316. | klans kind (und des feia)

liebe leserinnen und leser, ich darf euch zum nächsten text einladen. ich hoffe, ihr habt eure hausübung ordentlich gemacht und habt den text 315 bereits brav gelesen.
wünsche ein spannendes lesevergnügen.

>>>>>>>>>>>>>>>><<<<<<<<<<<<<<<<<<

316.     Klans kind (und des feia).

Doat gonz hoch obm auf diesm valossnen beag, wohnt scho seit joahzehntn a oida monn

Auf die einsomkeit legt ea besondas vü weat, und woat jedn anzlnen tog aufd sonn

Diesa beag is stets von dichtn woikn vahüllt, drum zeigt sie nie iah offnes freindlichs gsicht

Diesa greise monn hot no nie die wäame gfühlt, vamisst des reine weisse sonnenlicht

Jetzt kniet a aufm bodn und betet zua sonn, und pletzlich scheint iah woams licht aufm monn

Jetzt endlich locht a wieda, tränen foin hearob, denkt jetzt zruck on sei lem, do ea schloft scho längst in seim grob.

In ana höhle doat gonz tiaf untn vasteckt, wohnt scho seit joahzehntn a oide frau

Auf die einsomkeit hots besondas vü weat glegt, woat mit da blindheit aufm moagntau

Die grotte reicht meilnweit duach fös und gestein, in da dunklheit gibts kan sonnenschein

Diese greise frau hot no nie die wäame gspiat, hätt des reine licht so gean inhaliat

Jetzt kniets aufm bodn und betet zua sunn, duach an spoit dringt a stroih ins heiligtum

Jetzt endlich locht sie wieda, tränen foin hearob, denkt zruck on iah lem, do sie schloft scho längst in iahm grob.

      Und draussn heascht eisig stüamischa wind, feine eiskristalle vajogn des klane kind

      Und draussn wiablt da schnee duach die luft, da koide winta scho pfeifend laut noch stüstond ruft

      Und draussn is ois in da kötn eastoat, des weisse kleid hot scho sehnsüchtig auf die sunn gwoat

      Und wonn donn nua a stroih an blick riskiat, donn funklt und glitzat die wöd wie hypnotisiat.

Doat gonz hoch obm auf diesm riesign baum, wohnt scho seit joahzehntn a oida monn

Die einsomkeit woa scho imma sei gressta traum, woat jedn tog auf den voglgesong

Von diesm baum hot ea die weiteste aussicht, do die symphonien heat a leida nicht

Da greise monn hot no nie a melodie gheat, sei taubheit hot si scho lautstoak beschweat

Jetzt kniet a aufm bodn und betet zua sonn, unds licht eazöht die lebmsgschicht dem monn

Jetzt endlich locht a wieda, tränen foin hearob, fliagt frei wie a vogl, do ea schloft scho längst in seim grob.

Doat gonz tiaf untn in an geheimen valies, wohnt scho seit joahzehntn a oide frau

Diese einsomkeit is füa sie wies paradies, sie hoit scho so long noch da sunn ausschau

Diesa kella is iah gesomte weite wöd, die feichtn wänd hom jedn schrei vastöt

Diese greise frau hot no nie die wäame berüaht, denn iah stummheit hot iahn mund vaschnüat

Jetzt kniets aufm bodn und betet zua sunn, a riss bringt endlich licht ins elysium

Jetzt endlich locht sie wieda, tränen foin hearob, denkt zruck on iah lem, do sie schloft scho längst in iahm grob.

      Und draussn heascht a eisig wüda stuam, des klane kind flüchtet schnö in den sichren leichttuam

      Und draussn rotiat da schnee umanond, da koide winta regiat scho mit eisana hond

      Und draussn is ois hoch mit schnee bedeckt, des jungfräulich weisse kleid hot die sunn seah earegt

      Und wonn donn nua a stroih an blick riskiat, donn san die eiskristalle erotisch explodiat.

            Klans kind beschütz uns voa diesa unsichtboan mocht, des feia is scho ausgebronnt

            Klans kind leicht uns duach diese unhamlich finstre nocht, des feia hot si söbst entmonnt

            Klans kind ziag jetzt in die letzte entscheidende schlocht, des feia gheat do on die front

            Des klane kind hot uns wieda nua friedn mitbrocht, und des feia leist kan widastond.

Doat gonz hoch obm im letztn stock auf dem doch, steht scho seit stundn a seah junga monn

Die einsomkeit is füa eam wie a koida boch, woat scho volla sehnsucht auf seine sonn

Von seim hohn plotz gehts beagob im frein foi, sei traurigkeit is schnölla ois da schoi

Diesa junge monn hot iah liebe so vamisst, nua da schmeaz hot die weisse fahne ghisst

Jetzt springt da foamvoiendet und betet zua sonn, da liebliche stroih ziagt eam magisch on

Jetzt endlich locht a wieda, tränen foin hearob, denkt on sei grosse liebe, do ea schloft längst in seim grob.

Doat hintn in da eckn in an engen raum, sitzt scho seit stundn a seah junge frau

Die einsomkeit baut um sie scho an hohn zaun, suacht scho vazweiflt nochm himmlblau

In diesa eckn fühlt sie a seah stoake kroft, is geboagn im eignen rotn soft

Diese junge frau hot sei liebe so vamisst, da sölische schmeaz is ka pazifist

Jetzt sitzts keazngrod und betet innig zua sunn, zwa tiafe schnitt öffnen des vakuum

Jetzt endlich locht sie wieda, tränen foin hearob, denkt on iah liebe, do sie schloft scho längst in iahm grob.

      Und draussn beheascht da oakan die luft, des klane kind schloft friedlich untam tuam in da gruft

      Und draussn treim schnee und eis iah spü, da koide winta eareicht seah boid sei eignes zü

      Und draussn liegt metahoch dieses weiss, des kleid eahoit bestimmt von da sunn den eastn preis

      Denn wonn donn nua a stroih an blick riskiat, donn hom die eisdiamontn wieda phantasiat.

            Klans kind bewoah uns voa diesa heimtückischn mocht, des feia wuade glei eastickt

            Klans kind eahö den weg duach diese stockfinstre nocht, des feia is scho eingenickt

            Klans kind tobt di jetzt aus in diesa wichtigstn schlocht, des feia hot kan rauch vaschickt

            Des klane kind hot uns wieda nua friedn mitbrocht, und des feia hot ois übablickt.

                  Hinta dickn mauan lodat des feia hass im kamin

                  A poa keazn gebm den gschichtn an romantischn sinn

                  Woitönende stimmen klingen duach die bedrohliche nocht

                  Endlich hot heit jeda wieda moi on des klane kind docht.

Doat gonz nah bei da strossn auf an vabronntn hoiz, sitzt scho seit stundn des seah klane kind

Die einsomkeit reibt tief in den wundn des soiz, woat scho vazweiflt auf den frein wind

Auf seim hoiz bettlt es täglich um milde gobm, donn konns endlich wieda noch schätzn grobm

Dieses klane kind hot sei mutta net gekonnt, es heaschte zu vü kriag in diesm lond

Jetzt kniets scho aufm bodn und betet zua sunn, die drogn füahns in a delirium

Jetzt endlich lochts wieda laut, tränen foin hearob, sei lem vüz kuaz, denn es schloft scho längst in seim tiafn grob.

      Und jetzt weht draussn a friedlicha wind, sei mutta sendet liebe grüsse on iah klans kind

      Und draussn heascht wieda greinigte luft, des klane kind schloft friedlich untam tuam in da gruft

      Die natua is wieda zum lebm eablüht, des tiafgrüne kleid sogoa in da obendsunn glüht

      Und wonn jetzt nua a stroih an blick riskiat, donn is des klane kind völlig unschuidig krepiat.

            Klans kind earett uns voa diesa scheinheilign mocht, des feia homs donn glei eatränkt

            Klans kind wiaf do dei licht in diese tiafschwoaze nocht, dem feia homs des hoiz ausgrenkt

            Klans kind kämpf di in an rausch in diesa letztn schlocht, des feia hot si söbst aufghängt

            Des klane kind hot uns wieda nua friedn mitbrocht, und des feia hot si söbst beschenkt.

                  Hinta dickn mauan lodat des feia hass im kamin

                  A poa keazn gebm den gschichtn an romantischn sinn

                  Woitönende stimmen klingen duach die bedrohliche nocht

                  Endlich hot heit jeda wieda moi on des klane kind docht.

                        Des klane kind is donn aufgstondn und hot uns olle miteinonda vaeint

                        Des klane kind hot ois vastondn und hot uns olle heazzareissend beweint

                        Des klane kind hot nie die hoffnung valoan und hot on des reinweisse licht glaubt

                        Des klane kind wuade donn wiedageboan und hot uns unra sön beraubt.

~~~~~~~~~~~~~~~~~~~~~~~~~~~~~~~~~~~~~~

Geschrieben am 25. september 2014 /// 01./02./03. september 2015.pk.

Überarbeitet am 20. jänner 2017.pk. – copyright by philipp kirschner.pk.

*****************************************

möchte mich wieder auf diesem wege bei euch aufs herzlichste für euren besuch, für euer interesse und treue bedanken. das gibt mir motivation, euch weiterhin meine texte zu präsentieren.
danke dafür.
euer phil

www.facebook.com/philjazz

315. | woansignoi

meine lieben mitverschworenen. ich darf euch jetzt den nächsten text vorstellen. diesmal wieder ein kurzer (1 seite).
viel spass beim lesen.

>>>>>>>>>>>>>>>>>>>>>><<<<<<<<<<<<<<<<<

315.     Woansignoi.

Gestan hob i mas wieda gem, woit afoch wieda befreit und unbeschweat lem

Da rausch wundascheen und peafekt, nua die eainnarung hot si vüz guad vasteckt

Dei onblick göttlich und traumhoft, mei valiabts heaz hot diesn engl net vakroft

Stundnlong hob i di ongstoat, die vün schmettaling im bauch hom wüd rumoat.

Gestan hob i mas wieda gem, woit afoch wieda moi mei promügrenzn ealem

Gründe dafüa hob i gnua ghobt, meine sehnsüchtign gfühle hob i net gstoppt

Dei onblick raubt ma mein vastond, druckst mei entflommtes heaz on a eiskoide wond

Soboid meine augn zuafoin, siag i dei eascheinung donn englsgleich eastroihn.

      Schütt ma koids wossa üba mein schädl, schlog mi mittn in mei gsicht

      Schrei mi on, denunzia mi voa die leit, wiaf mi aus mein gleichgewicht

      Stoss mi von da klippm, zaschneid mei seil, ealös mi von diesa quoi

      Du gehst ma afoch net meah ausm sinn, übahea des woansignoi.

Gestan hob i mas wieda gem, woit wieda moi auf da rauschign woikn schwem

Da siassliche gruch a gedicht, die poa tiafn züge hom meine wön vanicht

Dei onblick stroiht in jeda foab, mei getroffnes heaz rast in deina gegnwoat

Besuchst mi sogoa in mein traum, bin earegt, neavös, do i kum net üban zaun.

Gestan hob i mas wieda gem, woit mi wieda moi üba die ondan eahem

Die floschn woa vüz schnö geleat, jeda schluck hot si bis in jede zön bewäaht

Dei onblick jogt donna und blitz, mei liebestolles heaz nimmt di scho in besitz

Spia dei sonfte hond auf da haut, die leidnschoft hot mei sölische quoi aufbaut.

      Übagiess mi mit eiskoidn wossa, gib ma endlich moi an tritt

      Peitsch mi aus in da öffentlichkeit, beend do diesn obschnitt

      Sabotia afoch mein rettungsfoischiam, ealös mi von diesa quoi

      I hob di scho vüz tiaf in mia vagrom, übasiag des woansignoi.

            Des woansignoi pläat gellend schrill und blinkt leichtend rot

            Des woansignoi is instabil und is ausm lot

            Des woansignoi is a ventil, rettet in da not

            Des woansignoi is niemois still, hot boid hausvabot.

Gestan hob i mas wieda gem, woit diesm blendendn labyrinth widastehn

Die anonymität valoan, hob diesm flüssign drong net meah obgeschwoan

Dei onblick bringt mi wieda zrück, mei wollüstigs heaz vaspüat so vü liebesglück

Liest meine gedonkn, mein wün, nua des woansignoi konn sei roin net weidaspün.

      Eatränk mi im eismea, im wossafoi, ritz mei haut, schneid a tiaf rein

      Treib rostige nägl duach händ und fiass, leg mi aufn opfaschrein

      Beleg mi mit an füachtalichn fluch, ealös mi von diesa quoi

      Du bist füa mi da engl in peason, übageh des woansignoi.

            Des woansignoi hämmat dröhnend laut, blendet intensiv

            Des woansignoi hot kan vatraut, is seah explosiv

            Des woansignoi hot si aufgstaut und wiad aggressiv

            Des woansignoi is jetzt auftaut und seah sensitiv.

                  Du mochst mi jetzt no total varuckt, hob des woansignoi afoch ignoriat

                  Und des wüde tia hot mi vaschluckt, hob des woansignoi donn eliminiat

                  Vamiss scho dein woahn liebesbeweis, hob des woansignoi zu spät fokussiat

                  Und mei vastond draht si scho im kreis, hob des woansignoi afoch net kapiat.

~~~~~~~~~~~~~~~~~~~~~~~~~~~~~~~~~~~~~~~~~~~~~

Geschrieben am 31. august 2015.pk.

Überarbeitet am 20. jänner 2017.pk. – copyright by philipp kirschner.pk.

**************************************************

danke für euren besuch, eure treue und euer interesse.
euer phil.

www.facebook.com/philjazz

twitter.com/philjazmetlyric

https://plus.google.com/u/0/104160599138757338426

314. | valoss eich jetzt

seid mir aufs herzlichste gegrüsst, meine lieben braven treuen leserinnen und leser. ich darf euch sogleich den nächsten text vorstellen. hier geht es um die schnelllebigkeit  in unserem leben. darum wäre es von vorteil, ein paar gänge zurückzuschalten und die langsamkeit, die gemächlichkeit hoch leben zu lassen. viel spass dabei.

>>>>>>>>>>>>>>>>>>>>>><<<<<<<<<<<<<<<<<<<<<

314.     Valoss eich jetzt.

Jetzt is oba on da zeit, füa meah sonfte longsomkeit, ois muass gonz schnö funktionian, soi do harmonisch agian

Drum loss die blumen eablühn, augn zua, geniess die stün, loss los, loss afoch ois foin, glaub mas, du wiast das net bereun

Hea jetzt mit deim jamman auf, des schicksoi nimmt eh sein lauf, gib jetzt endlich moi a ruah, bist do ka winziga bua

Drum zastea dein eignen zaun, hob zu mia endlich vatraun, loss los, loss afoch ois foin, glaub mas, du wiast das net bereun.

Jetzt wiads oba hechste zeit, glei füa meah gemächlichkeit, ois fliesst vü zu schnö dahin, nua gmiatlich mocht des an sinn

Drum brems di a bissl ein, geniess do den sonnenschein, loss los, loss afoch ois foin, glaub mas, du wiast das net bereun

Des nöagln mocht di nua blind, dem schicksoi bist woihgesinnt, moch afoch kiazare schritt, vasetz da an festn tritt

Drum bleib jetzt afoch moi stehn, wiast donn jeds detail vastehn, loss los, loss afoch ois foin, glaub mas, du wiast das net bereun.

      Oba heit hob i ka zeit, da tog is vüz schnö varennt, pock jetzt ois zomm, denn i siag scho des end

      Die sunn, da mond und die stean wexln si scho wieda ob, ois draht si so schnö, hoitn mi in trob

      Hob heit no so vü voa, drum losst mi endlich moi gehn, sogts do endlich zu mia auf wiedasehn

      Die gestiane doat üba mia drahn si afoch vüz schnö, i valoss eich jetzt, denn draussn wiads scho hö.

Jetzt si wiaklich on da zeit, füa wohlige gmiatlichkeit, ois muass mit läam kollidian, ma soi do friedlich sinnian

Drum steig jetzt vom beag hearob, bringst di söba no ins grob, loss los, loss afoch ois foin, glaub mas, du wiast das net bereun

Denn dei klogn findt ka end, des schicksoi hot nua zwa händ, gib eam bitte jetzt kan grund, im moment bist no seah gsund

Drum schoit a poa gänge zruck, donn vageht da hohe druck, loss los, loss afoch ois foin, glaub mas, du wiast das net bereun.

Jetzt wiads oba hechste zeit, glei füa meah behaglichkeit, des schnölle lem mocht an krong, vagisst glei aufm onfong

Drum nimm geschwindigkeit weg, des schicksoi a moascha steg, loss los, loss afoch ois foin, glaub mas, du wiast das net bereun

Dei ständigs fauchn und muan, hintalosst nua rode spuan, schau endlich a üban rond, gebrauch dein eignen vastond

Drum meditia übas lem, des schweign konn da vü gem, loss los, loss afoch ois foin, glaub mas, du wiast das net bereun.

Jetzt wiad die zeit scho seah knopp, bist wieda drin im galopp, muasst unbedingt easta sein, sunst wiafst wieda mit an stein

Drum otme amoi tiaf duach, bedeck die gwoit mit an tuach, loss los, loss afoch ois foin, glaub mas, du wiast das net bereun

Dei gschrei hot jedn scho gneavt, dei schicksoi hot si vaschäaft, vielleicht brauchst a medizin, host zu vü adrenalin

Drum umoam afoch an baum, spia den natüalichn raum, loss los, loss afoch ois foin, glaub mas, du wiast das net bereun.

      Oba heit hob i ka zeit, da tog is scho vaplant, da nägste teamin wiad seah intressant

      Da mond, die stean und die sunn schliessn scho wieda den kreis, foah gleichzeitig auf jedn obstögleis

      Mei kalenda is voi, drum muass i jetzt scho wieda weg, bleib niemois seah long stehn auf nua an fleck

      Die gestiane hom an vüz grossn einfluss auf mei sein, i valoss eich jetzt, siag scho den sonnenschein.

            Jetzt is so weit, bin zu oim bereit, hob no so vü eneagien

            So wüd die zeit, bin zum sprung bereit, muass jetzt endlich weidaziehn

            Valoss eich jetzt, so vü kroft freigsetzt, mecht endlich da stün entfliehn

            Valoss eich jetzt, wea gean hoat gehetzt, valia mi in phantasien.

Jetzt is oba hechste zeit, füa leichte unbeschweatheit, von oin soagn losglöst, wuade nua freude eingflösst

Drum segl zum onkaplotz, is scho a guada onsotz, loss los, loss afoch ois foin, glaub mas, du wiast das net bereun

Dei lauts meckan und monian, des schicksoi wiads kritisian, so vü glück bei dia vaeint, no imma host ois vaneint

Drum schau da von aussn zua, heulst no wie a klana bua, loss los, loss afoch ois foin, glaub mas, du wiast das net bereun.

Jetzt wiads wiaklich hechste zeit, füa a tiafe söligkeit, bist hysterisch und neavös, dei haut wiad longsom porös

Drum loss di do moi massian, muass di donn regenarian, loss los, loss afoch ois foin, glaub mas, du wiast das net bereun

Dei vastimmt mürrisches mauln, wiad donn dei schicksoi vagrauln, den letztn ausweg vapasst, host dei zeit sinnlos vaprasst

Drum geh in di söbst hinein, sunst pinklt da jeda ons bein, loss los, loss afoch ois foin, glaub mas, du wiast das net bereun.

Jetzt wiad die zeit scho seah knopp, die tofl voa dia schreit stopp, bist scho schweahörig und taub, bist scho wie vawöktes laub

Drum ead di mit da natua, spiast iahn heazschlog gonz pua, loss los, loss afoch ois foin, glaub mas, du wiast das net bereun

Konnst ruhig a kloge eahem, es wiad da kana recht gem, des schicksoi locht da ins gsicht, weil es nua die woahheit spricht

Drum moch jetzt an kompromiss, sunst gschiacht dia a fümriss, loss los, loss afoch ois foin, glaub mas, du wiast das net bereun.

      Oba heit hob i ka zeit, hob dem tog ois zuateilt, deaf mi net vaspätn, hob mi beeilt

      Die stean, die sunn und da mond vaändan ständig iah büd, zastea afoch jedn sichaheitsschüd

      I nutz jede freie minutn, gib eana an sinn, jeda tog is füa mi a neibeginn

      Die gestiane dominian mi scho seit meina gebuat, i valoss eich jetzt, bin jetzt auf mein endspuat.

            Steh bei da tüa, schäaf jetzt mei gespüa, hob so vü guade ideen

            Brauch ka geschwüa, vaochte willküa, muass des bese hia vawehn

            Valoss eich jetzt, mei kroft übaschätzt, deaf mi jetzt net meah umdrehn

            Valoss eich jetzt, bin no unvaletzt, konn mei glück no net vastehn.

                  I valoss eich jetzt, mochts ma do eire tüan und fensta auf

                  I valoss eich jetzt, befreits eich vom dreck, staub, vom stickigm rauch

                  I valoss eich jetzt, vagrobts eire soagn, probleme gonz tief

                  I valoss eich jetzt, lösts eich von dem eisign eisanen griff

                  I valoss eich jetzt, gebrauchts eire heazn und lossts liebe spüan

                  i valoss eich jetzt, drum öffnets endlich eire fensta und tüan.

Jetzt is wiaklich hechste zeit, füa grosse gelassenheit, beweis endlich dei geduid, akzeptia dei eigne schuid

Drum schreib jetzt ois genau auf, schenks donn dem heilign rauch, loss los, loss afoch ois foin, glaub mas, du wiast das net bereun

Host di scho vüz oft beschweat, des schicksoi hot di eingspeat, schwimmst imma nua gegan strom, in dia scho so vü oagwohn

Drum vatrau deim woahn freind, hots wiaklich nua guad gemeint, loss los, loss afoch ois foin, glaub mas, du wiast das net bereun.

Jetzt wiads wiaklich hechste zeit, füa innre zufriednheit, host nie entsponnung gspiat, des lebm hot di regiat

Drum fühl des adrenalin, vagiss moi die disziplin, loss los, loss afoch ois foin, glaub mas, du wiast das net bereun

Imma geds da gegan strich, keahst des schicksoi untan teppich, dia reicht kana meah die hond, stösst scho auf zvü widastond

Drum ända di auf da stö, do des geht net auf befö, loss los, loss di afoch foin, glaub mas, du wiast das net bereun.

Jetzt is oba on da zeit, füa meah sonfte longsomkeit, ois muass so schnö funktionian, soi do harmonisch agian

Drum loss die blumen eablühn, augn zua, geniess die stün, loss los, loss afoch ois foin, glaub mas, du wiast das net bereun

Hea jetzt mit deim jamman auf, des schicksoi nimmt eh sein lauf, gib jetzt endlich moi a ruah, bist do ka winziga bua

Drum zastea dein eignen zaun, hob zu mia endlich vatraun, loss los, loss afoch ois foin, glaub mas, du wiast das net bereun.

      Oba heit hob i ka zeit, da tog is mei gonze wöd, hob mi scho wieda on da uah vazöht

      Die sunn, da mond und die stean vamischn si mit da zeit, woat scho vageblich auf mei longsomkeit

      Brauchts mi goa net fessln und knebln, konn mi eh befrein, loch üba eire dummen quölarein

      Nua die gestiane eazöhn die woahheit mit iahm licht, i valoss eich jetzt, is mei recht und mei pflicht.

            I geh jetzt foat, afoch ohne woat, fühl mi ealöst und befreit

            I bleib jetzt doat, hob an longen boat, in mia steckt so vü weisheit

            Valoss eich jetzt, bin net meah vanetzt, valia on beweglichkeit

            Valoss eich jetzt, bin scho schwea valetzt, foi in die endgültigkeit.

                  I valoss eich jetzt, mochts ma do eire tüan und fensta auf

                  I valoss eich jetzt, befreits eich vom dreck, staub, vom stickigm rauch

                  I valoss eich jetzt, vagrobts eire soagn, probleme gonz tief

                  I valoss eich jetzt, lösts eich von dem eisign eisanen griff

                  I valoss eich jetzt, gebrauchts eire heazn und lossts liebe spüan

                  I valoss eich jetzt, drum öffnets endlich eire fensta und tüan.

                        Die woikn ziehn voarüba, denn i valoss eich jetzt, und geh mitm wind

                        Da regn foit zu bodn, denn i valoss eich jetzt, und da tog beginnt

                        Denn i hob mein eignen wün, und i valoss eich jetzt, bin mei eigna hea

                        Geniess jetzt endlich die stün, denn i valoss eich jetzt, woa goa net so schwea.

Jetzt is wiaklich on da zeit, füad ewige longsomkeit, jetzt wiads oba hechste zeit, glei füa meah gemächlichkeit

Jetzt si wiaklich hechste zeit, füa wohlige gmiatlichkeit, jetzt wiads oba hechste zeit, glei füa meah behaglichkeit

Jetzt is oba hechste zeit, füa leichte unbeschweatheit, jetzt wiads wiaklich hechste zeit, füa a tiafe söligkeit

Jetzt is wiaklich hechste zeit, füa grosse gelassenheit, jetzt wiads wiaklich hechste zeit, füa innre zufriednheit.

                  I valoss eich jetzt, mochts ma do eire tüan und fensta auf

                  I valoss eich jetzt, befreits eich vom dreck, staub, vom stickigm rauch

                  I valoss eich jetzt, vagrobts eire soagn, probleme gonz tief

                  I valoss eich jetzt, lösts eich von dem eisign eisanen griff

                  I valoss eich jetzt, gebrauchts eire heazn und lossts liebe spüan

                  I valoss eich jetzt, drum öffnets endlich eire fensta und tüan.

                        Die woikn ziehn voarüba, denn i valoss eich jetzt, und geh mitm wind

                        Da regn foit zu bodn, denn i valoss eich jetzt, und da tog beginnt

                        Denn i hob mein eignen wün, und i valoss eich jetzt, bin mei eigna hea

                        Geniess jetzt endlich die stün, denn i valoss eich jetzt, woa goa net so schwea.

~~~~~~~~~~~~~~~~~~~~~~~~~~~~~~~

Geschrieben am 02. oktober 2013 /// 01. februar // 01. april 2014 /// 27./28./29. august 2015.pk.

Überarbeitet am 20. jänner 2017.pk – copyright by philipp kirschner.pk.

***************************************

vielen dank für euren besuch und euer interesse. seid gedrückt und umarmt.
euer phil.

www.facebook.com/philjazz

twitter.com/philjazmetlyric

https://plus.google.com/u/0/104160599138757338426