentration und ka disziplin.

Bitte schmuggl mi aus diesm valies, bitte zeig füa mei kronke liebe vaständnis

Die kettn und fessln hob i scho gsprengt, hob die beweise vabronnt, vagrom und vasenkt

Om end vom tunnl a licht, auf diesm weg hot des recht auch a pflicht

Bitte ziag füa mi kan kuazn groshoim, bitte entlea do endlich moi die wossaschoin

Nimm mei schicksoi söbst in die eigne hand, hob mi mit da föhlaquote völlig vaplant

Ond woahscheinlichkeit net docht, und scho is mei grundgerüst wieda zommkrocht.

Hob die gonze zeit übalegt, wie i die foitüan donn übalist auf mein fluchtweg

Mei kopf raucht voa aktivität, muass die barriean zastean füa die sensibilität

Vasenk mi in mei eignes sein, suach nochm richtign augnblick im sonnenschein

Vafoss jetzt scho a togebuach, bedeck mein amoklauf mit an bluadigrodn tuach.

      Beruhig mi gonz alla nua duach dein augnaufschlog, deine funkn sprühn genau ins nest

      Im gegnteu du vafüahst mi jedn anzlnen tog, und schickst mi glei zu an drogntest

      Beruhig mi gonz alla duach dei holde lieblichkeit, meine sinne gehn auf noamal zruck

      Im gegnteu du bringst mi zum bem füa olle zeit, und setzt mei heaz gonz schee unta druck.

            Muass des gestan reflektian, wüad so gean ois zruckdatian, wü afoch nua obhaun

            Füa mi gibts donn ka zurück, suach woondas donn mei glück, konnst ma net meah vatraun

            Deaf net zvü drüba sinnian, muass mein vastond reparian, muass des ois no vadaun

            Vom gegnteu übazeugt, hob mein weg zruckvafoigt, mecht mei liebe dia einbaun.

                  In mein innan rüaht si die schlong, zischt, beisst und spritzt iah gift in mei bluad

                  Donn hebt si endlich da voahong, du host mi küsst, liebkost und laut gschnuat

                  Do des gegnteu woa da foi, zischt, beisst und spritzt dei gift in mei bluad

                  Übahea des alarmsignoi, im traum host mi küsst, liebkost und laut gschnuat.

Bitte gib do endlich den startschuss frei, bitte entschuidige mei sinnloses geschrei

Die zwickmühle hot mi gänzlich einkreist, mei ois-sicha-glaubta zug is total entgleist

Chaos is mei zweite haut, dicke woikn hom si üba mia zommbraut

Bitte valetz net mei recht auf gleichklong, bitte drah endlich die zeit gonz zruck zum onfong

Vielleicht gibts do an schmettalingseffekt, donn wäa mei einsoma weg no gonz staubbedeckt

Ka echo wäa donn vahoit, kana hätt donn die tüa voa da nosn zuaknoit.

Bitte gib ma kan grund füa traurigkeit, bitte spendia ma an teu von deina nocktheit

Es reichn die tränen vom wossafoi, stüazn si hundate meta ins grüne toi

In mia is öd, kahl und lea, die suche noch liebe is doat seah schwea

Bitte untasuach mi von a bis zett, bitte übaprüf endlich mei intimität

Hob die sehnsucht scho iagendwo valoan, die begiadn san getjunte liebesmotoan

Ois varostet und lädiat, meine gefühle hom si wieda blamiat.

Hob jetzt donn mei logik eingschoit, diese bruckn füaht üban fluss in an kronkn woid

Bin mit meina weisheit om end, die uaoidn bam brauchn dringend a glücksmoment

Vatiaf mi jetzt in mei umlond, siag dei aura stroihn om weit entfeantn horizont

Hob büda mit pinsln traktiat, hob donn mein amoklauf hintahea analysiat.

      Beruhig mi gonz alla nua duach dein lächlnden mund, die zung mocht deine lippm gonz feucht

      Im gegnteu du drängst mi in an liebesobgrund, und host doat mei heazeleid onghäuft

      Beruhig mi gonz alla duach dein heissn sexappeal, bekomm donn wieda gonz koide händ

      Im gegnteu du entfochst in mia a feiaspiel, und losst mei sö fliagn bis zum end.

            Deaf mi söbst net amputian, mei battarie aktivian, donn afoch nix wie weg

            Bleib afoch on diesm oat, von mia heats donn a ka woat, bin imma om söbm fleck

            Muass mi söbst ausbalancian, muass mi söbst nei installian, dei suche hot goa kan zweck

            Do des gegnteu hot recht, mei rückzug woa wiaklich echt, mei liebe wü dei dreieck.

                  In mein innan rüaht si die schlong, zischt, beisst und spritzt iah gift in mei bluad

                  Donn hebt si endlich da voahong, du host mi küsst, liebkost und laut gschnuat

                  Do des gegnteu woa da foi, zischt, beisst und spritzt dei gift in mei bluad

                  Übahea des alarmsignoi, im traum host mi küsst, liebkost und laut gschnuat.

                        Lösch endlich mein sölischn brond, im gegnteu du host mi imma meah aufgheizt

                        Bewoah mi do voam treibsond, im gegnteu du host mi imma meah gereizt

                        Heil mi voa da onziehungskroft, im gegnteu bist a wundascheena magnet

                        Schick mi net in die liebesschlocht, im gegnteu i fliag bereits mitm komet.

Bitte hoi mi endlich von hia hearaus, bitte schenk ma do wieda moi an blumenstrauss

Gfrei mi imma so seah auf dein besuch, hea dei muamln von iagendan komischn spruch

Des soiz da augn easchreckt, host meine tram jetzt zum lebm eaweckt

Bitte send ma dein woamen keaznschein, bitte bemoi mit vü liebe den koidn stein

Dei sonfte wäame umhüllt mei heaz, mei sö, kuschl mi sogean in dei somtweiches fö

Drausst is a eisiga wind, in deim bauch spiast des strompln von deim kind.

Des viele grübln mocht mi miad, meine augnlida wean schwea, wuadn sabotiat

Fühl mi auf amoi luftig leicht, fliag wie a woikn, wache fedan hom mi donn gstreift

Mei lebm is jetzt wie a füm, eainnarungen befoin mi in apruptn schüm

Hob jetzt a lächln in meim gsicht, duach mein amoklauf eastroiht ois in an ondan licht.

      Beruhig mi gonz alla nua duach dei himmlische stimm, dei liad wiegt mi zäatlich in den schlof

      Im gegnteu du setzt mi unta strom gonz intim, und vapasst ma a softige strof

      Beruhig mi gonz alla nua duach dei lochendes heaz, deine grossn augn san endlos tief

      Im gegnteu du schickst mi mit blitz und donna obwäats, und dirigiast mi auf a riff.

            Brauch jetzt wieda frische luft, und dein siassn blumenduft, vom eadbodn vaschluckt

            Fühl mi scho so eingeengt, zwischn hoiz und stein einzwängt, mi hot scho ois so gjuckt

            Muass mi jetzt söbst no sondian, muass mi jetzt no stimulian, bin sonst hia unbefugt

            Hob des gegnteu valoan, mei weg zruck woa scho zuagfroan, mei liebe hot di zadruckt.

                  In mein innan rüaht si die schlong, zischt, beisst und spritzt iah gift in mei bluad

                  Donn hebt si endlich da voahong, du host mi küsst, liebkost und laut gschnuat

                  Do des gegnteu woa da foi, zischt, beisst und spritzt dei gift in mei bluad

                  Übahea des alarmsignoi, im traum host mi küsst, liebkost und laut gschnuat.

                        Giess endlich wossa auf mein stein, im gegnteu jede blume hot a eignes gfüh

                        Bring mi do endlich wieda heim, im gegnteu gehst gemeinsom mit mia duachs zü

                        Loss net zvü tränen auf mi foin, im gegnteu donn is da bodn wieda gwüazt

                        Vagiss jo net di onzuschnoin, im gegnteu donn host mei woatezeit vaküazt.

                              Jetzt endlich lieg ma nemanond, gehüllt in an saubaren gewond

                              I hoff du host ma jetzt vaziehn, im gegnteu, wüsst jetzt von hia fliehn

                              Mei amoklauf woa zu peafekt, auf mi woat scho des nächste projekt

                              I hoff du vazeihst jetzt mein tun, im gegnteu, wüsst di no net ausruhn.

  

      Beruhig mi gonz alla nua duach dein zoatn onblick, mei hitzewallung kühlt a scho ob

      Im gegnteu du brichst ma no moi mei schwoches gnick, und bringst mi direkt in mei tiafs grob

      Beruhig mi gonz alla nua duach dei ausstrohlungskroft, meine heazschläg hom si seah ongstrengt

      Im gegnteu du host an vuikan zum ausbruch brocht, und üba mia an bannspruch vahängt.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Geschrieben am 29./30. september // 01. oktober 2015.pk.

Überarbeitet am 25. jänner 2017.pk. – copyright by philipp kirschner.pk.

******************************************************

ein grosses dankeschön an euch für euren besuch.
euer phil

facebook

twitter

325. | mei hoss.

hallo meine lieben textmaniacs. nach euren braven leseminuten oder sogar lesestunden darf ich euch sogleich den nächsten text präsentieren, der da lautet: mei hoss. hierbei geht es um eine unerfüllte liebe, die sich mit der zeit in hass verwandelt. trotzdem will er sie nicht loslassen.

da ich ja wieder angefangen habe, neue texte zu schreiben, werde ich die nummer 401. als nächstes veröffentlichen. mittlerweile sind schon wieder 4 neue texte entstanden. diese neuen texte fasse ich wieder zu einem buch zusammen: buch 4 - pyramidenstürme.

die texte 251.-400. werde ich hoffentlich noch dieses jahr binden lassen (buchbinderei) oder aber einfach in einem copy-shop drucken lassen. titel: buch 3 - nebelberggräber.

dies nur als kurze info. so. jetzt ist aber genug: hier ist er auch schon:

>>>>>>>>>>>>>>>>>>>>>>><<<<<<<<<<<<<<<<<<<<<<<

325. | mei hoss.

Geh ma aus den augn, loss mi afoch in ruah, schleich di aus meim zimma, moch die tüa von draussn zua

Hob jetzt scho gnua duachgmocht, loss mi endlich allan, wü di nua jetzt net sehn, mei heaz is a grossa stan

Bitte sog a ka woat, schau mi net so liab on, vatreib jetzt deinen duft, hob gefühle wie a monn

Muass di jetzt ignoarian, füa mi bist unsichtboa, muass jetzt ois vagessn, mei heaz liegt scho im laboa.

Geh ma aus den augn, sei do endlich moi stü, redest so vü unsinn, des is ka beliebigs spü

Schoit di endlich moi aus, denn des is mei revia, muass mei eneagie spoan, mei heaz zreisst leicht wie papia

Bitte sei afoch ruhig, vadienst mei liebe net, valoss jetzt diesn raum, denn jetzt is scho vü zu spät

Füa mi bist nua no luft, mit kana wimpa zuckt, muass jetzt ois vabrenna, mei heaz on da wond zadruckt.

      Meine tränen vasoizn dia dei lebm, mei dröhnendes geschrei vauasocht dia a gänsehaut

      Meine bluadign händ wean da vagebm, mei wieda geboarena hoss is endlich hass auftaut

      Meine phantasien san peaveas und brutal, bei mein wüdn lochn bekommst donn panische ongst und fuacht

      Meine gedonkn valian jede moaral, mei nei geboarena hoss hot scho vüz long noch dia gsuacht.

Geh ma aus den augn, sog net auf wiedasehn, bin no vü zu vakrompft, muass da endlich widastehn

Bringst mi net zum weinen, nua kane lügn meah, vabrauch net mein atem, mei heaz is innalich lea

Bitte geh ausm licht, dei scheeheit hot mi blendt, vaschwend jetzt net mei zeit, hob mi scho wieda varennt

Nimm von dia ka notiz, füa mi bleibst jetzt vaschoin, muass jetzt ois vagrobm, mei heaz is scho vüz tiaf gfoin.

Geh ma aus den augn, vatrog dei sein net meah, bist jo imma no do, du mochst mei lebm vüz schwea

Muass i di east bedrohn, schlog da geane ins gsicht, stühst ma scho mein vastond, mei heaz valiat scho on gwicht

Bitte stö di ins eck, du engl in peason, loss di fedan und tean, wiafst mi in frischn beton

Du gheast afoch bestroft, in wossa untataucht, muass jetzt ois guad vadaun, mei heaz host du donn missbraucht.

Und pletzlich nochm nächstn heazschlog, vawondlt si die liebe in koitn blindn hoss

Und donn bei ana sinnlosn frog, sprühn glühende vahosste funkn in a ölfoss

Und pletzlich is donn ois eskaliat, die prekäre situation is ins chaos gstüazt

Und donn hob i nua no improvisiat, hob mein hoss donn no mit deina liebe reichlich gwüazt.

      Meine tränen sogn meah ois nua a woat, mei heulendes gschrei losst da deine hoa zu beage stehn

      Hob meine unschuidign händ nua ongstoat, mei aufeastondena hoss wiad si imma höha drehn

      Mei kreativität is jetzt grenznlos, mei unkontrolliats lochn hot di ausm konzept brocht

      Meine gedonkn eantn an hoatn stoss, mei hearonwochsenda hoss hot scho vüz long on di docht.

            Mei besta freind is mei hoss, befreit mi endlich von diesn sölischn quoin

            Mei besta freind is mei hoss, mecht endlich die foitandn schmeazn übamoin

            Mei besta freind is mei hoss, vagiss donn endlich diese sinnlose gschicht

            Mei besta freind is mei hoss, olle eainnarungen vabrennen im licht.

Geh ma aus den augn, hob jetzt endgültig gnua, da schmeaz sitzt no tiaf drin, vaknot jetzt dei liebesschnua

Stüaz ins bodnlose, bleib glei liegn doat unt, kana vamisst di donn, mei heaz foit in an obgrund

Bitte schleich di von do, denn du riachst jo so guad, zaspring in tausend stück, vaobscheu di bis aufs bluad

Fühl mi scho eingeengt, raubst ma mein sauastoff, muass jetzt ois vanichtn, mei heaz zaklüftet und schroff.

Geh ma aus den augn, bist so koid wie a fös, red ma des jetzt ois ein, mochst mi imma no neavös

Vawisch jetzt deine spuan, hob ois desinfiziat, hoit endlich moi dein mund, mei heaz scho ziemlich vawiat

Bitte fliag afoch weg, dei lächln mocht varuckt, gib da an hoatn tritt, bist a nebmprodukt

Pock deine sochn zomm, es gibt ka wiedasehn, muass jetzt ois obreibm, mei heaz deaf si net umdrehn.

Und pletzlich nochm nächstn heazschlog, vawondlt si die liebe in koitn blindn hoss

Und donn beim nächstn dialog, springen glühende vahosste funkn in a ölfoss

Und pletzlich hot si donn ois vaschom, die sympathischn wön san gegn die obscheu krocht

Und donn hob i no ois schnö onghom, hob mein hoss donn mit deina liebe ziemlich vakocht.

      Meine tränen bestätign mein zuastond, mei hysterisches gschrei losst des hasse wossa gefrian

      Wosch meine zoatn sonftn händ nua im sond, mei geniala hoss wiad üba sein feind triumphian

      Mei talent kennt kane skrupl, kan zwiespoit, bei mein höhnisch bittren lochn vakrompft dei gonzes sein

      Meine gedonkn san voigsogn mit gwoit, mei peafekta hoss konn si von dia no imma net befrein.

            Mei besta freind is mei hoss, reinigt mei kronke sö von olln liebesquoin

            Mei besta freind is mei hoss, muass meine intimstn begiadn übamoin

            Mei besta freind is mei hoss, hot des absuade obmteia ausradiat

            Mei besta freind is mei hoss, olle eainnarungen wuadn eliminiat.

                  Mei hoss losst si net zügln, aufhoitn, bremsn oda auch dressian

                  Mei hoss muass sie jetzt ständig entfoitn, muass des bese simulian

                  Mei hoss soi si zateiln und aufspoitn, muass jetzt die liebe schockian

                  Mei hoss deaf jetzt mei lem umgestoitn, umfoamen und renovian.

Geh ma aus den augn, konn füa nix garantian, findst da eh kane freind, mi woitst jo net akzeptian

Reiss da on deine hoa, da goign scho aufbaut, ziag donn die schling fest zua, mei heaz hot da net vatraut

Bitte zöga net zlong, dei figua is a traum, do du gheast donn zahockt, schlofst donn friedlich untam baum

Reiss da dei haut vom leib, wiast donn endlich vaschluckt, muass jetzt ois obschleifn, mei heaz is unbeeindruckt.

Geh ma aus den augn, gehst ma om oasch voabei, du mochst mi aggressiv, bist ma scho einalei

Hobs jetzt übawundn, bin gegn di immun, schleuda di on die wond, mei heaz braucht a tonikum

Bitte bleib ewig fean, dei mund so feucht und rot, druck afoch auf den knopf, bekommst a lebmsvabot

Vakauf do jeds oagan, is füa an guadn zweck, muass jetzt ois entfeanen, mei heaz is no unbefleckt.

Und pletzlich nochm nächstn heazschlog, vawondlt si die liebe in koitn blindn hoss

Und donn beim letztn monolog, fliagn glühende vahosste funkn in a ölfoss

Und pletzlich is ois spieglvakeaht, die reflexion hot si um hundatochzg grad vadreht

Und donn hob i mi dagegn gweaht, hob mein hoss donn no mit deina liebe fest vanäht.

      Meine tränen hom da des vasprechn gem, mei explosives gschrei losst di sekundnschnö eastoan

      Zasäg mit meine händ deine letztn strem, mei gewoitiga hoss hot da ewige rache gschwoan

      Meine fähigkeitn san scho unbegrenzt, mei unhamlichs lochn hot den hintahoit net vasteckt

      Meine gedonkn wütn imma ungebremst, mei mächtiga hoss hot dei nockte sö wieda obdeckt.

            Mei besta freind is mei hoss, massiat mei geschundne sö, meine liebesquoin

            Mei besta freind is mei hoss, muass meine lüstanen sehnsüchte übamoin

            Mei besta freind is mei hoss, hot oi meine heilign oagien ausgmeazt

            Mei besta freind is mei hoss, hot olle eainnarungen bluadig eingschwäazt.

                  Mei hoss losst si net bändign, zähmen, obrichtn oda eaziehn

                  Mei hoss wü ständig imma wos nehmen, des bese konn net entfliehn

                  Mei hoss vapflonzt an hochgiftign keim, muass jetzt die liebe zastean

                  Mei hoss deaf dei lebm zu sond zareim, dei lem deaf niemois wiedakeahn.

                        Mei heaz und mei sö woin di jo liebm, do mei hoss hots strikt negiat

                        Hob da meine gefühle aufgschriebm, do mei hoss hots annuliat

                        Mei heaz, mei sö wean so gean bei dia bliebm, do mei hoss hots untasogt

                        Nua du host meine gfühle vatriebm, mei hoss hot dei liebe vajogt

                        Denn nua du host meine gfühle vatriebm, mei hoss hot nua dei liebe vajogt.

Drum geh ma aus den augn, loss mi afoch in ruah, schleich di aus meim zimma, moch die tüa von draussn zua

Hob jetzt scho gnua duachgmocht, loss mi endlich allan, wü di nua jetzt net sehn, mei heaz is a grossa stan

Bitte sog a ka woat, schau mi net so liab on, vatreib jetzt deinen duft, hob gefühle wie a monn

Muass di jetzt ignoarian, füa mi bist unsichtboa, muass jetzt ois vagessn, mei heaz liegt scho im laboa.

~~~~~~~~~~~~~~~~~~~~~~~~~~~~~~~~~~~~~

Geschrieben am 26./27./28. september 2015.pk.

Überarbeitet am 25. jänner 2017.pk. – copyright by philipp kirschner.pk.

*********************************************

nochmals ein herzliches dankeschön für euer interesse, für eure lange treue, euren mehrmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.

und hier wieder die üblichen links:

übersicht band 2

übersicht band 4 und band 3

facebook

twitter

google+

literatpro - meine gedichte band 2

danke für alles. und ich habe noch eine grosse bitte.

bleibt mundartig gesund und bleibt mir weiterhin gewogen.

euer philjazzmetal, dialectiloquax, der mundartige.

324. | wettagott.

hallo, meine lieben!
ich darf euch auch schon wieder den nächsten text präsentieren. wie der titel es bereits verratet: es geht hier ums wetter.
danke für eure treue und für euren besuch.

>>>>>>>>>>>>>>>>>>>>>>><<<<<<<<<<<<<<<<<<<

324. | wettagott.

I gfrei mi wonns draussn regnet, wonn die woikn so richtig iah flüssigkeit valian

Und i gfrei mi wonns draussn schneit, wonn die weissn kristalle wie steane floareszian

I gfrei mi wonns draussn haglt, wonn die köana donn wie geschosse vom himml foin

Denn i gfrei mi aufs tägliche wetta, konn nix dron ändan, drum nutz i den tog, ma muass nua woin.

Do des viele noss sommlt si donn zu ana flut, und übaschwemmt des lond und löscht die glut

Da viele schnee vagrobt und eastickt ois unta sich, glitzat wie a diamontnteppich

Die schwean eisbälle zastean haus und die natua, hintalosst a komplett sichtboare spua.

      Denn da wettagott mecht mit uns nua spün, denn niagends heascht a peafektes gleichgewicht

      Denn da wettagott konn net richtig zün, imma wieda hoit ea üba uns gericht

      Denn da wettagott hot des letzte woat, denn niagends wiad unsre scheene wöd vaschont

      Denn da wettagott hot on goa nix gspoat, imma wieda zeigt ea uns sei woahre front.

I gfrei mi voi wonn da wind weht, wonn ea seine gschichtn und geheimnisse eazöht

I gfrei mi wonn die sonne scheint, wonn iahre eastn stroihn donn die dunklheit eahöt

I gfrei mi wonn da mond aufgeht, wonn animalisch wüde trieb sei vois gsicht onheuln

Denn i gfrei mi aufs tägliche wetta, konn nix dron ändan, drum nutz i den tog, ma muass nua woin.

Do so a laus lüftal mutiat pletzlich zum oakan, do hüft nua a evakuiarungsplan

Do des heisse licht mocht a lond donn öd, wüst und lea, hintalosst nua no a riesigs sondmea

Da monn im mond lächlt scheinheilig auf uns hearob, und singt a traurigs liad bei unsam grob.

I gfrei mi wonn da schnee donn schmüzt, wonn die eastn blumen zoghoft iah kopfal eahem

Gfrei mi wonn d‘natua übaquillt, wonn iahre früchte mensch und tia  noahrung gem

I gfrei mi wonn des laub vawökt, wonn die leichtendn foabm meine augn eafreun

Denn i gfrei mi auf jede joahreszeit, konn nix dron ändan, drum nutz i den tog, ma muass nua woin.

Do die eisdeckn is trügarisch, seah dünn und schwoch, duach an klan stan entsteht scho a loch

Do da übafluss ändat si schnö zua hungasnot, seichn wütend krassian, bringen nua tod

Do pletzlich vawondln si die bam zum geistawoid, nua des skelett heat des glockngeläut.

      Denn da wettagott hot uns nua benutzt, denn niagends is d‘harmonie grenznlos

      Denn da wettagott hot uns d‘fliagl gstutzt, imma wieda vasetzt ea uns an hoatn stoss

      Denn da wettagott hot die gonze mocht, denn niagends wean schware föhla vaziehn

      Denn da wettagott hot nua no laut glocht, imma wieda gibt ea uns sei medizin.

            Drum nutz den tog, bevoa da wettagott, dei schicksoi söbst in sei hond nimmt

            Und auf an schlog, hot da wettagott, dia deine lebmsnotn vastimmt

            Drum nutz den tog, bevoa da wettagott, dia die zehn plogn grinsend schenkt

            Und auf an schlog, hot da wettagott, wieda moi an treffa vasenkt.

I gfrei mi auf donna und blitz, die stoake eneagie reinigt die aufglodne luft

I gfrei mi wonn da beag zareisst, wonn des heisse magma endlich noch an ausgong sucht

I gfrei mi wonn die eade bebt, wonn die eadplottn pletzlich mit vü gwoit kopulian

Denn i gfrei mi, doss die natua no lebt, konn nix dron ändan, drum nutz i den tog, muass nua akzeptian.

Do die entlodung eazeugt net nua hitzn und licht, die freigsetzte druckwön a knochn bricht

Do aschewoikn vateiln finstanis und vadeam, füa longe zeit gibts donn a oatnsteam

Do da einstuaz da häusa foadat traua und tod, wieda heascht hia elend und grosse not.

I gfrei mi wonn da tog eawocht, die nein aufgom hom scho sehnsüchtig auf mi gwoat

I gfrei mi auf mei wohnungstüa, noch getanem schoffn hob i wieda freizeit gspoat

I gfrei mi wonn die nocht beginnt, kum longsom zu ruah und da schlof tramt tiaf von lichtstroihn

Denn i hoff, doss wieda an moagn gibt, konn nix dron ändan, drum nutz i den tog, ma muass nua woin.

Do da söbst aufealegte stress deaf net explodian, sunst konn ma si boid goa net meah gscheid riahn

Do jeda benötigt an gsundn togesablauf, des innre gleichgwicht is oft in gebrauch

Do iagendwonn amoi taucht mei schlof in d‘ewigkeit, donn bin i füa mei letzte reisn bereit.

      Denn da wettagott hot uns nua missbraucht, denn niagends eafoahn die lügn die woahheit

      Denn da wettagott hot uns donn ongfaucht, imma wieda gwinnt die ungerechtigkeit

      Denn da wettagott ziagt in d‘letzte schlocht, denn niagends existiat friedn ohne kriag

      Denn da wettagott hot jetzt on ois docht, imma wieda zastücklt ea des gebiag.

            Drum nutz den tog, bevoa da wettagott, des leise gift in dei bluad tunkt

            Und auf an schlog, hot da wettagott, in deim lebmsplan dazwischngfunkt

            Drum nutz den tog, bevoa da wettagott, dia donn die racheengl schickt

            Und auf an schlog, hot da wettagott, in dei traurige zukunft blickt.

                  Denn i brauch kan wettagott, dea imma nua des bese ois guad vakauft

                  Und i brauch kan wettagott, dea imma nua mit den elementn rauft

                  Denn i brauch kan wettagott, wo si ständig des guade ois bes entpuppt

                  Und i brauch kan wettagott, dea si scho ständig on da woahheit vaschluckt.

Gfrei mi wonns lem nei beginnt, da easte unschuidige schrei treibt tränen ins gsicht

Gfrei mi wonn is aufwoxn siag, auf seim eignen weg liegn stana net nua im licht

Gfrei mi auf d‘nächste generation, mei oide weisheit wiad iah recht scheene büda moin

Denn i gfrei mi auf mei letzte stufn, konn nix dron ändan, drum nutz i den tog, ma muass nua woin.

Do denk on a gsichate zukunft füa frau und kind, sunst bist gegnüba gfoahn völlig blind

Und hoit üba dei kind dei schützende stoake hond, sunst rennts donn amoi zvü gegn die wond

Und speicha oi deine eainnarungen guad ob, sunst vamisst das in deim engen feichtn grob.

Drum gfrei i mi wonns draussn regnet, wonn die woikn so richtig iah flüssigkeit valian

Und i gfrei mi wonns draussn schneit, wonn die weissn kristalle wie steane floareszian

I gfrei mi wonns draussn haglt, wonn die köana donn wie geschosse vom himml foin

Denn i gfrei mi aufs tägliche wetta, konn nix dron ändan, drum nutz i den tog, ma muass nua woin.

Do des viele noss sommlt si donn zu ana flut, und übaschwemmt des lond und löscht die glut

Da viele schnee vagrobt und eastickt ois unta sich, glitzat wie a diamontnteppich

Die schwean eisbälle zastean haus und die natua, hintalosst a komplett sichtboare spua.

      Denn da wettagott hot uns ois graubt, denn niagends is die lebmswoog korrekt geeicht

      Denn da wettagott hot uns entlaubt, imma wieda hom die frogn kan eareicht

      Denn da wettagott druckt den rotn knopf, denn niagendwo gibts a sichres vasteck

      Denn da wettagott wiaft ois in an topf, imma wieda ziagt ea uns olle in den dreck.

            Drum nutz den tog, bevoa da wettagott, dia voa da nosn die tüa zuaknoit

            Und auf an schlog, hot da wettagott, von dia dein otem donn zruckghoit

            Drum nutz den tog, bevoa da wettagott, di in a fiese foin lockt

            Und auf an schlog, hot da wettagott, dia dei sö jetzt brutal zahockt.

                  Denn i brauch kan wettagott, dea imma nua des bese ois guad vakauft

                  Und i brauch kan wettagott, dea imma nua mit den elementn rauft

                  Denn i brauch kan wettagott, wo si ständig des guade ois bes entpuppt

                  Und i brauch kan wettagott, dea si scho ständig on da woahheit vaschluckt.

                        Hob jetzt ka ongst meah voa diesm bestialischn wettagott

                        Seine ongriffe valaufn im sond, hob sein hoss scho so sott

                        Hob afoch ka ongst meah voa diesm bluadrünstign wettagott

                        Bin endlich in sichaheit in diesm guad getoantn tiafn grob.

~~~~~~~~~~~~~~~~~~~~~~~~~~~~~~~~~~~~~~~~~~~~~~~

Geschrieben am 01. juni 2013 /// 25./26. september 2015.pk.

Überarbeitet am 24. jänner 2017.pk. – copyright by philipp kirschner.pk.

****************************************************

nochmals ein herzliches dankeschön für euer interesse, für eure lange treue, euren oftmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.

und hier wieder die üblichen links:

übersicht band 2

übersicht band 4 und band 3

facebook

twitter

google+

literatpro - meine gedichte band 2

danke für alles. und ich habe noch eine grosse bitte.

bleibt mundartig gesund und bleibt mir weiterhin gewogen.

euer philjazzmetal, dialectiloquax, der mundartige.